Sivaangi on Shreya Ghoshal: நீதான் என்னுடைய பேட்டரி சார்ஜர்.. ஸ்ரேயா கோஷலால் திக்குமுக்காடிய சிவாங்கி.. வைரல் வீடியோ!
பிரபல பாடகி ஸ்ரேயா கோஷலை குக் வித் கோமாளி புகழ் பாடகி சிவாங்கி நேரில் சந்தித்து பேசி உள்ளார். ஸ்ரேயா கோஷலை பார்த்த வியப்பில் வார்த்தையின்றி நிற்கும் சிவாங்கியின் வீடியோ இணையத்தில் வைரலாகி வருகிறது.
பிரபல பாடகி ஸ்ரேயா கோஷலை சூப்பர் சிங்கர் புகழ் மற்றும் குக் வித் கோமாளி புகழ் பாடகி சிவாங்கி நேரில் சந்தித்து பேசி உள்ளார். ஸ்ரேயா கோஷலை பார்த்த வியப்பில் வார்த்தையின்றி நிற்கும் பாடகி சிவாங்கியின் வீடியோ இணையத்தில் வைரலாகி வருகிறது.
விஜய் டிவியின் சூப்பர் சிங்கர் நிகழ்ச்சியின் மூலம் பிரபலமானவர் சிவாங்கி. அதைத்தொடர்ந்து குக் வித் கோமாளி நிகழ்ச்சியிலும் கோமாளியாக வந்து ரசிகர்களின் கவனத்தை ஈர்த்தார். பாடகி ஸ்ரேயா கோஷலை இன்ஸ்பிரேஷனாக வைத்து தனது பயணத்தை தொடங்கிய பலரில் சிவாங்கியும் ஒருவர்.
இந்நிலையில் ஸ்ரேயா கோஷலை சிவாங்கி நேரில் சந்தித்து பேசி உள்ளார். ஸ்ரேயாவை நேரில் பார்த்த வியப்பில் இருந்து மீள முடியாமல் திக்குமுக்காடி நிற்கும் சிவாங்கியிடம் ஸ்ரேயா கோஷல் சிவாங்கியின் திறமை குறித்து பேசி அவரை பாராட்டுகிறார்.
View this post on Instagram
ஸ்ரேயா சிவாங்கியிடம், 'என்னைப் பற்றி நீ பேசும் அனைத்து வீடியோக்களையும் நான் பார்த்திருக்கிறேன். நீ தமிழில் பேசிய போதும் அதை மொழிபெயர்க்க சொல்லி நான் கேட்டுள்ளேன் எனக் கூறியுள்ளார்.
மேலும் இந்த பொண்ணு மிகவும் திறமைசாலி மற்றும் அவரது சுறுசுறுப்பை கண்டு தான் வியந்ததாகவும் குறிப்பிட்டுள்ளார். இதைக் கேட்டு சிவாங்கி வியப்பில் மூழ்க, தொடர்ந்து பேசிய கோஷல் 'நீ எனக்கு பகிர்ந்த இசை நிகழ்ச்சிகளில் பாடிய வீடியோக்களையும் நான் பார்த்துள்ளேன்' என்று கூறினார்.
அனைத்திற்கும் நன்றி கூறிய சிவாங்கி, "நான் பாடத் தொடங்கியதே உங்களால் தான். உங்களைப் போல் ஆக வேண்டும் என்பதே எனது லட்சியம்". கார்த்திக் அண்ணாவை கூட கேட்டுப் பாருங்கள் எனப் பாடகர் கார்த்திக்கை குறித்து 'நான் அவரிடம் பலமுறை கேட்டுள்ளேன்; உங்களை சந்திக்கும் போது என்னையும் அழைத்துச் செல்லுங்கள் என்று' என்று கூறினார். அதற்கு ஸ்ரேயா இன்றைய நாளுக்கான எனது பேட்டரி சார்ஜர் சிவாங்கி என்று கூற வியப்பின் உச்சத்திற்கே சென்றுவிட்டார் சிவாங்கி. இந்த வீடியோவை தனது ட்விட்டர் பக்கத்தில் பகிர்ந்த சிவாங்கி எனது வாழ்நாள் நினைவை எனக்கு அளித்ததற்கு மிக்க நன்றி மேடம் என ஸ்ரேயா கோஷலை டேக் செய்து பதிவிட்டுள்ளார்.
தலைப்பு செய்திகள்
ட்ரெண்டிங் செய்திகள்
