Thalapathy 67 Cast Update: நடிப்பில் இறங்கும் சாண்டி மாஸ்டர்... அடுத்தடுத்து வெளியாகும் தளபதி 67 அதிரடி அப்டேட்... உச்சத்தை தொடும் எதிர்பார்ப்பு  

நடிகர் விஜய்- இயக்குநர் லோகேஷ் கனகராஜ் கூட்டணியில் உருவாகும் தளபதி 67 திரைப்படத்தின் மூலம் நடிகராக அறிமுகமாகிறார் நடன இயக்குனர் சாண்டி மாஸ்டர் என்ற அதிகாரப்பூர்வமான தகவல் வெளியாகியுள்ளது. 

தளபதி 67 படத்தில் இணையும் சாண்டி மாஸ்டர்

தளபதி 67 படத்தின் மூலம்  விஜய்- லோகேஷ் கனகராஜ் மீண்டும் இணைந்துள்ள இப்படத்தை செவன் ஸ்கிரீன் ஸ்டூடியோஸ் நிறுவனம் தயாரிக்க உள்ளது எனும் அதிகாரப்பூர்வ அறிவிப்பு நேற்று வெளியானதை தொடர்ந்து படத்தில் நடிக்கவுள்ள நடிகர்களின்  பட்டியல் ஒன்றின் பின் ஒன்றாக வெளியாக தொடங்கியுள்ளது. இதனால் ரசிகர்கள் மகிழ்ச்சி அடைந்துள்ளனர்.

 

கடந்த 2021 ஆம் ஆண்டு நடிகர் விஜய் நடிப்பில் மாஸ்டர் படம் வெளியானது. இப்படத்தின் மூலம் முதல்முறையாக நடிகர் விஜய் - இயக்குநர் லோகேஷ் கனகராஜுடன் கூட்டணி சேர்ந்தனர்.செவன் ஸ்கிரீன் ஸ்டூடியோஸ்  நிறுவனத்தின் சார்பில் லலித் குமார் தயாரிப்பில் வெளியான இப்படம் மாபெரும் வெற்றியை பெற்றது. 

The one & the only brand #Thalapathy67, is proudly presented by @7screenstudio 🔥

We are excited in officially bringing you the announcement of our most prestigious project ♥️

We are delighted to collaborate with #Thalapathy @actorvijay sir, for the third time. @Dir_Lokesh pic.twitter.com/0YMCbVbm97

— Seven Screen Studio (@7screenstudio) January 30, 2023

 

மீண்டும் இணையும் வெற்றி கூட்டணி :

இந்த வெற்றி கூட்டணி மீண்டும் தளபதி 67 என தற்காலிகமாக பெயரிடப்பட்டுள்ள திரைப்படத்தில் இணைந்துள்ளனர். அனிருத் இசையமைக்கும் இப்படத்தையும் செவன் ஸ்கிரீன் ஸ்டூடியோஸ்  நிறுவனத்தின் சார்பில் லலித் குமார்  தயாரிக்க மனோஜ் பரமஹம்சா ஒளிப்பதிவு செய்கிறார். சண்டைப் பயிற்சியாளராக அன்பு அறிவு, எடிட்டிங் ஃபிலோமின் ராஜ், கலை இயக்குநராக சதீஷ் குமார், நடன இயக்குநராக தினேஷ் மாஸ்டர், வசனங்களை லோகேஷ் கனகராஜ், ரத்னகுமார், தீரஜ் வைத்தி ஆகியோர் பணியாற்றவுள்ளதாவும் தெரிவிக்கப்பட்டுள்ளது. 

முன்னதாக த்ரிஷா இப்படத்தில் ஹீரோயினாக நடிக்கவுள்ளதாகவும், மன்சூர் அலிகான் அர்ஜுன், சஞ்சய் தத், கௌதம் மேனன், மிஷ்கின் உள்ளிட்ட பலரும் இணைந்துள்ளதாக கூறப்பட்ட தகவலும் உறுதி செய்யப்பட்டுள்ளது.

Expect the unexpected from Team #Thalapathy67
D̶a̶n̶c̶e̶ m̶a̶s̶t̶e̶r̶ Actor @iamSandy_Off joins the cast of Thalapathy 67

Inaiki full ah update mela update dhan 😉#Thalapathy67Cast #Thalapathy @actorvijay sir @Dir_Lokesh @Jagadishbliss pic.twitter.com/BchtQ9IU6Z

— Seven Screen Studio (@7screenstudio) January 31, 2023

சர்ப்ரைஸ் கொடுக்கும் புதிய அப்டேட் :

நாளை காஷ்மீரில் தொடங்கவுள்ள தளபதி 67 படத்தின் படப்பிடிப்பிற்காக தனி விமானம் மூலம் காஷ்மீருக்கு பறந்துள்ளனர் படக்குழுவினர். இந்நிலையில் தளபதி 67 படத்தில் நடிக்கவுள்ள நடிகர்கள் குறித்த விவரங்களை படக்குழு வெளியிட தொடங்கியுள்ளது. அதன்படி சஞ்சய் தத், ப்ரியா ஆனந்த் இணைந்துள்ளனர் என்ற அறிவிப்பு வெளியானது. இதனை தொடர்ந்து அடுத்த சர்ப்ரைஸ் தகவலாக சாண்டி மாஸ்டர் இணையவுள்ளார் எனும் அதிகாரப்பூர்வமான தகவல் வெளியாகியுள்ளது. இது குறித்து சாண்டி மாஸ்டர் " முதல் முறையாக ஒரு நடிகராக அதிலும் லோகேஷ் கனகராஜ் இயக்கத்தில் உருவாகும்  பிரமாண்டமான ஒரு ப்ராஜெக்ட்டில் இணைவது மிகவும் ஒரு அற்புதமான ஒரு உணர்வை கொடுக்கிறது. தளபதி விஜயுடன் திரையை பகிர்வதை என்னால் வார்த்தைகளால் விவரிக்க முடியவில்லை" என்றுள்ளார்.