Seetha Raman: குற்றத்தை ஏற்றுக் கொள்ள சொல்லும் ராம்.. மகா செய்யப் போவது என்ன? சீதா ராமன் இன்றைய எபிசோட்!

Seetha Raman Sep.20: ஆனா நீங்க செஞ்ச இந்தத் தப்பை என்னால மன்னிக்க முடியாது, நான் அவ்வளவு பெரிய மனுஷன் கிடையாது” என சொல்லி ஷாக் கொடுக்கிறான்.

சீதா ராமன்

ஜீ தமிழ் தொலைக்காட்சியில் திங்கள் முதல் வெள்ளி வரை தினமும் இரவு 7.30 மணிக்கு ஒளிபரப்பாகி வரும் பிரபலமான சீரியல் சீதாராமன் (Seetha Raman).

இந்த சீரியலின் நேற்றைய எபிசோடில் ஒரு வழியாக அஞ்சலியின் கல்யாணம் தடுத்து நிறுத்தப்பட்ட நிலையில், இன்று நடக்கப் போவது என்ன என்பது குறித்து பார்க்கலாம்.

அதாவது ராம் இந்த வீட்டில் இருக்க மாட்டேன் என்று சொல்லி பேக்கை எடுத்துக் கொண்டு வெளியே வந்து அனைவருக்கும் அதிர்ச்சி கொடுக்கிறான். அது மட்டுமல்லாமல் அவனுடைய கிரெடிட் கார்டு எல்லாத்தையும் எடுத்து வந்து கொட்டி விட்டு ஒரு வெள்ளை பேப்பரில் கையெழுத்து போட்டு எனக்கு இந்த கம்பெனி ஷேர் கூட தேவையில்லை என்று சொல்லி சீதாவை அழைத்துக் கொண்டு வெளியே கிளம்புகிறான்.

உடனே மகா ராம் மீது இருக்கும் பாசத்தை சொல்லி கண்கலங்கி அவனை சமாதானம் செய்ய முயற்சி செய்கிறாள். “அக்கா உங்க எல்லாரையும் விட்டுட்டு போன பிறகு நான் உங்கள பாத்துக்கிறேன், எனக்கு குழந்தை எதுவும் வேண்டாம் என்று சொல்லி தான் கல்யாணம் பண்ணிக்கிட்டேன். இந்த கம்பெனி எல்லாத்தையும் காப்பாத்தி வச்சது எதுக்காக யாருக்காக, உங்களுக்காக மட்டும்தான்” என்று மகா எமோஷனாக பேச, ராமும் எமோஷன் ஆகிறான்.

இதனால் சீதா மற்றும் துரைக்கு ராம் மனம் மாறி விடுவானோ என சந்தேகம் எழுகிறது. ஆனால் “நீங்க என் மேல வச்சிருக்க பாசத்தை பத்தி சொல்லித் தெரிய வேண்டியது இல்லை, எனக்கு அது ரொம்ப நல்லாவே தெரியும். ஆனா நீங்க செஞ்ச இந்தத் தப்பை என்னால மன்னிக்க முடியாது, நான் அவ்வளவு பெரிய மனுஷன் கிடையாது” என சொல்லி ஷாக் கொடுக்கிறான்.

மேலும், “இனிமே நான் இந்த வீட்ல இருக்கணும்னா சத்தியனை கொல்ல முயற்சி செய்தது நீங்கதான்னு ஒத்துக்கிட்டு எல்லோரும் போலீசில் சரண்டர் ஆகணும்” என்று சொல்ல அனைவரும் அதிர்ச்சி அடைகின்றனர். மகாலட்சுமி பதில் எதுவும் பேச முடியாமல் நிற்க, அப்படி செய்ய முடியாதுல்ல என்று சொல்லி ராம் சீதாவை கூட்டிக்கொண்டு வெளியே வருகிறான்.

அடுத்து செக்யூரிட்டியில் இவர்களுக்கு உதவி செய்ய கூட வர, ஒரு நேர்மையான மக்கள் வசிக்கும் தெருவில் ஒரு வீட்டை வாடகைக்கு பார்க்க சொல்ல செக்யூரிட்டி அவர்களை அழைத்துச் செல்கிறான். இப்படியான நிலையில் இன்றைய சீதா ராமன் சீரியல் எபிசோட் நிறைவடைகிறது.

மேலும் படிக்க: Shah Rukh Khan: ஷாருக்கானின் 'மன்னத்' பங்களாவில் பிரம்மாண்ட கிருஷ்ணர் சிலை... பலரும் அறிந்திராத சுவாரஸ்யத் தகவல்!