பிரியங்காவுடன் ஆட்டம் போட்ட மன்சூர் அலிகான்...உருட்டுக்கட்டையுடன் கொடுத்த மாஸ் என்ட்ரி...!

தமிழ் தொலைக்காட்சிகளில் விஜய் டிவியில் ஒளிபரப்பாகும் நிகழ்ச்சிகள் எப்போதும் மற்ற சேனல்களின் நிகழ்ச்சிகளில் இருந்து வித்தியாசமாகவே இருக்கும்

நடிகர் மன்சூர் அலிகான்

விஜய் டிவியில் ஒளிபரப்பாகும் ராஜூ வூட்ல பார்ட்டி நிகழ்ச்சியில் இந்த வாரம் பிரபல நடிகர் மன்சூர் அலிகான் கலந்து கொண்டுள்ளார். 

தமிழ் தொலைக்காட்சிகளில் விஜய் டிவியில் ஒளிபரப்பாகும் நிகழ்ச்சிகள் எப்போதும் மற்ற சேனல்களின் நிகழ்ச்சிகளில் இருந்து வித்தியாசமாகவே இருக்கும்.  சீரியல்கள், ரியாலிட்டி ஷோக்கள் என வார நாட்களிலும் சரி, வார இறுதி நாட்களிலும் சரி பார்வையாளர்களை தங்கள் பக்கம் கட்டிப் போட்டு விடுகின்றனர். 

 

 

 

 

 

View this post on Instagram

 

 

 

 

 

 

 

 

 

 

 

A post shared by Vijay Television (@vijaytelevision)

அந்த வகையில் குக் வித் கோமாளி நிகழ்ச்சி முடிந்தவுடன் “ராஜூ வூட்ல பார்ட்டி” என்ற நிகழ்ச்சி ஒளிபரப்பாகி வருகிறது. இதனை பிக்பாஸ் நிகழ்ச்சியின் மூலம் ரசிகர்களிடையே மிகப்பெரிய அளவில் பிரபலமான ராஜூ தொகுத்து வழங்கி வருகிறார். மேலும் இதில் இமான் அண்ணாச்சி, மதுரை முத்து, பிரியங்கா, தீபா, ஷிவா அரவிந்த் என பலரும் உள்ளனர். ராஜூ வீட்டு பார்ட்டிக்கு வரும் பிரபலங்களிடம் கேள்விகள், டாஸ்குகள் என இது ரசிகர்களிடம் நல்ல வரவேற்பை பெற்றுள்ளது. 

முதல் வாரம் ஒளிபரப்பான எபிசோடில் பார்ட்டிக்கு நடிகைகள் ரேஷ்மா பசுபுலேட்டி, பிக்பாஸ் ஜூலி, கேபிரியல்லா ஆகியோரும், தொடர்ந்து ஒளிபரப்பான எபிசோட்களில் நடிகை அமலாபால், பாக்யலட்சுமி குடும்பத்தினர், பாரதி கண்ணம்மா குடும்பத்தினர், கடந்த வாரம்  நடிகர்கள் வைபவ்,நிதின் சத்யா, இயக்குநர் வெங்கட் பிரபு, நடிகை விஜயலட்சுமி உள்ளிட்ட பலரும் கலந்து கொண்டனர். நடுவில் மதுரை முத்து காமெடி, ராமரின் பங்களிப்பு என இந்நிகழ்ச்சி வாரா வாரம் ரசிகர்களை கவர்ந்து வருகிறது. 

இந்த வாரம் செம்ம அலப்பறைகள் இருக்க போகுது 😆😆

ராஜு வூட்ல பார்ட்டி - வரும் ஞாயிறு இரவு 9:30 மணிக்கு நம்ம விஜய் டிவில.. #RajuVootlaParty pic.twitter.com/pkUzKSEppr

— Vijay Television (@vijaytelevision) September 15, 2022

இந்நிலையில் இந்த வாரம் ஒளிபரப்பாகவுள்ள எபிசோடில் நடிகர் மன்சூர் அலிகான் பங்கேற்றுள்ளார். அதில் உருட்டுக் கட்டையுடன் வரும் அவர், விஜே பிரியங்காவுடன் டான்ஸ் ஆடுகிறார்.  அவரை கலாய்க்கும் மதுரை முத்துவை தேடி தேடி வெளுக்கிறார். பிரியங்கா அவரிடம் பிக்பாஸ் நிகழ்ச்சிக்கு கூப்பிட்டால் போவீர்களா என கேட்கிறார். உடனே மன்சூர் அலிகான், சத்தியமா தான் இதுவரை பிக்பாஸ் நிகழ்ச்சியே பார்த்தது இல்லை. எத்தனை மணிக்கு இந்த ஷோ வருது என கேட்கிறார். இதைக்கேட்டு அனைவரும் அதிர்ச்சியடைவது போல ப்ரோமோ ரசிகர்களை கவர்ந்துள்ளது.