Divyabharathi: ‛அஜித் சார் டைட்டிலை பெற்றது மகிழ்ச்சி...’ திவ்யபாரதியின் ஆசை ஃபர்ஸ்ட் லுக் தாறுமாறு!
தலைகீழாக கதிர் மற்றும் திவ்ய பாரதி நெருக்கமாக இருக்கும் புகைப்படம் ரசிகர்களிடம் பெரும் எதிர்பார்ப்பை ஏற்படுத்தியுள்ளது.
நடிகர் கதிர், நடிகை திவ்யபாரதி நடித்துள்ள படத்தின் ஃபர்ஸ்ட் லுக் போஸ்டர் வெளியாகி ரசிகர்களின் கவனத்தை ஈர்த்துள்ளது.
மதயானைக் கூட்டம், பரியேறும் பெருமாள் ஆகிய படங்களின் மூலம் பிரபலமான நடிகர் கதிரும், பேச்சுலர் படத்தில் நடித்ததோடு மட்டுமல்லாமல் தனது கவர்ச்சியான புகைப்படங்கள் மூலம் இளைஞர்களை கவர்ந்த நடிகர் திவ்ய பாரதியும் புதிதாக ஒரு படத்தில் இணைந்து நடித்துள்ளனர். இப்படம் மலையாளத்தில் அனுராஜ் மனோகர் இயக்கத்தில் ஷேன் நிகம் நடிப்பில் வெளியான ‘இஷ்க்’ படத்தின் ரீமேக் ஆகும். தமிழில் இப்படத்திற்கு ஆசை என பெயரிடப்பட்டுள்ளது.
View this post on Instagram
இந்த படத்தில் லிங்கா, பூர்ணா உட்பட பலர் நடித்துள்ள நிலையில் ரேவா இசையமைத்துள்ளார். தமிழில் அஸ்வின் நடிப்பில் வெளியான ”ஜீரோ” படத்தை இயக்கிய ஷிவ் மஹோ இப்படத்தை இயக்கியுள்ளார். படப்பிடிப்பு முடிந்து ரிலீசுக்கு தயாராகவுள்ள ஆசை படத்தின் ஃபர்ஸ்ட் லுக் போஸ்டர் நேற்று வெளியானது. தலைகீழாக கதிர் மற்றும் திவ்ய பாரதி நெருக்கமாக இருக்கும் புகைப்படம் ரசிகர்களிடம் பெரும் எதிர்பார்ப்பை ஏற்படுத்தியுள்ளது.
View this post on Instagram
இதன் போஸ்டரை பகிர்ந்த நடிகை திவ்ய பாரதி தனது சமூக வலைத்தளப்பக்கத்தில், எங்களின் "ஆசை" திரைப்படத்தை உங்களிடம் கொண்டு வருவதில் நாங்கள் மிகவும் மகிழ்ச்சியடைகிறோம்.அஜித் சாரின் பிளாக்பஸ்டர் படத்தின் டைட்டிலை பெற்றது மகிழ்ச்சியளிக்கிறது என தெரிவித்திருந்தார்.
கடந்த 1995 ஆம் ஆண்டு செப்டம்பர் மாதம் வெளியான ஆசை படம் நடிகர் அஜித் முதல் பிளாக்பஸ்டர் வெற்றிப்படமாகும். வஸந்த் இயக்கிய இப்படத்தில் சுவலட்சுமி, பிரகாஷ்ராஜ், ரோகிணி உள்ளிட்ட பலரும் நடித்திருந்தனர். தேவாவின் இசையில் பாடல்களும் ஹிட்டானது. அதேசமயம் நேற்றைய தினம் அஜித் நடித்த 61வது படத்தின் டைட்டில் மற்றும் ஃபர்ஸ்ட் லுக் போஸ்டர் வெளியாகியிருந்தது. இப்படத்திற்கு துணிவு என பெயரிடப்பட்டுள்ளது.
ஒரே நாளில் அஜித்தின் பழைய மற்றும் புதிய படத்தின் டைட்டில் போஸ்டர்கள் வெளியானதால் ரசிகர்கள் மகிழ்ச்சியடைந்து சமூக வலைத்தளங்களில் இதன் போஸ்டர்களை வைரலாக்கி வருகின்றனர்.
தலைப்பு செய்திகள்
ட்ரெண்டிங் செய்திகள்
