Divya Sathyaraj: அய்யோ.. இத்தனை மாத்திரைகளா.. சத்யராஜ் மகள் வெளியிட்ட ஷாக் தகவல்.. என்ன நடந்தது?

ஊட்டச்சத்து நிபுணரான நடிகர் சத்யராஜ் மகள் திவ்யா சத்யராஜ் மக்களுக்கு காலாவதியான மருந்துகள் பற்றிய விழிப்புணர்வு வீடியோ ஒன்றை சமூகவலைதளங்களில் வெளியிட்டுள்ளார்.

திவ்யா சத்யராஜ்

நடிகர் சத்யராஜின் மகள் திவ்யா சத்யராஜ் ஒரு பிரபலமான ஊட்டச்சத்து நிபுணர். மருத்துவம் மற்றும் ஊட்டச்சத்து சார்ந்த பல சேவைகளை செய்து வரும் இவர் ஒரு முக்கியமான வீடியோ பதிவு ஒன்றை தனது இன்ஸ்டாகிராம் மூலம் பகிர்ந்துள்ளார். 

திவ்யா சத்யராஜ் வெளியிட்டுள்ள அந்த வீடியோ பதிவில், “என்னிடம் சிகிச்சைபெற்று வந்த நோயாளி  மருந்தகத்தில் வாங்கிய சில மருந்துகள் காலாவதி தேதியை தாண்டியும் விற்பனை செய்யப்பட்டுள்ளது. இது போன்ற காலாவதியான மாத்திரைகளை உட்கொள்வதன் மூலம் ஏராளமான உடல் உபாதைகள் ஏற்படலாம். இது போல பல முறை நிகழ்ந்துள்ளது.

பல முறை பல மருந்து கடைகளில் இது போன்ற காலாவதியான மாத்திரைகள் விற்பனை செய்யப்படுகின்றன;  மக்கள்தான் விழிப்புணர்வுடன் செயல்பட வேண்டும். அவர்கள் வாங்கும் அனைத்து மளிகை பொருட்கள், மருந்துகள் என அனைத்திலும் காலாவதி தேதியை பார்த்த பிறகு வாங்க வேண்டும். அதிலும் குறிப்பாக குழந்தைகளுக்கு வாங்க கூடிய சிரப், கிரீம், ஷாம்பு, பால் பவுடர் என எது வாங்கினாலும் காலாவதி தேதியை பார்த்து வாங்குவது மிக மிக முக்கியமானது.

எந்த துறையிலும் தவறுகள் நடக்க கூடாது அதிலும் மருத்துவ துறையில் தவறுகள் நடந்தால் அது அது மனிதனின் உடல்நலத்திற்கும் உயிருக்கும் ஆபத்து. மருந்து கடைகள் வைத்திருக்கும் அனைவருக்கும் ஒரு வேண்டுகோள். மக்கள் அனைவருமே கஷ்டப்பட்டு சம்பாதித்த பணத்தில் தான் மருந்து வாங்குகிறார்கள். அவர்களுக்கு இருக்கும் உடல் சார்ந்த பிரச்னையை  அந்த மருந்து குணப்படுத்தும் எனும் நம்பிக்கையில்தான் வாங்குகிறார்கள்.

பணத்தை சம்பாதிப்பதற்காக அவர்களின் அறியாமையை பயன்படுத்தி அவர்களை ஏமாற்றுவது மனிதநேயம் இல்லாத ஒரு செயல். பணத்தை விடவும் மனிதநேயம் தான் முக்கியம்; மருத்துவத்துறைக்கும் நியாயம், தர்மம்  உள்ளது என்பதை மறக்காதீர்கள். உங்கள் கடையில் காலாவதியான மருந்துகளை டிஸ்போஸ் செய்வதற்கான ஒரு சிஸ்டத்தை கொண்டு வரவேண்டும். மக்களை ஏமாற்றுவதை முதலில் நிறுத்துங்கள்” என அந்த வீடியோ பதிவில் சில முக்கியமான தகவல்களை ஒரு ஊட்டச்சத்து நிபுணராக மக்களின் மீது இருக்கும் அக்கறையில் வெளியிட்டுள்ளார் திவ்யா சத்யராஜ். 

 

 

 

 

 

View this post on Instagram

 

 

 

 

 

 

 

 

 

 

 

A post shared by Divya Sathyaraj (@divya_sathyaraj)

இது போல பல முறை திவ்யா சத்யராஜ் காலாவதியான மருந்துகளால் ஏற்படும் தீங்கு பற்றி பதிவிட்டுள்ளார். தற்போது அவர் சோசியல் மீடியாவில் வெளியிட்டுள்ள இந்த வீடியோ மிகவும் வைரலாக பகிரப்பட்டு வருகிறது.