Tv stars Thala Deepavali: இத்தனை சின்னத்திரை பிரபலங்களுக்கு தல தீபாவளியா? வாழ்த்தலாமே!

சின்னத்திரை நட்சத்திரங்கள் யார் யாரெல்லாம் இந்த ஆண்டு தல தீபாவளியை கொண்டாட போகிறார்கள் என்பதை கீழே விரிவாக காணலாம்.

தல தீபாவளி கொண்டாடும் சின்னத்திரை நட்சத்திரங்கள்

சமீப காலமாக வெள்ளித்திரை நடிகர்களுக்கு சமமாக சின்னத்திரை நடிகர்களும் மக்கள் மத்தியில் பிரபலமாகி மிகப்பெரிய செலிபிரிட்டிகளாக வலம் வருகிறார்கள். அவர்களுக்கு ஏராளமான ஃபேன் பாலோவர்ஸ் உள்ளனர். அவர்கள் வாழ்க்கையில் நடக்கும் ஒவ்வொரு சுவாரஸ்யமான அனுபவங்களையும் தங்களின் ரசிகர்களுடன் பகிர்ந்து அவர்களின் குடும்ப உறுப்பினர்களில் ஒருவராக மாறிவிடுகிறார்கள். இன்னும் சொல்ல போனால் வெள்ளித்திரை பிரபலங்களை காட்டிலும் சின்னத்திரை பிரபலங்கள் ரசிகர்களுக்கு மிகவும் நெருக்கமானவர்களாக அவர்களின் வரவேற்பறைக்கே சென்று தினசரி சந்திக்கிறார்கள். 

அந்த வகையில் நாளை தீபாவளி பண்டிகையை கொண்டாடும் வேலையில் தல தீபாவளி கொண்டாடும் சின்னத்திரை நட்சத்திரங்கள் யார் யார் என்பதை பார்க்கலாம் வாங்க:

அகிலன் புஷ்பராஜ் - அக்ஷயா முரளிதரன் :

விஜய் டிவியின் 'பாரதி கண்ணம்மா' தொடரில் டாக்டர் பாரதியின் தம்பியாக நடித்ததன் மூலம் பிரபலமானவர் நடிகர் அகிலன். அவருக்கு சினிமாவில் நடிக்க வாய்ப்பு கிடைத்ததால் பாதியிலேயே சீரியலை விட்டு விலகினார். அவர் தனது நீண்ட நாள் காதலியான அக்ஷயா முரளிதரன் என்பவரை கடந்த செப்டம்பர் 14ம் தேதி திருமணம் செய்து கொண்டார். 

அன்பரசி - வசந்தன் :

 

சன் டிவியில் ஒளிபரப்பாகும் எதிர்நீச்சல் தொடரில் ஜனனியின் தோழியாகவும், தமிழும் சரஸ்வதியும் சீரியலிலும் நடித்ததன் மூலம் பிரபலமானவர் அன்பரசி. இவர் வசந்தன் என்பவரை கடந்த செப்டம்பர் 17ம் தேதி பெரியார் திடலில் திராவிட கழகத் தலைவர் கீ.வீரமணி முன்னிலையில் சுயமரியாதை திருமணம் செய்து கொண்டனர். 

நாஞ்சில் விஜயன் - மரியா

விஜய் டிவியில் ஒளிபரப்பான 'கலக்கப்போவது யாரு' நிகழ்ச்சி மூலம் பிரபலமான நாஞ்சில் விஜயன் மரியா என்பவரை கடந்த செப்டம்பர் 3ம் தேதி எளிமையான முறையில் திருமணம் செய்து கொண்டார். 

அஜய் பரத் - மோனிகா :

ஜீ தமிழில் ஒளிபரப்பாகி வரும் தெய்வம் தந்த பூவே சீரியல் மூலம் பிரபலமானவர் அஜய் பரத். இவர் தன்னுடைய நீண்டநாள் தோழியான மோனிகாவை கடந்த ஆகஸ்ட் மாதம் காதலித்து திருமணம் செய்து கொண்டார்.

எருமசாணி விஜய் - நக்ஷத்திரா :

புகழ்பெற்ற யூ டியூபரும், நடிகர், இயக்குனர் என்ற பன்முகத்திறன் கொண்ட எருமசாணி விஜய் தனது நீண்ட நாள் காதலியான நக்ஷத்திராவை கடந்த மே மாதம் திருமணம் செய்து கொண்டார். பெற்றோர்கள் முன்னிலையில் இந்த காதல் ஜோடியின் திருமணம் கோலாகலமாக நடைபெற்றது. 

 

நல்காரி பிரியங்கா - ராகுல் வர்மா :  

சன் டிவியில் மிகவும் பிரபலமான தொடராக பல ஆண்டுகள் ஒளிபரப்பான 'ரோஜா' தொடர் மூலம் பிரபலமானவர் நல்காரி பிரியங்கா. திடீரென நல்காரி பிரியங்கா, ராகுல் வர்மா என்ற தொழிலதிபரை மலேசியாவில் உள்ள முருகன் கோயிலில் கடந்த மார்ச் திருமணம் செய்து கொண்டு அதன் புகைப்படங்களை சோசியல் மீடியாவில் பகிர்ந்து அவரின் ரசிகர்களுக்கு ஷாக் கொடுத்தார். இந்த தம்பதியினருக்கு இந்த ஆண்டு தல தீபாவளி. 
 

பிரிட்டோ - சந்தியா :

ஜீ தமிழில் ஒளிபரப்பான தவமாய் தவமிருந்து தொடரில் ரீல் ஜோடிகளாக நடித்து வந்த பிரிட்டோ - சந்தியா ஜோடி ரியல் ஜோடிகளாக கரம் பிடித்தனர். இவர்களின் திருமணம் கடந்த ஜூலை மாதம் கோலாகலமாக நடைபெற்றது. 

கார்த்திகை தீபம் ஆர்த்திகா :

ஜீ தமிழ் தொலைக்காட்சியில் ஒளிபரப்பாகும் பிரபலமான தொடரின் கதாநாயகியாக தீபா என்ற கதாபாத்திரத்தில் நடித்து வருபவர் நடிகை ஆர்த்திகா. இவர் தனது காதலரை பெற்றோரின் சம்மதத்துடன் கரம் பிடித்தார். இவர்களின் திருமணம் கடந்த வாரம் கேரளாவில் நடைபெற்றது. திருமணமான ஒரே வாரத்தில் தல தீபாவளி கொண்டாட போகிறார்கள் இந்த புதுமண தம்பதி. 

அனைத்து தம்பதிகளுக்கும் இனிய தல தீபாவளி நல்வாழ்த்துக்கள்!