மேலும் அறிய

மகள் மார்மேல் மிதித்த ஆர்.எஸ்.எஸ் கும்பல்..ரத்த காயத்துடன் ஜிபி முத்து வீடியோ..என்னாச்சு?

கோவில் கட்டுமான விவகாரத்தில் தன் மீது தனது மகள்கள் மீதும் தாக்குதல் நடத்தப்பட்டுள்ளதாக ரத்த காயத்துடன் ஜிவி முத்து வீடியோ வெளியிட்டுள்ளார்

By : ராகேஷ் தாரா | Updated at : 09 May 2026 07:23 PM (IST)

ஜி பி முத்து

Source : X

தனது வீட்டின் முன்னாள் புதுப்பிக்கப்படும் கோயில் தனது விடுள்ள தெருவுக்கு இடையூறு ஏற்படும் விதமாக கட்டப்படுவதாக ஜிவி முத்து வழக்குத் தொடர்ந்திருந்தார். இது தொடர்பான நபர்கள் தனது வீட்டிற்கு வந்து தன்னை தாக்கியதோடு மட்டுமில்லாமல் தனது மகள்களிடமும் தகாத முறையில் நடந்துகொண்டுள்ளதாக அவர் வீடியோ வெளியிட்டுள்ளார்

டிக் டாக் மூலம் சமூக வலைதளத்தில் பிரபலமானவர் ஜிபி முத்து. இவரது பேச்சுக்கு பெரியளவில் ரசிகர்கள் உருவாகவே விஜய் தொலைக்காட்சியில் ஒளிபரப்பான குக்கு வித் கோமாளி , பிக் பாஸ் சீசன் 6 போன்ற நிகழ்ச்சிகளில் கலந்துகொண்டார். ஒரு சில திரைப்படங்களிலும் நடித்திருந்தார். தற்போது ஊடக கவனத்தில் இருந்து விலகி தனது சொந்த ஊரில் குடும்பத்துடன் நிம்மதியாக வாழ்ந்து வருகிறார்

வீட்டை மறைத்து கட்டப்படும் கோவில்

ஜிவி முத்துவின் வீடு தூத்துக்குடி மாவட்டம் உடன்குடி பெருமாள்புரத்தில் உள்ள வெங்கடாசலபுரம் தெருவில் அமைந்துள்ளது. இவர் வீட்டில் அருகில் உச்சினிமாகாளி அம்மன் கோவில் அமைந்துள்ளது. அண்மையில் இந்த கோவிலை இடித்து புதுபித்து கட்டும் பணிகள் நடைபெற்று வந்தது. அப்போது புதிதாக கட்டப்படும் கோவில் தனது வீடு இருக்கு தெருவுக்கு செல்லும் வழியை மறைத்து கட்டப்படுவதாக ஜிவி முத்து குற்றசாட்டி வீடியோ வெயிட்டிருந்தார். இது தொடர்பாக அவர் மாவட்ட கலெக்டர் மற்றும் சம்பந்தப்பட்ட நிர்வாகிகளிடம் கோவில் கட்டுமான பணிகளை நிறுத்தும் படி மனு வழங்கியிருந்தார். நீதிமன்றத்தில் வழக்கும் தொடரப்பட்டது. இதனால் கோவில் கட்டுமான பணிகள் தற்காலிகமாக நிறுத்திவைக்கப்பட்டது.

ஜிவி முத்து மீது தாக்குதல்

இந்த நிலையில் ரத்த காயத்துடன் ஜிவி முத்து தனது இரு மகள்களுடன் வீடியோ வெளியிட்டுள்ளார். தனக்கு சொந்தமான இடத்தில் நுழைந்து அடையாளம் தெரியாத நபர்கள் தன்னை தாக்கியதோடு மட்டுமில்லாமல் தனது மகள்களையும் அடித்ததாகவும் அவர் இந்த வீடியோவில் தெரிவித்துள்ளார். கோவிலுக்கு எதிராக பேசினால் தன்னை ஊரில் இருந்து ஒதுக்கிவிடுவார்கள் என மிரட்டுவதாகவும். இந்து முன்னணி கட்சியில் இருப்பதாக சொல்லி தன்னை மிரட்டியதாகவும் அவர் கூறினார். தன்னை தான் தாக்கப்பட்ட வீடியோ ஆதாரம் தன்னிடம் இருப்பதாகவும் இந்த பிரச்சனையை சட்டரீதியாக எதிர்கொள்ள தயாராக இருப்பதாகவும் அவர் கூறியுள்ளார் "