Suriya 43: சூர்யா 43 அப்டேட்... மீண்டும் இணையும் தேசிய விருது கூட்டணி? - ரசிகர்கள் உற்சாகம்!

கங்குவா படப்பிடிப்பு கிட்டத்தட்ட இறுதிக்கட்டத்தை நெருங்கியுள்ள நிலையில், தற்போது சூர்யாவின் அடுத்த படம் பற்றிய அறிவிப்பு வெளியாக உள்ளது.

சூர்யா43

நடிகர் சூர்யாவின் அடுத்த படமான ‘சூர்யா 43’ படம் பற்றிய தகவல் வெளியாகி அவரது ரசிகர்களை உற்சாகத்தில் ஆழ்த்தி வருகிறது.

நடிகர் சூர்யா தற்போது ‘கங்குவா’ படத்தில் பிஸியாக நடித்து வருகிறார். இப்படத்தின் படப்பிடிப்பு கிட்டத்தட்ட இறுதிக்கட்டத்தை நெருங்கியுள்ள நிலையில், தற்போது சூர்யாவின் அடுத்த படம் பற்றிய அறிவிப்பு வெளியாகி உள்ளது.

தேசிய விருது கூட்டணி

அதன்படி ‘சூரரைப் போற்று’ படத்துக்குப் பிறகு சுதா கொங்கரா இயக்கத்தில் நடிகர் சூர்யா மீண்டும் நடிக்க உள்ளதாகவும், மீண்டும் ஜி.வி.பிரகாஷ் உடன் இப்படத்துக்காக சூர்யா கூட்டணி வைப்பதாகவும் தகவல் வெளியாகியுள்ளது.

மேலும் “ஜி.வி. 100” என தன் சமூக வலைதளப் பக்கத்தில் ஜி.வி.பிரகாஷ் பதிவிட்டுள்ள நிலையில், சூர்யா 43 படம் பற்றிய அறிவிப்பாக தான் இது இருக்கும் எனவும் ரசிகர்கள் கருத்து தெரிவித்து வருகின்றனர்.

 

#GV100 🔜🔥. Let’s go

— G.V.Prakash Kumar (@gvprakash) July 18, 2023

கொரோனா ஊரடங்கு காலத்தில் 2020ஆம் ஆண்டு வெளியாகி பெரும் வரவேற்பைப் பெற்ற சூரரைப் போற்று திரைப்படம், ஏர் டெக்கான் விமான நிறுவனத்தின் நிறுவனர் ஜி.ஆர்.கோபிநாத்தின் வாழ்கையை மையப்படுத்தி எடுக்கப்பட்டது.

பாராட்டுகளை அள்ளிய சூரரைப் போற்று

இந்நிலையில், கொரோனா ஊரடங்கு காரணமாக தேசிய விருதுகள் அறிவிப்பு தொடர்ந்து தள்ளிப்போன நிலையில், அண்மையில் சிறந்த படத்திற்கான தேசிய விருது, சிறந்த நடிகருக்கான விருது, சிறந்த நடிகைக்கான விருது சிறந்த பின்னணி இசைக்கான விருது சிறந்த திரைக்கதைக்கான விருது என ஐந்து தேசிய விருதுகள் இப்படத்துக்கு அறிவிக்கப்பட்டது.

இதனிடையே அக்‌ஷய் குமார் நடிப்பில் சூரரைப் போற்று இந்தி ரீமேக்கை சுதா கொங்கரா இயக்கி வரும் நிலையில். தற்போது அவர் மீண்டும் நடிகர் சூர்யாவுடன் இணைவதாகத் தகவல் வெளியாகியுள்ளது.

 வாடிவாசல் என்ன ஆச்சு?

நடிகர் சூர்யா மற்றொருபுறம் வெற்றிமாறனின் வாடிவாசல் படத்தில் ஒப்பந்தம் ஆகியுள்ள நிலையில், இப்படம் சுமார் 2 ஆண்டுகளுக்கும் மேலாக நிலுவையில் இருந்து வருகிறது. ஜல்லிக்கட்டை மையமாகக் கொண்டு உருவாகும் வாடிவாசல் படத்துக்காக சூர்யா சொந்தமாக காளை ஒன்றை வளர்த்து பயிற்சி மேற்கொண்டு வருகிறார்.

இந்நிலையில் அனிமாட்ரானிகஸ் என்னும் உயர் தொழில்நுட்ப முறையில் சூர்யா வளர்த்து வரும் காளையைப் போன்ற ரோபோட் ஒன்று வாடிவாசல் படத்துக்காக தயார்செய்யப்பட்டு வருவதாக இயக்குநர் வெற்றிமாறன் சமீபத்தில் அப்டேட் கொடுத்துள்ளார். எனினும் இப்படத்தின் படப்பிடிப்பு இன்னும் தொடங்கவில்லை.

மேலும் படிக்க: Rajinikanth: 'யாருமே பார்க்காத ரஜினியின் ஷூட்டிங் ஸ்பாட் புகைப்படம்’ .. யார் யாரு இருக்கான்னு பார்த்தீங்களா?