Vaathi Track List : பிரம்மாண்ட இசை வெளியீட்டு விழா.. கலக்கலான 5 பாடல்கள்.. வாத்தி அப்டேட் இதோ..!
தனுஷ் நடிப்பில் 'வாத்தி' படத்தின் இரண்டு பாடல்கள் வெளியாகி சூப்பர்ஹிட் வெற்றி பெற்றதை தொடர்ந்து இன்று ஆடியோ லான்ச் நடைபெறுவதால் ட்ராக் லிஸ்டை வெளியிட்டுள்ளனர் படக்குழுவினர்
நடிகர் தனுஷ் நடிப்பில் வெளியாகவுள்ள வாத்தி படத்தில் இடம்பெற்றுள்ள பாடல்கள் குறித்த விவரத்தை இசையமைப்பாளர் ஜி.வி.பிரகாஷ்குமார் வெளியிட்டுள்ளார்.
தெலுங்கு திரைப்பட இயக்குனர் வெங்கி அட்லூரி இயக்கத்தில், சித்தாரா எண்டர்டெயின்மெண்ட்ஸ் நிறுவனத்தின் தயாரிப்பில், நடிகர் தனுஷ் நடித்துள்ள படம் வாத்தி. இப்படம் தமிழ், தெலுங்கு என இரண்டு மொழிகளில் தயாராகியுள்ளது. இதில் தனுஷூக்கு ஜோடியாக சம்யுக்தா மேனன் நடிக்கிறார்.
ட்ரெண்டிங்கில் வாத்தி சாங்ஸ் :
நடிகர் தனுஷ் முதல்முறையாக ஆசிரியர் கதாபாத்திரத்தில் நடித்திருப்பதால் தமிழ் இப்படம் 'வாத்தி' என்ற தலைப்பிலும் தெலுங்கில் 'சார்' என்ற தலைப்பிலும் வெளியாக உள்ளது. இப்படத்துக்கு இசையமைத்துள்ளார் ஜி.வி பிரகாஷ் குமார். ஏற்கனவே இப்படத்தின் ஃபர்ஸ்ட் சிங்கிள் பாடலான ஸ்வேதா மோகன் பாடிய 'வா வாத்தி' பாடல் கடந்த நவம்பர் மாதம் வெளியாகி இன்றளவும் ட்ரெண்டிங்கில் இருந்து வருகிறது. அதன் வெற்றியை தொடர்ந்து செகண்ட் சிங்கள் பாடலான 'நாடோடி மன்னன்' பொங்கல் ஸ்பெஷல் பாடலாக வெளியாகி நல்ல வரவேற்பை பெற்று வாத்தி படம் மீதான எதிர்பார்ப்பை அதிகரித்துள்ளது.
Here is the track list of #vaathi . My first album for 2023 … super happy that #vaavaathi is already a super hit trk in this lot . @dhanushkraja @SitharaEnts #venkyatluri @adityamusic @Fortune4Cinemas pic.twitter.com/BkS7J7SJtb
— G.V.Prakash Kumar (@gvprakash) February 4, 2023
வெளியானது ட்ராக் லிஸ்ட் :
வாத்தி திரைப்படத்தின் ஆடியோ வெளியீட்டு விழா இன்று மாலை சென்னையில் நடைபெற்றது. அந்த வகையில் வாத்தி திரைப்படத்தில் இடம் பெற்றுள்ள பாடல்கள் லிஸ்டை தற்போது வெளியிட்டுள்ளனர் படக்குழுவினர். மொத்தம் ஐந்து பாடல்களில் ஏற்கனவே 'வா வாத்தி' மாற்றும் 'நாடோடி மன்னன்' ஆகிய இரண்டு பாடல்கள் வெளியாகி வெற்றி பெற்றதை தொடர்ந்து மீதம் இருக்கும் கலங்குதே, ஒன் லைஃப், சூர்ய பறவைகளே ஆகிய மூன்று பாடல்களை கேட்க மிகுந்த ஆர்வத்தில் உள்ளனர் தனுஷ் ரசிகர்கள். 2023ம் ஆண்டில் இசையமைப்பாளர் ஜி.வி. பிரகாஷ் இசையில் வெளியாகும் முதல் ஆல்பம் இதுவாகும்.
#Vaathi tracklist 💾
— Sithara Entertainments (@SitharaEnts) February 4, 2023
Turn up the volume for #Vaathi's banger album 🔊
"VAATHI AUDIO CARNIVAL"
A @gvprakash musical magical releasing today at 6️⃣ PM@dhanushkraja #VenkyAtluri @iamsamyuktha_ @dopyuvraj @NavinNooli @vamsi84 #SaiSoujanya @adityamusic @SitharaEnts @7screenstudio pic.twitter.com/ZpJX1FEu8g
வாத்தி ரிலீஸ் :
ரசிகர்கள் ஆவலுடன் எதிர்பார்த்து வரும் இந்த படம், பிப்ரவரி மாதம் 17ஆம் தேதி திரையரங்குகளில் வெளியாக உள்ளது. கடந்த ஆண்டு தனுஷ் நடிப்பில் வெளியான திருச்சிற்றம்பலம், நானே வருவேன் படங்கள் சூப்பர் ஹிட் படங்களாக அமைந்தன. அதனை தொடர்ந்து கடந்த ஆண்டு இறுதியில் வெளியாக இருந்த வாத்தி திரைப்படம் சில காரணங்களால் ஒத்திவைக்கப்பட்டு பிப்ரவரி 17 ஆம் தேதி வெளியாக உள்ளது குறிப்பிடத்தக்கது.
தலைப்பு செய்திகள்
ட்ரெண்டிங் செய்திகள்
