Varisu: ப்ளாக் பஸ்டரா.... ஆவரேஜா... சொல்லி அடித்தாரா விஜய்... வாரிசு பட வசூல் நிலவரம் இதுதான்!
இன்று முதல் பொங்கல் விடுமுறைகள் தொடங்கியுள்ள நிலையில் வரும் நாள்களில் அதிகமாக வசூலிக்கும் என எதிர்பார்க்கப்படுகிறது.
கோலிவுட்டில் பெரும் எதிர்பார்ப்புகளுக்கு மத்தியில் பொங்கல் ரிலீசாக ஜனவரி 11 அதிகாலை வெளியான வாரிசு படம் குடும்பப் பாசம் - ஆக்ஷன் கலந்த கலவை என விழாக்காலத்த்துக்கு ஏற்ற வகையில் விஜய் ரசிகர்களை மகிழ்வித்து வருகிறது.
தில் ராஜூ தயாரிப்பில், தமன் இசையில் வம்சி பைடிப்பள்ளி இயக்கியுள்ள இப்படத்தில் ராஷ்மிகா மந்தனா, பிரகாஷ்ராஜ், சரத்குமார், பிரபு, ஷாம்,சங்கீதா, ஜெயசுதா, யோகிபாபு, சம்யுக்தா என மிகப்பெரும் நட்சத்திர பட்டாளமே இணைந்து நடித்துள்ளது.
எவ்வளவு வசூலித்தது?
இந்நிலையில் வாரிசு படம் கடந்த மூன்று நாள்களில் மொத்தம் 48.15 கோடி ரூபாய் வசூல் செய்ததாகத் தகவல் வெளியாகியுள்ளது.
ஜனவரி 11ஆம் தேதி வெளியான அன்று உலகம் முழுவதும் 26.7 கோடி ரூபாய் வசூலித்தது வாரிசு. ஆனால் அடுத்த இரண்டு நாள்களில் 11.55 கோடி, 9.9 கோடி என சற்றே சரிந்தது.
ஆனால், இன்று முதல் பொங்கல் விடுமுறைகள் தொடங்கியுள்ள நிலையில் வரும் நாள்களில் அதிகமாக வசூலிக்கும் என எதிர்பார்க்கப்படுகிறது. மேலும் இன்றைய நாளில் மொத்தம் 17 கோடி வரை வசூல் செய்யும் எனவும் கணிக்கப்பட்டுள்ளது.
#Varisu India Net Collection
— Sacnilk Entertainment (@SacnilkEntmt) January 14, 2023
Day 3: 9.9 Cr
Total: 48.15 Cr
India Gross: 56.5 Cr
Details: https://t.co/5SHfcRXfq5
கலவையான விமர்சனங்கள்
விமர்சனரீதியாக ’குடும்பங்கள் கொண்டாடும் வெற்றி’ என சமூக வலைதளங்களிலும் ரசிகர்கள் ஒருபுறம் வாரிசு படத்தைப் பாராட்டி வரும் நிலையில், மறுபுறம் கணவன் எதை செய்தாலும் பெண்கள் பொறுத்துப்போக வேண்டும் என்ற ஆதிகாலத்து கதையை எடுக்க இவ்வளவு பெரிய பட்ஜெட் தேவையா என்றும் ரசிகர்கள் கருத்து தெரிவித்து வருகின்றனர்.
”குடும்பம் முக்கியம் தான் என்றாலும் பெண்கள் வீட்டில் நடக்கும் அநியாயங்களை எல்லாம் பொறுத்து கொண்டு போக வேண்டும் என எந்த ஒரு அவசியமும் இல்லை. பெண்களுக்கு நடக்கும் அனைத்து அநியாயங்களையும் பொறுத்து கொண்டு போக வேண்டும் என்பதை மார்டனாக இப்படத்தில் சொல்லி இருக்கிறார்கள். அது ரொம்ப தப்பான விஷயம். கணவர் வேறு ஒரு பெண்ணுடன் தகாத உறவில் இருந்தாலும் அதை கண்டுகொள்ளாமல் குழந்தைக்காகவும், குடும்பத்திற்காகவும் பொறுத்து கொள்ள வேண்டும் என்பது ஆதி காலத்து வேல்யூ.
இன்றைய தலைமுறையில் ஏராளமானவை மாறிவிட்டன. ஆனால் இப்படத்தில் பழைய சென்டிமென்டை புகுத்தி இருக்கிறார்கள். குடும்பம் என்பது ஜனநாயகமாக இருக்கு வேண்டும். ஆனால் ஏனோ படங்கள் அதை பற்றி பேசாமல் பொறுத்து போக வேண்டும் என்றே சொல்லி வருகிறார்கள். இதை சொல்வதற்கு இவ்வளவு பட்ஜெட்டில் படம் எடுக்க தேவையே இல்லை” என பெண் ஒருவர் பேசிய வீடியோ சோசியல் மீடியாவில் மிகவும் வைரலாக பரவி வருகிறது.
வாரிசு படத்தின் விநியோகஸ்தரான செவன் ஸ்கிரீன் ஸ்டூடியோ நிறுவனம் தனது ட்விட்டர் பக்கத்தில், வாரிசு படம் “பொங்கல் வின்னர்” என்ற போஸ்டரை பகிர்ந்தது பேசுபொருளாகியுள்ளது.