![ABP Premium](https://cdn.abplive.com/imagebank/Premium-ad-Icon.png)
Thalapathy 67 Title: ரத்தம் தெறிக்க சம்பவம்.. காத்திருக்கும் விஜய் - லோகேஷ் கூட்டணி; தளபதி 67 டைட்டில் நாளை அறிவிப்பு..!
நடிகர் விஜய் நடிக்கும் 67வது படத்தின் டைட்டில் நாளை மாலை வெளியாகும் என படக்குழு அதிகாரப்பூர்வமாக அறிவித்துள்ளது.
![Thalapathy 67 Title: ரத்தம் தெறிக்க சம்பவம்.. காத்திருக்கும் விஜய் - லோகேஷ் கூட்டணி; தளபதி 67 டைட்டில் நாளை அறிவிப்பு..! Thalapathy 67 Update Vijay 67 Movie Title Revealing at 5 PM Tomorrow February 3rd Thalapathy 67 Title: ரத்தம் தெறிக்க சம்பவம்.. காத்திருக்கும் விஜய் - லோகேஷ் கூட்டணி; தளபதி 67 டைட்டில் நாளை அறிவிப்பு..!](https://feeds.abplive.com/onecms/images/uploaded-images/2023/02/02/c021200832e04f2edc9206f24085d30b1675341659255572_original.jpg?impolicy=abp_cdn&imwidth=1200&height=675)
நடிகர் விஜய் நடிக்கும் 67வது படத்தின் டைட்டில் நாளை மாலை வெளியாகும் என படக்குழு அதிகாரப்பூர்வமாக அறிவித்துள்ளது.
கடந்த 2021 ஆம் ஆண்டு நடிகர் விஜய் நடிப்பில் மாஸ்டர் படம் வெளியானது. இப்படத்தின் மூலம் முதல்முறையாக விஜய் இயக்குநர் லோகேஷ் கனகராஜூடன் கூட்டணி சேர்ந்தார். இந்த படத்தை . செவன் ஸ்கிரீன் ஸ்டுடியோஸ் சார்பாக லலித் குமார் இப்படத்தை தயாரித்திருந்தார். கொரோனா காலத்தில் வெளியான இப்படம் மிகப்பெரிய வெற்றியைப் பெற்று திரையுலகினருக்கு மிகப்பெரிய நம்பிக்கையை கொடுத்தது.
இந்நிலையில் தான் தளபதி 67 படத்தின் மூலம் விஜய்- லோகேஷ் கனகராஜ் இணைந்துள்ளனர் என்றும், அனிருத் இசையமைக்கும் இப்படத்தை செவன் ஸ்கிரீன் ஸ்டுடியோஸ் சார்பாக லலித் குமார் தயாரிக்கிறார் என்றும், அதிகாரப்பூர்வ அறிவிப்பு நேற்று வெளியானது. மேலும் ஒளிப்பதிவாளராக மனோஜ் பரமஹம்சா, சண்டைப் பயிற்சியாளராக அன்பறிவ், எடிட்டிங் ஃபிலோமின் ராஜ், கலை இயக்குநராக சதீஷ் குமார், நடன இயக்குநராக தினேஷ் மாஸ்டர், வசனங்களை லோகேஷ் கனகராஜ், ரத்னகுமார், தீரஜ் வைத்தி ஆகியோர் பணியாற்றவுள்ளதாவும் தெரிவிக்கப்பட்டுள்ளது.
View this post on Instagram
தளபதி 67 படத்தின் ஷூட்டிங் காஷ்மீரில் நடைபெறுகிறது. இதற்காக படக்குழுவினர் அனைவரும் காஷ்மீருக்கு தனி விமானம் மூலம் சென்றுள்ளனர். இதுதொடர்பான வீடியோக்கள் இணையத்தில் வைரலானது.
இதற்கிடையில் தளபதி 67 படத்தில் நடிக்கவுள்ள நடிகர் -நடிகைகள் குறித்த விவரங்களை படக்குழு வெளியிட்டது. இப்படத்தில் ஹீரோயினாக நடிகை த்ரிஷா நடிக்கிறார். மேலும் பிரபல பாலிவுட் நடிகர் சஞ்சய் தத், நடிகை பிரியா ஆனந்த், டான்ஸ் மாஸ்டர் சாண்டி, இயக்குநர் மிஷ்கின், நடிகர் மன்சூர் அலிகான், மலையாள இளம் நடிகர் மேத்யூ தாமஸ், இயக்குநர் கௌதம் மேனன், நடிகர் அர்ஜூன் ஆகியோர் இப்படத்தில் இணைந்துள்ளனர்.
இதனைத் தொடர்ந்து தளபதி 67 படத்தின் ஓடிடி உரிமையை நெட்பிளிக்ஸ் நிறுவனமும், சேட்டிலைட் உரிமையை சன் டிவியும் கைப்பற்றியதாக தெரிவிக்கப்பட்டது. இந்நிலையில் தளபதி 67 படத்தின் டைட்டில் நாளை மாலை 5 மணிக்கு வெளியாகும் என படக்குழு அறிவித்துள்ளது. இதனால் ரசிகர்கள் மகிழ்ச்சியடைந்துள்ளனர்.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)