ஜெயிலர் 2-க்கு யு/ஏ சான்றிதழ்...ரஜினி ரசிகர்கள் மகிழ்ச்சி...
சூப்பர்ஸ்டார் ரஜினிகாந்த் நடிப்பில் வெளியாகவுள்ள ஜெயிலர் 2ஆம் பாகத்திற்கு தணிக்கை குழு யு/ஏ சான்றிதழ் வழங்கியுள்ளது
சூப்பர்ஸ்டார் ரஜினிகாந்த் நடிப்பில் உருவாகியுள்ள ஜெயிலர் 2 படத்திற்கு தணிக்கை சான்றிதழ் குழு யு/ஏ சான்றிதழ் வழங்கியுள்ளது.
ஜெயிலர் 2
நெல்சன் இயக்கத்தில் சூப்பர் ஸ்டார் ரஜினிகாந்த் நடிப்பில் உருவாகியுள்ள ஜெயிலர் 2 படம் வருகிற 15ஆம் தேதி உலகம் முழுவதும் ரீலிசாகிறது. இதில், எஸ்.ஜே.சூர்யா, சுரேஷ் வெஞ்சரமூடு, ரம்யாகிருஷ்ணன், மிர்ணா, வித்யா பாலன், யோகி பாபு உள்ளிட்ட பலரும் முக்கிய வேடங்களில் நடித்துள்ளனர்.
எகிறும் எதிர்ப்பார்ப்பு
கடந்த 2023ஆம் ஆண்டு வெளியான ஜெயிலர் முதல் பாகத்திற்கு கிடைத்த மாபெரும் வெற்றியை தொடர்ந்து ரஜினி - நெல்சன் கூட்டணி மீண்டும் இணைந்துள்ளது. ஜெயிலர் முதல் பாகத்தை போன்றே 2ஆம் பாகத்திலும் மோகன் லால், சிவராஜ்குமார் உள்ளிட்ட பிறமொழி சூப்பர்ஸ்டார்கள் சிறப்பு தோற்றத்தில் நடித்துள்ளனர். இசையமைப்பாளர் அனிருத் இசையமைப்பில் வெளியான 12 பாடல்களும் ரசிகர்கள் மத்தியில் நல்ல வரவேற்பை பெற்றது. முன்னதாக இசை வெளியீட்டு விழா உட்பட புரோமஷன் பணிகள் பெருமளவில் நடைபெறவில்லை என ரஜினி ரசிகர்கள் வருத்தத்தில் இருந்ததும் குறிப்பிடத்தக்கது. இருப்பினும், கடந்த 2 நாட்களுக்கு முன்பு வெளியான ட்ரெய்லரால் ரஜினி ரசிகர்கள் மட்டுமின்றி அனைத்து தரப்பு ரசிகர்கள் மத்தியிலும் இப்படத்தின் மீதான எதிர்ப்பார்ப்பு அதிகரித்துள்ளது.
யு/ஏ சான்றிதழ்
ஜெயிலர் 2 படம் ரிலீசாக இன்னும் ஒரு வார காலமே உள்ள நிலையில், படத்தை பார்த்த தணிக்கை குழு இப்படத்திற்கு யு/ஏ சான்றிதழ் வழங்கியுள்ளது. ரஜினியின் முந்தைய படமான கூலியில் வன்முறை காட்சிகள் அதிகளவில் இடம்பெற்றிருப்பதாக கூறி தணிக்கை குழு ஏ சான்றிதழ் வழங்கியிருந்தது குறிப்பிடத்தக்கது. மேலும், இத்திரைப்படம் 2 மணி நேரம் 45 நிமிடங்கள் கால அளவு கொண்ட படமாக திரைக்கு வரவிருக்கிறது.
சோலோவாக போட்டி
வருகிற 15ஆம் தேதி ஜெயிலர் 2 படம் திரையரங்குகளில் வெளியாகவுள்ள நிலையில், வேறு எந்த படமும் போட்டிக்கு வரவில்லை. முன்னதாக, நடிகர் தனுஷின் ஓம் திரைப்படம் அக்டோபர் 16ஆம் தேதி வெளியாக இருந்த நிலையில், சூபர்ஸ்டார் மீது உள்ள மரியாதை காரணமாக வெளியீடு ஒத்திவைக்கப்படுவதாக படக்குழு அறிவித்தது. அதன்படி, சோலோவாக ரிலீஸ் ஆகும் ஜெயிலர் 2 திரைப்படம் அதன் முதல் பாகம் ஈட்டிய 650 கோடி வசூல் சாதனையை முறியடித்து அதை விட அதிக வசூலை ஈட்டும் என ரசிகர்கள் எதிர்ப்பார்க்கின்றனர்.
ரஜினி ரசிகர்கள் எதிர்ப்பார்ப்பு
ரஜினியின் முந்தைய படங்களான வேட்டையன் மற்றும் கூலி ஆகிய படங்கள் கலவையான விமர்சனங்களை மட்டுமே பெற்றது. அதிலும், மாபெரும் வரவேற்புக்கு மத்தியில் வெளியான கூலி திரைப்படம் ரஜினி ரசிகர்களை பெரும் அதிருப்தியில் ஆழ்த்தியது. ஆகையால், ஜெயிலர் 2 படம் மாபெரும் வெற்றி பெற்று வசூல் சாதனை படைக்க வேண்டும் என்பதே ரஜினி ரசிகர்களின் எதிர்ப்பார்ப்பாக தற்போது உள்ளது.
தலைப்பு செய்திகள்
ட்ரெண்டிங் செய்திகள்
