Salaar Part 1: கிறிஸ்துமஸை குறிவைத்த ‘சலார்’.. ஷாருக்கானுடன் நேரடியாக மோதும் பிரபாஸ்.. ரிலீஸ் தேதி அறிவிப்பு!

சலார் படத்தி ரிலீஸ் தேதி பற்றிய அதிகாரப்பூர்வ அறிவிப்பு வெளியாகியுள்ளது.

சலார்

கேஜிஎஃப் 1 & 2 பாகங்களை இயக்கி, கன்னட சினிமா பாக்ஸ் ஆஃபிஸை புரட்டிப்போட்டு ஒட்டுமொத்த இந்திய சினிமா ரசிகர்களையும் தன் பக்கம் ஈர்த்தவர் இயக்குநர் பிரசாந்த் நீல். 

அதிகாரப்பூர்வ அறிவிப்பு

இவர் இயக்கத்தில் அடுத்த படமாக பிரபாஸ் - ஸ்ருதி ஹாசன் இணைந்துள்ள ‘சலார்’ திரைப்படம் வெளிவரவிருக்கிறது. மலையாள ஸ்டார் பிருத்விராஜ் இப்படத்தில் வில்லனாக நடித்துள்ள நிலையில், தெலுங்கு ஸ்டார் ஜெகபதி பாபு இப்படத்தில் முக்கியக் கதாபாத்திரத்தில் நடித்துள்ளார்.

சுமார் 400 கோடி ரூபாய் பட்ஜெட்டில் பிரம்மாண்டமாக எடுக்கப்பட்டுள்ள இப்படம், நேற்று (செப்.28) வெளியாகும் என ஏற்கெனவே அதிகாரப்பூர்வமாக அறிவிக்கப்பட்டது. ஆனால் பல்வேறு காரணங்களால் படத்தில் ரிலீஸ் தேதி தள்ளிப்போனது. இதனால் பெரிதும் அதிருப்தியடைந்த பிரபாஸ் ரசிகர்கள் எப்போது சலார் ரிலீசாகும் என எதிர்பார்த்து அப்டேட் கேட்டு காத்திருந்தனர்.

பிரபாஸ் ரசிகர்கள் கொண்டாட்டம்!

இந்நிலையில், பிரபாஸ் ரசிகர்களை உற்சாகப்படுத்தும் வகையில் தற்போது படத்தின் ரிலீஸ் குறித்த அதிகாரப்பூர்வ அறிவிப்பு வெளியாகியுள்ளது. அதன்படி, வரும் டிசம்பர் 22ஆம் தேதி சலார் படம் வெளியாகும் எனத் தெரிவிக்கப்பட்டுள்ளது. இந்த அறிவிப்பு பிரபாஸ் மற்றும் பிரசாந்த் நீல் ரசிகர்களை குஷியில் ஆழ்த்தியுள்ளது. மேலும் ரத்தம் தெறிக்க பிரபாஸ் இடம்பெற்றிருக்கும் போஸ்டரும் வெளியாகி வைரலாகி வருகிறது. 

 

𝐂𝐨𝐦𝐢𝐧𝐠 𝐁𝐥𝐨𝐨𝐝𝐲 𝐒𝐨𝐨𝐧!#SalaarCeaseFire Worldwide Release On Dec 22, 2023.#Salaar #Prabhas #PrashanthNeel @PrithviOfficial @shrutihaasan @hombalefilms #VijayKiragandur @IamJagguBhai @sriyareddy @bhuvangowda84 @RaviBasrur @shivakumarart @vchalapathi_art @anbariv… pic.twitter.com/P3KryJm7Ug

— Salaar (@SalaarTheSaga) September 29, 2023

கேஜிஎஃப் பாகங்களின் மூலம் இரண்டே படங்களில் மாஸ் மசாலா படங்களுக்கான ரசிகர்களை தன் பக்கம் இழுத்து குறிப்பிடத்தக்க கமர்ஷியர் இயக்குநராக பிரசாந்த் நீல் நிலையில் அவர் மீதான எதிர்பாப்பு இந்தப் படத்திலும் எகிறியுள்ளது. மேலும் பாகுபலிக்குப் பிறகு பிரபாஸ் நடிப்பில் வெளியான பான் இந்திய படங்கள் தோல்வியையே தழுவி வரும் நிலையில், பிரபாஸூக்கு பிரசாந்த் நீல் கைக்கொடுப்பார் என்றும் அவரது ரசிகர்கள் எதிர்பார்த்து காத்துள்ளனர்.

ஷாருக்கானுடன் மோதும் பிரபாஸ்

நடிகர் ஷாருக்கான் - ராஜ்குமார் ஹிரானி இணைந்துள்ள டங்கி படம் வரும் டிச.22ஆம் வெளியாகும் என சமீபத்தில் தான் தகவல்கள் வெளியான நிலையில், தற்போது வெளிவந்துள்ள சலார் பற்றிய அறிவிப்பு மேலும் பரபரப்பைக் கிளப்பும் வகையில் அமைந்துள்ளது.

பதான், ஜவான் படங்களின் மூலம் இந்த ஆண்டு இரண்டு முறை ஆயிரம் கோடி வசூலைக் குவித்து ஷாருக்கான் மாஸ் மகாராஜாவாக இந்திய பாக்ஸ் ஆஃபிஸில் வலம்  வரும் நிலையில் பிரபாஸ் அவருடன் தற்போது நேருக்கு நேர் மோத உள்ளது எதிர்பார்ப்புகளை எக்கச்சக்கமாக எகிற வைத்துள்ளது.

மேலும் பெரும் பொருட்செலவில் உருவாகியுள்ள நடிகர் தனுஷின் கேப்டன் மில்லர் திரைப்படம் டிச.15ஆம் தேதி வெளியாகும் எனத் தகவல் வெளியாகியுள்ள நிலையில்,  மும்முனைப் போட்டியில் பரபரப்பாக இருக்கும் என எதிர்பார்க்கப்படுகிறது.