Super singer 9: மீண்டும் சூப்பர் சிங்கரில் யாழினி... விடாது துரத்தும் எட்டு... சூப்பர் சிங்கர் 9 விரைவில்
ஜூனியர்களுக்கான முதல் சீசன், இரண்டாவது சீசன் பங்கேற்றாலும் சூப்பர் சிங்கர் ஜூனியர் 3 சீசனில் பைனல்ஸ் வரை சென்றவர் யாழினி. 10 ஆண்டுகளுக்கு பிறகு சீனியர் சீசனில் பங்கேற்க களமிறங்கியுள்ளார் யாழினி.
விஜய் டிவி நிகழ்ச்சிகள் என்றாலே அது கொஞ்சம் ஸ்பெஷல் தான் அதிலும் பலரின் ஃபேவரட் நிகழ்ச்சி என்றால் அது நிச்சயமாக கண்டிப்பாக சூப்பர் சிங்கர் நிகழ்ச்சி தான். எத்தனை நிகழ்ச்சிகள் வந்தாலும் போனாலும் என்றுமே டாப்பில் இருப்பது சூப்பர் சிங்கர் தான். இதில் சீனியர், ஜூனியர் என அனைத்து சீசன்களிலும் வெற்றிபெற்றவர்கள் மட்டுமின்றி கலந்து கொண்டு சிறப்பாக பாடிய பலருக்கும் இந்த மேடை ஒரு அழகான வாழ்க்கையை கொடுத்துள்ளது என்றால் அது மிகையல்ல. அதற்கு உதாரணமாக சத்யப்ரகாஷ், ஸ்ரீ நிஷா, சந்தோஷ், பிரவீன், திவாகர், நிவாஸ், பிரியங்கா, நித்யஸ்ரீ மற்றும் பலர்.
பிரமாண்டமாக முடிந்த சூப்பர் சிங்கர் ஜூனியர் 8 :
சமீபத்தில் தான் சூப்பர் சிங்கர் ஜூனியர் 8 நிகழ்ச்சி நிறைவுபெற்றது. அதில் டைட்டில் வின்னராக கிரிஷாங் வெற்றி பெற்றார். ரன்னர் அப்பாக ரிஹானா, நேஹா மற்றும் ட்ரினிடா அடுத்தடுத்த இடங்களை பெற்றனர்.
இதனை தொடர்ந்து தற்போது சீனியர்களுக்கான சூப்பர் சிங்கர் 9 நிகழ்ச்சி விரைவில் தொடங்க உள்ளது. அதற்கான ஆடிஷன் தற்போது மும்மரமாக நடைபெற்று வருகிறது.
View this post on Instagram
ஜூனியர் முதல் சீனியர் சீசன் வரை:
சூப்பர் சிங்கர் ஜூனியர் சீசனில் கலந்து கொண்டு மிகவும் பிரபலமானாலும் சீனியர் சீசனிலும் பங்கேற்று டைட்டில் வின்னர் ஆகி விட வேண்டும் என முழு முயற்சியோடு போட்டியிடுவார்கள். அப்படி அடுத்தடுத்து அனைத்து சீசன்களிலும் பங்கேற்று பிரபலமானவர் யாழினி. ஜூனியர்களுக்கான முதல் சீசன், இரண்டாவது சீசன் பங்கேற்றாலும் சூப்பர் சிங்கர் ஜூனியர் 3 சீசனில் பைனல்ஸ் வரை சென்றவர் யாழினி. 10 ஆண்டுகளுக்கு பிறகு தற்போது சீனியர் சீசனில் பங்கேற்க களமிறங்கியுள்ளார் யாழினி.
உங்கள விடாது இந்த எட்டு 😆😅 #SuperSinger - coming soon #SS #ChennaiAudition #VijayTelevision #VijayTv pic.twitter.com/wiLkn8t1tA
— Vijay Television (@vijaytelevision) September 19, 2022
விடாது துரத்தும் எட்டு:
எண்ணிக்கையின் மீது மிகுந்த நம்பிக்கை உடைய யாழினி 8 நம்பர். தனக்கு செட் ஆகாது என்பதால் கடந்த இரண்டு சீன்களிலும் கலந்து கொள்ளாமல் 9ம் சீசனில் கலந்து கொள்வதற்காக ஆடிஷன் செய்து அதில் செலெக்டாகி விட்டார் யாழினி. யாழினியின் முதல் ரவுண்டு நடுவராக இருந்தவர் சூப்பர் சிங்கர் ஸ்டார் சாம் விஷால். அவர் யாழினியிடம் மிகவும் கிண்டலாக நீங்கள் கடந்த இரெண்டு சீசனிலும் 8 காரணத்தால் வரவில்லை என்றீர்கள் ஆனால் உங்களின் எண் SS0611 அதன் கூட்டு எண் 8 மேலும் இந்த அறையின் எண் 35 அதன் கூட்டு எண்ணும் 8 என்று கலாய்த்தார். இருந்தும் சிறப்பாக பாடிய யாழினி அடுத்த ரவுண்டிற்கு செலக்ட் ஆகிவிட்டார். இந்த 8 மட்டும் யாழினியை விடாது கருப்பு போல தொடர்கிறது. இருப்பினும் தனது திறமை மேல நம்பிக்கை வைத்து யாழினி இந்த முறை நிச்சயமாக டைட்டில் வின்னராக வேண்டும் என வாழ்த்துக்கள்.
தலைப்பு செய்திகள்
ட்ரெண்டிங் செய்திகள்
