Rajini Kamal Reunion: 47 ஆண்டுகளுக்குப் பின் ரஜினி கமல் கூட்டணி... நெல்சன் இயக்கத்தில் வெளியான மாஸ் ப்ரோமோ

KHxRK Promo : நெல்சன் திலிப்குமார் இயக்கத்தில் ரஜினிகாந்த் மற்றும் கமல்ஹாசன் இணைந்து நடிக்கும் படத்தின் ப்ரோமோ வெளியாகியுள்ளது

ரஜினிகாந்த் , கமல்ஹாசன் , நெல்சன் திலிப்குமார் , அனிருத்

Source : X

47 ஆண்டுகளுக்குப் பின் தமிழ் திரையுலகின் இருபெரும் நட்சத்திரங்களான ரஜினி கமல் நெல்சன் திலிப்குமார் இயக்கத்தில் இணைந்துள்ளார்கள். ரெட் ஜெயண்ட் சார்பாக இன்பன் உதயநிதி இப்படத்தை தயாரிக்க அனிருத் இசையமைக்கிறார். இப்படத்தின் ப்ரோமோ வீடியோ தற்போது வெளியாகியுள்ளது 

ரெட்ரோ லுக்கில் ரஜினி கமல் 

தமிழ் திரையுலகின் இரு மாபெரும் நடிகர்களாக இருந்து வருபவர்கள் ரஜினி கமல். ஆரம்ப காலத்தில் இருவரும் பல்வேறு படங்களில் இணைந்து நடித்துள்ளார்கள். அபூர்வ ராகங்கள் , இளமை ஊஞ்சலாடுகிறது , மூன்று முடிச்சு , அவள் அப்படிதான் , நினைத்தாலே இனிக்கும் , அவர்கள் என இருவரும் இணைந்து 17 படங்கள் வரை நடித்துள்ளார்கள். பின் இருவரும் சினிமாவில் அவரவருக்கான பாதையில் பயணிக்கத் தொடங்கினர். தற்போது 47 ஆண்டுகளுக்குப் பின் நெல்சன் இயக்கத்தில் இருவரும் இணைந்துள்ளார்கள் 

முன்னதாக லோகேஷ் கனகராஜ் ரஜினி கமலை ஒரே படத்தில் இயக்க நினைத்தார். ஆனால் இந்த முயற்சி கைவிடப்பட்டது. ரஜினி கமல் போன்ற மாபெரும் நட்சத்திரங்களை இயக்கும் சவாலை நெல்சன் சமாளிப்பாரா என்கிற கேள்வி இருந்து வந்தது. தற்போது இந்த ப்ரோமோ அதற்கு பதிலாக அமைந்துள்ளது. தனது வழக்கமான நகைச்சுவை பாணியை கைவிடாமல் அதே நேரம் ரஜினி கமல் இருவரையும் ரெட்ரோ லுக்கில் மாஸாக காட்டியுள்ளார். அதே நேரம் அனிருத்தின் இசையும் ரெட்ரோ காலத்தை நினைவுபடுத்தும் விதமாக அமைந்துள்ளது. 

நகைச்சுவை கலந்த கேங்ஸ்டர் படமாக இந்த படம் உருவாக இருக்கிறது. தற்போது ரஜினி நெல்சன் இயக்கத்தில் ஜெயிலர் 2 படத்தில் நடித்துள்ளார் . ஜூன் மாதம் இப்படம் திரையரங்கிற்கு வரவிருக்கிறது. தொடர்ந்து சிபி சக்கரவர்த்தி இயக்கத்தில் ரஜினி நடிக்க இருக்கிறார். அடுத்த ஆண்டு ரஜினி கமல் படத்தின் படப்பிடிப்பு தொடங்கும் என எதிர்பார்க்கப்படுகிறது 

Born Cool. Built Retro. Eternal Swag. 😎#KHxRK Tamil Promo

▶️ https://t.co/9rRSNvssoJ@ikamalhaasan @rajinikanth @Nelsondilpkumar @anirudhofficial @DirRajivMenon @Nirmalcuts @KiranDrk #PallaviSingh @amritharam2 @valentino_suren @alagiakoothan @MShenbagamoort3 @arjundurai… pic.twitter.com/qlUHR3FYrC

— Red Giant Movies (@RedGiantMovies_) February 21, 2026