Thalaivar 171: குருவுக்கு எதிராக சிஷ்யனா.. ரஜினிக்கு வில்லனாகும் ராகவா லாரன்ஸ்.. தலைவர் 171 படத்தின் முதல் சர்ப்ரைஸ்!

லோகேஷ் கனகராஜ் இயக்க இருக்கும் ‘தலைவர் 171’ படத்தில் ரஜினிகாந்துக்கும் வில்லனாக ராகவா லாரன்ஸ் நடிக்க இருப்பதாகத் தகவல் வெளியாகி இருக்கிறது.

தலைவர் 171, ரஜினிகாந்த், அனிருத், ராகவா லாரன்ஸ் (Image source: Twitter)

தலைவர் 171

லியோ படத்தைத் தொடர்ந்து லோகேஷ் கனகராஜ் அடுத்து இயக்க இருக்கும் படம் தலைவர் 171. விஜய், கமலைத் தொடர்ந்து தற்போது சூப்பர்ஸ்டார் ரஜினிகாந்தை இந்தப் படத்தில் இயக்க இருக்கிறார் லோகேஷ் கனகராஜ். சன் பிக்ச்சர்ஸ் இந்தப் படத்தை தயாரிக்க அனிருத் இந்தப் படத்திற்கு இசையமைக்கிறார். ஜெயிலர் படத்தின் வெற்றியைத் தொடர்ந்து கடந்த செப்டம்பர் 11 ஆம் தேதி இந்தப் படம் குறித்தான அறிவிப்பை வெளியிட்டது தயாரிப்பு நிறுவனம்.

We are happy to announce Superstar @rajinikanth’s #Thalaivar171

Written & Directed by @Dir_Lokesh

An @anirudhofficial musical

Action by @anbariv pic.twitter.com/fNGCUZq1xi

— Sun Pictures (@sunpictures) September 11, 2023

கதை எப்படி

இயக்குநர் லோகேஷ் கனகராஜ் இந்தப் படத்தைப் பற்றி குறிப்பிடும்போது தலைவர் 171 படம் எல்.சி.யு விற்குள் வராது என்றும் தன்னுடைய கரியரில் வித்தியாசமான ஒரு படமாக இந்தப் படம் இருக்குமென்றும் குறிப்பிட்டார். மேலும் இந்தப் படத்தின் கதையைக் கேட்ட நடிகர் ரஜினிகாந்த் லோகேஷ் கனகாராஜை கட்டிப்பிடித்து பாராட்டியதையும் அவர் தெரிவித்தார். இந்தப் படத்தில் சில காட்சிகளை ஐ மேக்ஸ் கேமராவில் படம்பிடிக்க இருப்பதாகவும் கூடுதலாக படத்திற்கான திரைக்கதையை எழுத மலையாள திரைத்துறையைச் சேர்ந்த எழுத்தாளர்களுடன் இணைய இருப்பதாக லோகேஷ் தெரிவித்துள்ளார். ரஜினியிடம் இருக்கும் வில்லன் குணாம்சங்களை தான் எப்போது ரசித்ததாகவும் இந்தப் படத்தில் ரஜினியின் நெகட்டிவ சைடை அதிகம் காட்டப்போவதாக லோகேஷ் தெரிவித்துள்ளார்.

வில்லனாக ராகவா லாரண்ஸ்

அடுத்த ஐந்து மாதங்களுக்கு தலைவர் 171 படத்தின் திரைக்கதையை எழுதுவதில் பிஸியாக இருக்கப்போகிறார் லோகேஷ் கனகராஜ். அடுத்த வருடம் மார்ச் அல்லது ஏப்ரல் மாதம் இந்தப் படத்தின் படப்பிடிப்புத் தொடங்க இருக்கிறது. மேலும் படம் குறித்தான  நிறைய ஆச்சரியமானத் தகவல்கள் விரைவில் வெளியாகும் என லோகேஷ் கனகராஜ் தெரிவித்துள்ள நிலையில், தற்போது தலைவர் 171 படத்தில் ரஜினிக்கு வில்லனாக ராகவா லாரன்ஸ் இந்தப் படத்தில் நடிக்க இருப்பதாக தகவல்கள் வெளியாகி இருக்கிறது.

முன்னதாக லோகேஷ் கனகராஜ் இயக்கிய விக்ரம் படத்தில் விஜய் சேதுபதி நடித்த சந்தனம் கதாபாத்திரத்தில் நடிக்க ராகவா லாரன்ஸுக்கு அழைப்பு வந்ததாகவும், போதைப் பொருட்கள் மற்றும் அதீத வன்முறையான கதாபாத்திரமாக இருந்ததால் அதைப்பார்க்கும் குழந்தைகள் பாதிக்கப்படுவார்கள் என்று இந்த வாய்ப்பை லாரன்ஸ் மறுத்ததாக தெரியவந்தது. ரஜினிகாந்தின் மிகப்பெரிய ரசிகரான ராகவா லாரன்ஸ் தற்போது அவருக்கே வில்லனாக நடிப்பது பெரும் எதிர்பார்ப்புகளை ஏற்படுத்தி இருக்கிறது. இது குறித்த கூடுதலான அதிகாரப்பூர்வமானத் தகவல்கள் இன்னும் வெளியாக இருக்கின்றன. ஆனால் கொண்டாட்டம் இப்போதே தொடங்கி விட்டிருக்கிறது.

தலைவர் 170

த.செ.ஞானவேல் இயக்கத்தில் தற்போது ரஜினிகாந்த் நடித்து வரும் படம் தலைவர் 170. அமிதாப் பச்சன், துஷாரா விஜயன், மஞ்சு வாரியர், ரானா டகுபதி, ஃபகத் ஃபாசில், ரித்திகா சிங் உள்ளிட்டவர்கள் இந்தப் படத்தில் நடித்து வருகிறார்கள் . லைகா ப்ரோடக்‌ஷன்ஸ் இந்தப் படத்தை தயாரிக்க அனிருத் இந்தப் படத்திற்கு இசையமைக்கிறார்.