Watch Video: காரை விரட்டி வந்த விஜய் ரசிகர்கள்; டென்ஷனாகி அட்வைஸ் செய்த ராஷ்மிகா! - வைரல் வீடியோ!

வாரிசு படத்தின் இசை வெளியீட்டு விழா முடிவடைந்தவுடன் ராஷ்மிகாவின் காரை பைக்கில் பின்தொடர்ந்து வந்த ரசிகர்களிடம் செல்லமான ஒரு வேண்டுகோளை வைத்துள்ளார் ராஷ்மிகா மந்தனா.

ராஷ்மிகா மந்தனா ஹெல்மெட் அட்வைஸ்

தென்னிந்திய திரைப்படங்களில் மட்டுமின்றி பாலிவுட்டிலும் அடியெடுத்து வைத்து கலக்கி வரும் நடிகை ராஷ்மிகா மந்தனா; நடிகர் விஜய் ஜோடியாக இவர் நடித்துள்ள வாரிசு திரைப்படம் பொங்கலுக்கு வெளியாக தயாராகவுள்ளது. தனது அழகான முகம் வசீகரமான தோற்றம் மட்டுமின்றி மிகவும் க்யூட்டான அணுகுமுறையால் ரசிகர்களை தன் வசம் ஈர்த்து வருகிறார். 

 

தமிழில் கொஞ்சிய ராஷ்மிகா :

வாரிசு திரைப்படத்தின் ஆடியோ லான்ச் சில தினங்களுக்கு முன்னர் சென்னையில் உள்ள நேரு உள்விளையாட்டு அரங்கத்தில் மிகவும் பிரமாண்டமாக நடைபெற்றது. இந்த விழாவில் கலந்து கொள்ள சென்னை வந்த ராஷ்மிகா மந்தனா தமிழில் பேசி அனைவரின் அபிமானத்தையும் பெற்றார். நடிகர் விஜய் இணையாக அந்த நிகழ்ச்சியில் ரசிகர்களை கவர்ந்த ராஷ்மிகா மந்தனா தனது க்யூட்டான சில செய்கைகளால் ஒட்டுமொத்த ரசிகர்களின் கைதட்டலையும் பெற்றார். 

 

Thank you so much for coming out to meet us… We felt your love and we wanted to give it back to you in some form and the song was one of those forms…
Soon I want to atleast virtually meet all of you 🌸 Spending time with you all is THE best FEELING! ❤️ pic.twitter.com/4i9jMp8OTJ

— Rashmika Mandanna (@iamRashmika) December 26, 2022

என்ன ஒரு அக்கறை :

வாரிசு படத்தின் இசை வெளியீட்டு விழா முடிவடைந்தவுடன் ராஷ்மிகாவின் காரை பைக்கில் பின்தொடர்ந்து வந்த ரசிகர்களிடம் செல்லமான ஒரு வேண்டுகோளை வைத்துள்ளார் ராஷ்மிகா மந்தனா. காரின் கண்ணாடியை கீழே இறக்கி பைக்கில் பின் தொடர்ந்து வந்த ரசிகர்களை ஹெல்மெட் அணிந்து கொள்ளுமாறும் டேக் கேர் எனவும் அவர் கூறினார்; இது தொடர்பான வீடியோ ஒன்று சோசியல் மீடியாவில் மிகவும் வைரலாக பரவி வருகிறது; அவரின் இந்த செயல் ரசிகர்கள் மத்தியில் வைரலாகி வருகிறது; 

 

Oh my rashhh 🥹❤️❤️pic.twitter.com/0GGnhapOhU

— 🥶. (@KuskithalaV6) December 26, 2022

 

பிஸி ஷெட்யூல்:
 
மிகுந்த எதிர்பார்ப்புக்கு மத்தியில் பொங்கல் ரிலீஸாக ஜனவரி 12ம் தேதி உலகெங்கிலும் வெளியாக உள்ள வாரிசு திரைப்படத்தை தொடர்ந்து பாலிவுட்டில்  ராஷ்மிகாவின் இரண்டாவது திரைப்படமான 'மிஷன் மஜ்னு' ஜனவரி 23ம் தேதி வெளியாகவுள்ளது. அதை தொடர்ந்து ரன்பீர் கபூருடன் 'அனிமல்' படத்தில் நடித்து வருகிறார்; அடுத்ததாக அல்லு அர்ஜுன் மற்றும் ஃபஹத் பாசில் நடிப்பில் 'புஷ்பா 2 தி ரைஸ்' படத்தில் ஸ்ரீ வள்ளியாக மீண்டும் கலக்க வருகிறார் ராஷ்மிகா.