![ABP Premium](https://cdn.abplive.com/imagebank/Premium-ad-Icon.png)
Watch video: பெட்ரூம்ல வந்து போட்டோ எடுக்குறியா..? கோபத்தில் கொந்தளித்த சைஃப் அலி கான் - வைரலாகும் வீடியோ
பின்தொடர்ந்து வந்து ப்ரைவசியை கெடுத்த புகைப்பட கலைஞரை கோபத்தில் விளாசிய சைஃப் அலி கான் வீடியோ சோசியல் மீடியாவில் வைரலாக பரவி வருகிறது
![Watch video: பெட்ரூம்ல வந்து போட்டோ எடுக்குறியா..? கோபத்தில் கொந்தளித்த சைஃப் அலி கான் - வைரலாகும் வீடியோ Saif Ali Khan blasts the photographer and shouted at him to come to his bedroom Watch video: பெட்ரூம்ல வந்து போட்டோ எடுக்குறியா..? கோபத்தில் கொந்தளித்த சைஃப் அலி கான் - வைரலாகும் வீடியோ](https://feeds.abplive.com/onecms/images/uploaded-images/2023/03/04/21f90b36aa00c1111a2dcaa4058f92e41677938652269224_original.jpg?impolicy=abp_cdn&imwidth=1200&height=675)
பிரபல பாலிவுட் நடிகர் சைஃப் அலி கான் மற்றும் அவரது மனைவி நடிகை கரீனா கபூர் இருவரும் மிகவும் பிரபலமான முகங்கள். மிகவும் பிரபலமாக இருந்தாலே பிரைவசி என்பது அறவே இருக்காது என்பது அனைவரும் அறிந்ததே. அப்படி ஒரு கடுப்பான சம்பவம் ஒன்று நடைபெற்றதால் கோபத்தில் கொந்தளித்துள்ளார் நடிகர் சைஃப் அலி கான்.
பாலிவுட் பிரபலங்களை எங்கே பார்த்தாலும் அவர்களை பின்தொடர்ந்து புகைப்படம் எடுப்பது வீடியோ எடுத்து அதை இணையத்தில் பகிர்வது என்பது மிகவும் சகஜமான ஒன்றாகி விட்டது. பிரபலமாவதற்கு முன்னர் இது போன்ற விஷயங்களை விரும்பும் பிரபலங்கள் ஒரு கட்டத்திற்கு மேல் எல்லையை மீறும் போது மிகவும் டென்ஷனாகி விடுகிறார்கள். சமீப காலமாக பிரபங்களின் ப்ரைவசியை மிக அதிக அளவில் குழைத்து வருகிறது மீடியா. அதிலும் பாலிவுட் திரையுலகில் இது மிகவும் பூதகரம் எடுத்து வருகிறது. அது போல ஒரு நிகழ்வால் கடுப்பாகி புகைப்பட கலைஞரை விளாசி தள்ளியுள்ளார் நடிகர் சைஃப் அலி கான்.
சைஃப் அலி கான்:
போனி கபூர் மகன் அர்ஜுன் கபூர் காதலியான மலைகா அரோரா தனது அம்மாவின் 70வது பிறந்தநாளை ஒரு பார்ட்டி வைத்து கொண்டாடினர். மிகவும் பிரமாண்டமாக ஏற்பாடு செய்யப்பட்ட அந்த பார்ட்டியில் பாலிவுட் பிரபலங்களை பலர் கலந்து கொண்டனர். அந்த பார்ட்டியில் சைஃப் அலி கான் தனது மனைவி கரீனா கபூருடன் அந்த விழாவில் கலந்து கொண்டார். பார்ட்டியை முடித்து விட்டு நள்ளிரவு 2 மணிக்கு வீடு திரும்பியுள்ளனர். அவர்கள் இருவரும் வீடு திரும்பும் வரையிலும் அவர்களை பின்தொடர்ந்து வந்துள்ளார் ஒரு புகைப்பட கலைஞர். அவர் பின்தொடர்வதை தெரிந்து கொண்ட சைஃப் அலி கான் கடும் கோபத்தில் இருந்துள்ளார்.
Saif Ali Khan tells paparazzi 'humare bedroom me aa jaaiye' after they follwed him and Kareena Kapoor Khan pic.twitter.com/skJwchuaiX
— Megh Updates 🚨™ (@MeghUpdates) March 3, 2023
பெட்ரூம்ல வந்து போட்டோ எடு:
வீட்டிற்கு வந்திறங்கிய சைஃப் அலி கான் மற்றும் கரீனா கபூரை ஒரு போட்டோவிற்கு போஸ் கொடுக்க சொல்லி கேட்டுள்ளார் புகைப்பட கலைஞர். ஏற்கனவே வீடு வரை பின்தொடர்ந்ததால் கடுப்பில் இருந்த சைஃப் அலி கான் அந்த புகைப்பட கலைஞரை அப்படி என் பெட் ரூம் வரைக்கும் வந்து விடு என கண்டித்துள்ளார். அவர் கோபத்தில் கத்திய வீடியோ சோசியல் மீடியாவில் தீயாக பரவி வருகிறது.
இதே போல ஒரு அத்துமீறும் செயல் நடிகை ஆலியா பட் குடியிருப்பில் சமீபத்தில் நடந்தது என்பது குறிப்பிடத்தக்கது. அவர் புகைப்பட கலைஞரை விளாசிய விஷயம் பெரும் சர்ச்சையை கிளப்பியது. அதனை தொடர்ந்து சைஃப் அலி கானும் அதே போன்ற ஒரு சர்ச்சையில் தற்போது சிக்கியுள்ளார்.
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)