Varisu Third Single: ‘ஆராரிராரோ கேட்குதம்மா’ .. வாரிசின் அம்மா பாடல் வரிகள் இதுதான்..வெளியான வீடியோ..!

வாரிசு படத்தில் இருந்து வெளியாகவுள்ள 3வது பாடலின் ப்ரோமோவை படக்குழு வெளியிட்டுள்ளதால் ரசிகர்கள் மகிழ்ச்சியடைந்துள்ளனர். 

வாரிசு

வாரிசு படத்தில் இருந்து வெளியாகவுள்ள 3வது பாடலின் ப்ரோமோவை படக்குழு வெளியிட்டுள்ளதால் ரசிகர்கள் மகிழ்ச்சியடைந்துள்ளனர். 

2023 பொங்கலுக்கு தமிழ் சினிமா ரசிகர்கள் இப்போதே தயாராகி விட்டார்கள். காரணம் 8 ஆண்டுகளுக்குப் பின் விஜய் - அஜித்தின் படங்கள் நேருக்கு நேர் மோதுகின்றன. அஜித்தின் துணிவு படம் வெளியாகவுள்ள நிலையில், விஜய்க்கு வாரிசு படம் வெளியாகவுள்ளது. 

 இயக்குநர் வம்சி பைடிபள்ளி இயக்கத்தில் வாரிசு படம் உருவாகி வருகிறது. இப்படத்தில்  நடிகை ராஷ்மிகா மந்தனா ஹீரோயினாக நடித்துள்ளார். அதுமட்டுமல்லாமல் பிரகாஷ்ராஜ், சரத்குமார், பிரபு, ஷாம்,சங்கீதா, ஜெயசுதா, உள்ளிட்ட மிகப்பெரிய நட்சத்திர பட்டாளமே இப்படத்தில் இணைந்துள்ளது. வாரிசு படத்தை ஸ்ரீ வெங்கடேஸ்வரா கிரியேஷன்ஸ் சார்பில் பிரபல தெலுங்கு தயாரிப்பாளர் தில் ராஜூ தயாரித்துள்ளார். தமன் இப்படத்திற்கு இசையமைத்துள்ளார்.

 

 

 

 

 

View this post on Instagram

 

 

 

 

 

 

 

 

 

 

 

A post shared by Sri Venkateswara Creations (@srivenkateswaracreations)

இந்த படத்தில் இருந்து  கடந்த நவம்பர் 5 ஆம் தேதி படத்தின் முதல் பாடலாக ரஞ்சிதமே வெளியானது. விஜய் பாடியிருந்த இப்பாடல் ரசிகர்களிடம் பெரும் வரவேற்பை பெற்ற நிலையில் யூட்யூப்பில் 100 மில்லியன் பார்வைகளைப் பெற்று சாதனைப் படைத்தது. இதேபோல் 2 ஆம் பாடலாக  டிசம்பர் 4 ஆம் தேதி தீ தளபதி பாடல் வெளியானது. நடிகர் சிம்பு பாடிய இப்பாடல் 25 மில்லியன் பார்வைகளை பெற்றிருந்தது. 

இதனைத் தொடர்ந்து டிசம்பர் 24 ஆம் தேதி வாரிசு படத்தின் ஆடியோ வெளியீட்டு விழா பிரமாண்டமாக நடக்கவுள்ளதாக கூறப்படும் நிலையில் இன்று மாலை 5 மணிக்கு 3 ஆம் பாடல் வெளியாகும் என படக்குழு அறிவித்துள்ளது. ”சின்னகுயில் சித்ரா பாடியுள்ள இந்தப்பாடலின் போஸ்டரில்  ‘அம்மா இது உனக்காக என்றும் வாரிசின் ஆன்மா’ என்றும் குறிப்பிடப்பட்டுள்ளது. இதனைத் தொடர்ந்து  இசையமைப்பாளர் தமன் வெளியிட்ட ட்வீட்டில், “சித்ரா அம்மா யூ ஆர் சோ ஸ்வீட்..விவேக்கின் பாடல் வரிகள் நிறைய இதயங்களை வெல்லும் மற்றும் வம்சியின் பாடல் மேக்கிங் ரசிகர்களை எமோஷனலாகி, அழ வைக்கும்” என தெரிவித்திருந்தார். 

இந்நிலையில் 3வது பாடலின் ப்ரோமோவை படக்குழு வெளியிட்டுள்ளதால் ரசிகர்கள் மகிழ்ச்சியடைந்துள்ளனர்.  அதில் ’ஆராரிராரோ கேட்குதம்மா...நேரில் வந்தது என் நிஜமா...நாம் கொண்ட காயங்கள் போகுதமா..நாடியும் மெல்லிசை ஆகுதமா..பிள்ளையின் வாசத்தில் ஆசைகள் தோரணம் ஆகுதமா” என்ற பாடல் வரிகள் இடம் பெற்றுள்ளது.