சத்தமே இல்லாமல் தொடங்கிய ரஜினிகாந்த் பட ஷுட்டிங்! தலைவர் 173 ஆட்டம் ஆரம்பம்!
சூப்பர்ஸ்டார் ரஜினிகாந்த் நடிப்பில் உருவாகும் தலைவர் 173 படத்தின் படப்பிடிப்பு தொடங்கியுள்ளது.
தமிழ் திரையுலகின் சூப்பர்ஸ்டார் ரஜினிகாந்த். இவர் தற்போது ஜெயிலர் 2 படத்தில் நடித்து வருகிறார். மேலும், ரஜினிகாந்த் - கமல்ஹாசன் இருவரும் இணைந்து நடிக்கும் படத்தின் படப்பிடிப்பில் பங்கேற்கிறார். இந்த இரு படத்தையும் இயக்குனர் நெல்சன் இயக்குகிறார்.
சத்தம் இல்லாமல் தொடங்கிய தலைவர் 173:
ஜெயிலர் 2 படத்தைத் தொடர்ந்து ரஜினிகாந்தின் 173வது படத்தை இயக்குனர் அர்ஷத் மாரிமுத்து இயக்க உள்ளதாக தகவல் வெளியானது. இந்த படத்தின் படப்பிடிப்பு எப்போது? என்று பலரும் எதிர்பார்த்து காத்திருந்தனர். இந்த சூழலில், சத்தமே இல்லாமல் அர்ஷத் மாரிமுத்து இயக்கத்தில் ரஜினிகாந்த் நடிக்க உள்ள தலைவர் 173 படத்தின் படப்பிடிப்பு தொடங்கியுள்ளது.
முதல் காட்சியாக பாடல் காட்சிகளை இயக்குனர் அர்ஷத் மாரிமுத்து படமாக்கியுள்ளார். இந்த காட்சிக்கான நடன அமைப்பை சாண்டி மாஸ்டர் காட்சி அமைத்துள்ளார். இந்த பாடல் காட்சிகளில் ரஜினிகாந்த் பங்கேற்கவில்லை. அவர் இல்லாத காட்சிகள் படமாக்கப்பட்டுள்ளது. இந்த தகவலை பிரபல இயக்குனரும், நடிகருமான சித்ரா லட்சுமணன் தனது யூ டியூப் பக்கத்தில் பகிர்ந்துள்ளார்.
விரைவில் இணையும் ரஜினி:
இந்த படத்தின் படப்பிடிப்பில் ரஜினிகாந்த் இன்னும் 2, 3 நாட்களில் பங்கேற்க உள்ளார். இந்த படத்தின் படப்பிடிப்புகளை விரைவாக முடிக்கவும் படக்குழு திட்டமிட்டுள்ளது. ஜெயிலர் 2 படத்தின் படப்பிடிப்பில் தற்போது வரை படமாக்கப்பட்ட காட்சிகளில் ரஜினிகாந்திற்கு விருப்பம் இல்லாத சூழலில், படப்பிடிப்பை மீண்டும் நடத்த படக்குழு திட்டமிட்டுள்ளது.
அஷ்வத் மாரிமுத்து இயக்க உள்ள இந்த படத்தில் ரஜினிகாந்த் மருத்துவராக நடிப்பதாகவும் கூறப்படுகிறது. இவர் இயக்கிய ஓ மை கடவுளே, டிராகன் ஆகிய 2 படங்களும் மிகப்பெரிய வெற்றி பெற்ற படங்கள் ஆகும். ரஜினிகாந்த் நடிப்பில் கடைசியாக வெளியான கூலி படம் எதிர்பார்த்த வெற்றியைப் பெறாத சூழலில், அவர் அடுத்தடுத்த படங்களின் வெற்றியை எதிர்பார்த்து காத்துள்ளார்.
ஷுட்டிங்கில் தீவிரமாகும் ரஜினி:
மேலும், ஜெயிலர் 2 மற்றும் கமல்ஹாசனுடன் இணைந்து நடிக்கும் படத்தின் பணிகளையும் தீவிரப்படுத்த ரஜினிகாந்த் திட்டமிட்டுள்ளார். அஷ்வத் மாரிமுத்து இயக்கும் படத்தில் உள்ள கலைஞர்களின் மற்ற விவரங்கள் ஏதும் வெளியாகவில்லை. விரைவில் அதிகாரப்பூர்வமான விவரங்கள் வெளியாகும் என்று எதிர்பார்க்கப்படுகிறது.
தலைப்பு செய்திகள்
ட்ரெண்டிங் செய்திகள்
