இந்தியன் 2 படத்தில் கமலின் கேரக்டர்.. வாவ் சொல்லி சீக்ரெட் சொன்ன ரகுல் ப்ரீத் சிங்

இந்தியன் 2 சினிமாவில் கமல்ஹாசன் 90 வயது முதியவராக நடிக்கிறார் என்பதை கூறிய நடிகை ரகுல் ப்ரீத் சிங் அவரது அந்த ரோலை ரொம்பவே வியந்து பாராட்டியுள்ளார்.

ரகுல் ப்ரீத் சிங்

இந்தியன் 2 சினிமாவில் கமல்ஹாசன் 90 வயது முதியவராக நடிக்கிறார் என்பதை கூறிய நடிகை ரகுல் ப்ரீத் சிங் அவரது அந்த ரோலை ரொம்பவே வியந்து பாராட்டியுள்ளார்.

இது குறித்து அவர் அளித்த பேட்டி ஒன்றில் கமல்ஹாசன் திரையில் நடிக்கவில்லை. திரையின் அங்கமாகவே மாறிவிடுகிறார். 90 வயது முதியவராக அவர் நடிக்கும் காட்சிக்கு மேக்கப் போட 5 மணி நேரம் தேவைப்படுகிறது. காலை 5 மணிக்கெல்லாம் வந்துவிடுகிறார். 10 மணிக்கு மேக்கப் முடிந்ததும் சூட்டிங் ஆரம்பிக்கிறது. அதன் பின்னர் சூட்டிங் முடிந்ததும் அந்த மேக்கப்பை கலைக்க 2 மணி நேரம் தேவைப்படுகிறது. ஒருநாள் இதற்கெல்லாம் அவர் சலித்துக் கொண்டதே இல்லை என்று தெரிவித்துள்ளார்.

தமிழ் சினிமாவின் பிரமாண்ட இயக்குநர் ஷங்கர் - உலகநாயகன் கமல்ஹாசன் கூட்டணியில் பிளாக்பஸ்டர் வெற்றியைப் பெற்ற திரைப்படமாக 1996ல் வெளியான திரைப்படமான "இந்தியன்" திரைப்படத்தின் இரண்டாம் பாகத்திற்கான எதிர்பார்ப்பு உச்சகட்டத்தில் உள்ளது.

2019ம் ஆண்டு இந்தியன் 2 படத்தின் படப்பிடிப்பு பணிகள் தொடங்கப்பட்டு சில பல பிரச்சினைகளால் பாதியிலேயே  முடங்கிப்போனது. அதனை தொடர்ந்து பட்ஜெட் பிரச்சினை மற்றும் கொரோனா தொற்று காரணமாக  படப்பிடிப்பு தொடரமுடியாமல் நின்றுபோனது. லோகேஷ் கனகராஜ் இயக்கத்தில் நடிகர் கமல்ஹாசன் நடித்த விக்ரம் படத்தின் வெற்றிக்கு பிறகு மீண்டும் இந்தியன் 2 படப்பிடிப்பு செப்டம்பர் மாதம் தொடங்கப்பட்டது.

தற்போது இந்தியன் 2 படப்பிடிப்பு முழுவீச்சில் நடைபெற்று வருகிறது. இப்படத்தின் படப்பிடிப்பை 2023ம் மத்தியில் முடிக்கத் திட்டமிட்டுள்ளனர் படக்குழுவினர். படப்பிடிப்பு முடிவடைந்த உடன் போஸ்ட் புரொடக்ஷன் பணிகள் தீவிரமாக நடைபெறும் எனக் கூறப்படுகிறது. வழக்கம் போல் இயக்குநர் ஷங்கரின் படங்கள் என்றாலே ஏராளமான விஷூவல் எஃபெக்ட்ஸ் இருக்கும்.

இருப்பினும் எந்திரன், 2.0 போன்ற படங்களில் இருந்த VFX போல மிக அதிகமான அளவில் இப்படத்தில் இருக்காது என்றும் சில அதிரடி காட்சிகள் மற்றும் பாடல்களில் மட்டுமே இந்த ஸ்பெஷல் எஃபெக்ட்ஸ் சேர்க்கப்ட்டுள்ளன எனக் கூப்படுகிறது. மிகவும் மும்முரமாக பணிகள் நடைபெறுவதால் அநேகமாக இப்படம் தீபாவளி 2023ல் வெளியாகும் என எதிர்பார்க்கிறார்கள் ரசிகர்கள். 

இந்தியன் 2 படத்தின் முதல் பாகம் தமிழ், தெலுங்கு, ஹிந்தி, மலையாளம், கன்னடம் என ஐந்து மொழிகளிலும் பான் இந்திய படமாக வெளியாகும். முதல் பாகத்தை போலவே இரண்டாம் பாகமும் ஷங்கர் - லைகா நிறுவனம் - கமல்ஹாசன் கூட்டணியில் ஒரு மேஜிக்கை திரையில் கொண்டுவரும் என மிகவும் உறுதியான நம்பிக்கையுடன் உள்ளனர் ரசிகர்கள்.