Vijay viral video | ஜாலியாக ஷாப்பிங் செய்த நடிகர் விஜய் ! வைரலாகும் வீடியோ!

எவ்வித பாதுகாவலர்களும் இன்றி சாதாரணமாக நடந்து சென்ற காட்சியை ரசிகர் ஒருவர் வீடியோவாக எடுத்து சமூக வலைத்தளத்தில் ஷேர் செய்துள்ளார்

விஜய்

விஜய் மற்றும் பூஜா ஹெக்டே நடிப்பில் , நெல்சன் திலீப் குமார் இயக்கத்தில் மிகுந்த எதிர்பார்ப்பிற்கு மத்தியில் உருவாகி வரும் திரைப்படம் ‘ பீஸ்ட்’. இந்த படத்தை தயாரிக்கிறது பிரபல சன் பிக்சர்ஸ் நிறுவனம்.  படத்திற்கு ராக் ஸ்டார் அனிருத் இசையமைத்து வருகிறார். பீஸ்ட் படத்தின் மூன்றாவது ஷெடியூல் ஷூட்டிங் நிறைவடைந்த நிலையில் நான்காவது கட்ட படப்பிடிப்பிற்காக படக்குழுவினர் டெல்லி சென்றனர் . டெல்லி விமான நிலையத்திற்குள் விஜய் நுழைந்த பொழுது எடுக்கப்பட்ட வீடியோ ஒன்று முன்னதாக வைரலானது. இதனை தொடர்ந்து தற்போது அங்குள்ள பிரபல  DLF Promenade மாலில் , எவ்வித பாதுகாவலர்களும் இன்றி சாதாரணமாக  நடந்து சென்ற காட்சியை ரசிகர் ஒருவர் வீடியோவாக எடுத்து சமூக வலைத்தளத்தில் ஷேர் செய்துள்ளார். டிராக் மற்றும் டி-ஷேர்ட் அணிந்தபடி விஜய் கூலாக நடந்து செல்லும் காட்சிகள் தற்போது இணையத்தில் வைரலாக ஷேர் செய்யப்பட்டு வருகிறது.

Exclusive unseen VIDEO: Thalapathy #Vijay was spotted at the DLF Promenade Mall after wrapping up the 4th schedule in New Delhi! 📸 @BeastFiIm @actorvijay @Jagadishbliss #Beast pic.twitter.com/32oRn5Q8F7

— #BEAST (@BeastFiIm) September 25, 2021

 

 

பீஸ்ட் படத்தின் நான்காம் கட்ட படப்பிடிப்பு முடிவடைந்த நிலையில் , மீண்டும் சென்னை திரும்பியுள்ளனர் படக்குழு. இந்த நிலையில் விஜய் ஷாப்பிங் செல்வதற்காக அங்குள்ள பிரபல மாலுக்கு சென்றதாகஅவருக்கு நெருக்கமானவர்கள் தெரிவிக்கின்றனர்.  பீஸ்ட் படத்தின் முதற்கட்ட படப்பிடிப்பு ஜார்ஜியாவில் நடைப்பெற்றது. அதன் பிறகு கொரோனா ஊரடங்கால் படப்பிடிப்பு தாமதமானது. பின்னர் மீண்டும் ஊரடங்கு தளர்வுகள் அறிவிக்கப்பட்டதால் ,சென்னையின் சில இடங்களில் படப்பிடிப்பை நிறைவு செய்து  இரண்டாம் கட்ட படப்பிடிப்பிற்காக ரஷ்யா விரைந்தனர் படக்குழுவினர். அதன் பிறகு  மூன்றாம் கட்ட படப்பிடிப்பு கடந்த இரண்டு மாதங்களாக சென்னையில் நடைப்பெற்றது. பின்னர் இந்த மாத தொடங்கத்தில் மும்பை கோகுலம் ஸ்டூடியோவில் பிரம்மாண்ட செட் அமைக்கப்பட்டு , அதிரடி சண்டைக்காட்சிகளை படமாக்கியுள்ளனர் படக்குழு. தற்போது மீண்டும் சென்னை திரும்பியுள்ள படக்குழுவினர் இறுதிக்கட்ட படப்பிடிப்பில் கலந்துக்கொள்வார்கள் என தெரிகிறது.  படப்பிடிப்பை வருகிற நவம்பர் மாதத்திற்குள் முடிக்க பீஸ்ட் படக்குழு முடிவெடுத்துள்ளார்களாம். அடுத்தக்கட்டமாக போஸ்ட் புரடெக்ஸன் வேலைகளில் முழுவீச்சில் இறங்குவார்கள் என தெரிகிறது. அதே நேரம் புரமோஷன் வேலைகளிலும் கவனம் செலுத்துவார்கள் . பீஸ்ட் படத்தை வருகிற ஜனவரி மாதம் பொங்கல் பண்டிகையை முன்னிட்டு வெளியிட படக்குழு முடிவெடுத்துள்ளதாக கூறப்படுகிறது.

பீஸ்ட் படத்தில் செல்வராகவன் , யோகி பாபு, அபர்ணா தாஸ், ஷைன் டாம் சாக்கோ,லில்லிபுட் ஃபாரூக்கி,விடிவி கணேஷ் மற்றும் பலர் முக்கிய வேடங்களில் நடிக்கின்றனர். இது தவிர  சார்பட்டா படத்தின் மிகவும் புகழ்பெற்ற கதாபாத்திரமான டான்சிங் ரோஸ் கதாபாத்திரத்தில் நடித்த ஷபீர் கல்லக்கலும்  மூன்றாவது வில்லனாக பீஸ்ட் படத்தில் இணைந்துள்ளார் என்பது குறிப்பிடத்தக்கது.