Premji Amaran wife: இவங்க தான் பிரேம்ஜி மனைவி... மணப்பெண் புகைப்படத்தை வெளியிட்ட வெங்கட் பிரபு

Premji Amaren wife : நடிகர் பிரேம்ஜி திருமணம் நாளை நடைபெற இருக்கும் நிலையில் மணப்பெண்ணுடன் பிரேம்ஜி இருக்கும் புகைப்படம் ஒன்று வெளியாகியுள்ளது.

பிரேம்ஜி அமரன் மனைவி

தமிழ் திரையுலகின் மிகவும் பிரபலமான பன்முகக் கலைஞரான கங்கை அமரனின் இளைய மகனான நடிகர் பிரேம்ஜியின் திருமணம் நாளை (ஜூன் 9) தேதி திருத்தணி முருகன் கோயிலில் நடைபெறவுள்ளது. இந்நிலையில் அவரின் திருமண நிச்சயதார்த்தம் இன்று நடைபெற்றுள்ளது. 

 

 

இதுவரையில் பிரேம்ஜி திருமணம் செய்து கொள்ள போகும் மணப்பெண் யார்? அவர் மீடியாவை சேர்ந்தவரா? என பல கேள்விகளும் வதந்திகளும் சோசியல் மீடியாவில் மிகவும் வைரலாக பகிரப்பட்ட நிலையில் அந்த வதந்திகளுக்கு முற்றுப்புள்ளி வைக்கும் வகையில் மணமகள் மீடியாவை சேர்ந்தவர் அல்ல. நெருங்கிய நண்பர்கள் மற்றும் குடும்ப உறுப்பினர்கள் மட்டுமே இந்த திருமண விழாவில் கலந்து கொள்ள உள்ளனர். அதனால் எங்களின் பிரைவசியை மதித்து மணமக்களை மனதார வாழ்த்துங்கள். திருமணம் முடிந்ததும் புகைப்படங்களை பகிர்கிறேன் என அறிக்கை மூலம் தெரிவித்து இருந்தார் பிரேம்ஜியின் சகோதரனும் பிரபலமான இயக்குநருமான வெங்கட் பிரபு. 

 

 

இயக்குநர் வெங்கட் பிரபு கூறியது போலவே பிரேம்ஜியின் நிச்சயதார்த்தம் முடிந்தவுடன் பிரேம்ஜி மற்றும் மணமகள் இந்துவின் புகைப்படங்களை தன்னுடைய இன்ஸ்டாகிராம் பக்கத்தில் பகிர்ந்துள்ளார்.  

 

வெங்கட் பிரபு தற்போது தன்னுடைய இன்ஸ்டாகிராம் பக்கத்தில் தம்பி பிரேம்ஜி மற்றும் மணமகள் இந்து இருவரும் சேர்த்து எடுத்துக்கொண்ட புகைப்படம் ஒன்றை பகிர்ந்துள்ளார். இந்த போஸ்ட் மூலம் சகோதரனுக்கு திருமண வாழ்த்துக்களை தெரிவித்துள்ளார். அவரின் போஸ்ட் லைக்ஸ்களை குவித்து வருகிறது. 

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Venkat Prabhu (@venkat_prabhu)

 

மேலும் மணமகள் குறித்த சில தகவல்கள் பிரேம்ஜியின் நெருங்கிய உறவினாகில் மூலம் தெரியவந்ததில் மணமகள் இந்து சேலத்தை சேர்த்தவர். இந்து தான் முதலில் தன்னுடைய காதலை பிரேம்ஜியிடம் சொல்ல இருவரும் சில காலம் காதலித்து வந்த நிலையில், இருவீட்டாரின் பெற்றோர் சம்மதமும் கிடைக்கவே திருமணம் முடிவானது.

மணமகள் இந்து வங்கியில் பணிபுரிகிறார். அவர்கள் இருவரும் எப்போது, எங்கே சந்தித்துக் கொண்டார்கள் என்பது தெரியவில்லை. இந்துவின் ஆசையின்படி திருத்தணியில் திருமணத்தை நடத்த திட்டமிடப்பட்டுள்ளது. அவரின் நெருங்கிய குடும்ப உறுப்பினர்கள் சிலர் சேலத்தில் தான் வசித்து வருகிறார்கள் என்ற தகவல் வெளியாகியுள்ளது. 

 

இது வரையில் பிரேம்ஜி திருமணம் செய்து கொள்ள இருக்கும் பெண் யார் என பல கேள்விகளும் வதந்திகளும் எழுந்த நிலையில் தற்போது அது அனைத்திற்கும் பதிலாக இந்த புகைப்படம் வெளியாகியுள்ளது.