கிரிக்கெட் வீரருக்கு ஜோடியாகும் சன்னிலியோன்; எதிர்பார்ப்பில் ரசிகர்கள்..!

பிரபல கிரிக்கெட் வீரரும், சன்னி லியோன் இணைந்து நடிக்கும் படம் ரசிகர்களுக்கிடையே பெரும் எதிர்பார்ப்பினை  ஏற்படுத்தியுள்ளது.

சன்னி லியோன்- ஸ்ரீசாந்த்

இளைஞர்களின் ஆல் டைம் பேவரெட் நடிகையாக வலம் வருகிறார் சன்னி லியோன். பாலிவுட்டில் திரையுலகில் நடித்து வரும் இவர் தற்பொழுது பிரபல கிரிக்கெட் வீரர் ஸ்ரீசாந்த்வுடன் ஜோடியாக நடிக்கவுள்ளார். கடந்த 2013-ஆம் ஆண்டு ஏற்பட்ட சர்ச்சையின் காரணமாக பிரபல கிரிக்கெட் வீரர் இந்திய அணியில் இருந்து நீக்கப்பட்டார். பின்னர் தான் எந்த தவறும் செய்யவில்லை எனவும், நீதிமன்றத்தால் நிரபராதி என்று நிரூபிக்கப்பட்டார். ஆனால் அதன் பின்னர் மீண்டும் கிரிக்கெட்டில் ஈடுபடாமல் மலையாளப்படங்களில் நடித்து வருகிறார். ஏற்கனவே 2 இந்தி படங்களில் நடித்துள்ள அவர், தற்போது புதிதாக ஒரு படத்தில் ஒப்பந்தமாகி உள்ளார். ராதாகிருஷ்ணன் இயக்கும் இந்தப்படத்தில் அவர் சிபிஐ அதிகாரியாக நடிக்கிறார். இப்படத்துக்கு பட்டா என்று பெயர் வைத்துள்ளனர். பிரகாஷ் குட்டி ஒளிப்பதிவு செய்ய உள்ள இப்படத்திற்கு சுரேஷ் பீட்டர்ஸ் இசையமைக்கிறார்.  இந்நிலையில், இப்படத்தில் ஸ்ரீசாந்துக்கு ஜோடியாக நடிக்க பிரபல பாலிவுட் கவர்ச்சி நடிகை சன்னி லியோன் ஒப்பந்தமாகி உள்ளார்.

பிரபல கிரிக்கெட் வீரரும், கவர்ச்சி நாயகி சன்னி லியோன் இணைந்து நடிக்கும் படம் ரசிகர்களுக்கிடையே பெரும் எதிர்பார்ப்பினை ஏற்படுத்தியுள்ளது. மேலும் இப்படம் குறித்து இயக்குநர் தெரிவிக்கையில், பட்டா படத்தில், பிரபல கிரிக்கெட் வீரர் ஸ்ரீசாந்த், சிபிஐ அதிகாரியாக செயல்படுகிறார். பணியில் இருக்கும்பொழுது அவருடைய விசாரணை ஒரு பெண்ணின் மீது செல்வதாக அமையும் என்பதுதான் கதைக்களம். இப்படத்தின் பெண்ணின் கதாபாத்திரம் மிகவும் முக்கியத்துவம் வாய்ந்தாக அமைவதால், மிகவும் வலிமையான மற்றும் சர்வதேச  அளவில் பிரபலமான பெண் நடித்தால் சிறப்பாக இருக்கும் என முடிவு செய்தோம். எனவே இதற்கு பாலிவுட்டில் சிறந்த நடிகையாக வலம்வரும் சன்னி லியோன் இதற்கு பொருத்தமானதாக இருப்பார் என படக்குழு முடிவு செய்தது. இதனையடுத்து அவரிடம் சென்று கதைக்களம் குறித்து தெரிவித்தப்பொழுது அவர் இப்படத்தில் நடிக்க சம்மதித்துள்ளார் என  கூறினார்.  மேலும் இப்படத்திற்கான முதற்கட்ட பணிகள் நடைபெற்றுவரும்  நியைில், விரைவில் படப்பிடிப்பு தொடங்கப்படவுள்ளது. ஸ்ரீசாந்தும் சன்னி லியோனும் முதன்முறையாக ஜோடி சேர்ந்துள்ளதால் இப்படத்தின் மீதான எதிர்பார்ப்பு அதிகரித்துள்ளது.

ஏற்கனவே பிரபல கிரிக்கெட் வீரர்  ஸ்ரீசாந்த்,  ஹன்சிகா நடிப்பில் உருவாகவிருக்கும் ஹாரர் காமெடி திரைப்படத்தில் நடிக்க இந்திய கிரிக்கெட் அணியின் முன்னாள் கிரிக்கெட் வீரர் ஸ்ரீசாந்த் வில்லன் கதாபாத்திரத்தில் நடிக்க ஒப்பந்தமாகியுள்ளார். இதன் மூலம் ஸ்ரீசாந்த் தமிழ் சினிமாவில் நடிகராக அறிமுகமாகிறார் என்பது குறிப்பிடத்தக்கது.