Suriya: 'வெயிட் போட்ட சூர்யா.. மாஸான வீடியோவை வெளியிட்ட ஸ்டூடியோ க்ரீன் நிறுவனம்’ - ரசிகர்கள் மகிழ்ச்சி..!

நடிகர் சூர்யாவின் ஒர்க் அவுட் வீடியோ ஒன்றை ஸ்டூடியோ க்ரீன் நிறுவனம் தனது ட்விட்டர் பக்கத்தில் வெளியிட்டுள்ளது. 

நடிகர் சூர்யா

நடிகர் சூர்யாவின் ஒர்க் அவுட் வீடியோ ஒன்றை ஸ்டூடியோ க்ரீன் நிறுவனம் தனது ட்விட்டர் பக்கத்தில் வெளியிட்டுள்ளது. 

தமிழ் சினிமாவின் முன்னணி நடிகராக உள்ள நடிகர் சூர்யா, கடைசியாக எதற்கும் துணிந்தவன் என்ற படத்தில் நடித்திருந்தார். இதனைத் தொடர்ந்து ‘விக்ரம்’ படத்தில் கேமியோ ரோலில் நடித்தார். இதனைத் தொடர்ந்து அவர் இயக்குநர் பாலா இயக்கத்தில் வணங்கான் படத்தின் நடிப்பதாக அறிவிக்கப்பட்டது. முதற்கட்ட படப்பிடிப்பு விறுவிறுப்பாக நடந்த நிலையில்,  கதையில் ஏற்பட்ட மாற்றம் காரணமாக  சூர்யா படத்தில் இருந்து விலகினார். 

இதற்கிடையில் ரசிகர்கள் பெரிதும் எதிர்பார்த்த சூர்யாவின் அடுத்தப்பட அறிவிப்பு வெளியானது. தமிழ் சினிமாவின்  தவிர்க்க முடியாத கமர்சியல் இயக்குநராக உருவெடுத்துள்ள சிவாவின் இயக்கத்தில் சூர்யா நடிக்கிறார் என தெரிவிக்கப்பட்டது. கிட்டதட்ட 2 ஆண்டுகளாக பரவிய வதந்திக்கு உறுதியான முடிவு கிடைத்ததால் ரசிகர்கள் மகிழ்ச்சியடைந்தனர். 

பிரமிக்க வைக்கும் ‘கங்குவா’

சூர்யா - சிவா இணையும் படத்திற்கு ‘கங்குவா’ என பெயரிடப்பட்டுள்ளது. யூவி கிரியேஷன்ஸ் மற்றும் ஸ்டுடியோ கிரீன் நிறுவனம் தயாரிக்கும் இந்த படத்தில் நடிகையாக திஷா பதானி நடிக்கிறார். இது தமிழில் அவருக்கு முதல் படமாகும். மேலும் தேவி ஸ்ரீ பிரசாத் இசையமைக்கும் கங்குவா படம் 10 மொழிகளில் 3டி தொழில்நுட்பத்தில் வெளியாகும் என தெரிவிக்கப்பட்டுள்ளது. 

இந்த படத்தின் படப்பிடிப்பு  கோவா, எண்ணூர் துறைமுகம், கேரளா உள்பட பல இடங்களில் நடைபெற்ற நிலையில் கடந்த ஏப்ரல் 16 ஆம் தேதி படத்தின் டைட்டில் போஸ்டர் வெளியானது. கங்குவா என்பதற்கு நெருப்பு சக்தி கொண்டவர் மற்றும் மிகவும் வீரம் கொண்டவர் என்று பொருள் எனவும் தெரிவிக்கப்பட்டது. மேலும் இதுதொடர்பான அறிவிப்பு ஒன்றில், “புகழ்ச்சிகளுக்கும், இடியின் சத்தங்களுக்கும் நடுவே போர் வீரன் நுழைகிறான்” என்ற கேப்ஷன் இடம் பெற்றிருந்தது. 

It's #Kanguva mode 🔥🔥💥@Suriya_offl @KanguvaTheMovie #AnbaanaFans pic.twitter.com/PS3yQfk226

— Studio Green (@StudioGreen2) May 11, 2023

இதனிடையே நேற்றைய தினம் கொடைக்கானலில் நடிகர் சூர்யா, நடிகை ஜோதிகா ஆகியோர் இருக்கும் புகைப்படங்கள் வைரலானது. இப்படியான நிலையில் புகைப்படத்தில் சூர்யா, எடை அதிகரித்து இருப்பது போல இருப்பதாக ரசிகர்கள் கருத்து தெரிவித்தனர். இந்த நிலையில், ஸ்டூடியோ க்ரீன் நிறுவனம் தனது ட்விட்டர் பக்கத்தில்  நடிகர் சூர்யாவின் ஒர்க் அவுட் வீடியோவை வெளியிட்டுள்ளது. இதனை ரசிகர்கள் சமூக வலைத்தளத்தில் வைரலாக்கி வருகின்றனர். 

மேலும் படிக்க: MaMannan: 'உதயநிதி ஸ்டாலினின் ஆசை..' மாமன்னன் படம் உருவானது எப்படி..? மனம் திறந்த மாரிசெல்வராஜ்..!