Priyanka Chopra: எனக்கு பாட்டிதான் எல்லாம்...: குழந்தைப் பருவ நினைவுகளை பகிர்ந்த பிரியங்கா சோப்ரா!
பிரியங்கா சோப்ரா தனது தாய் மது சோப்ரா, பாட்டி மற்றும் தோழியுடன் குழந்தை பருவ படங்களை பகிர்ந்துள்ளார். பாட்டி தன்னை வளர்க்க உதவியது குறித்து நினைவுகளை பகிர்ந்துள்ளார்.
பிரபல பாலிவுட் நடிகை பிரியங்கா சோப்ரா (Priyanka Chopra) சமூக வலைதளத்தில், சிறுவயதில் பாட்டியின் பிறந்தநாள் கொண்டாட்டத்தின்போது எடுத்த புகைப்படங்களை பதிவிட்டு, தனது குழந்தை பருவ நினைவுகளை பகிர்ந்துள்ளார்.
நடிகை பிரியங்கா சோப்ரா இன்ஸ்டாகிராமில் சிறுவயதில் தனது பாட்டி, தாய் மது சோப்ரா மற்றும் தோழி பிரியம் மதூர் ஆகியோருடன், பாட்டியின் பிறந்தநாள் கொண்டாட்டத்தின்போது எடுத்துக்கொண்ட புகைப்படங்களை போஸ்ட் செய்துள்ளார்.
தனது குழந்தைப் பருவத்தின் அழகான நினைவுகளை விவரித்துள்ள பிரியங்கா, அவருடைய பெற்றோர்கள் படித்த காலத்திலும், வேலை செய்த காலத்திலும், பிரியங்காவை அவர் பாட்டிதான் வளர்க்க பெரிதும் உதவியதாக குறிப்பிட்டுள்ளார்.
View this post on Instagram
படங்களைப் பகிர்ந்த பிரியங்கா, " எனது நானியின் (தாய்வழிப் பாட்டி) பிறந்தநாளை கொண்டாடுகிறோம். அம்மாவும் அப்பாவும் படிப்பிலும் மருத்துவ பணியிலும் தீவிர கவனம் செலுத்தியபோது, பாட்டி என்னை வளர்க்க உதவினார். என்னை வளர்த்ததில் பாட்டிக்கு முக்கிய பங்கு உண்டு. என் வளர்பதில் தொடர்ந்து உறுதியாக தன்னை ஈடுபடுத்திக் கொண்டவர். என் பாட்டி. என் வாழ்கையில், ஆளுமைமிக்க தாய்வழி உறவுகள் எனக்கு இருப்பதை அதிஷ்டமாக உணர்கிறேன். உங்கள் அனைவருகும் என் நன்றிகள். மிஸ் யூ பாட்டி!" என்று கூறியுள்ளார்.
பிரியங்கா சோப்ரா நடித்த Text For You என்ற படம் விரைவில் வெளிவர இருக்கிறது. மேலும்,இவர் எண்டிங் திங்ஸ் (Ending Things)படத்திலும் நடிக்க இருக்கிறார். பிரியங்கா நடித்த அமேசான் டிவி தொடரான சிட்டாடலின் (Citadel) படப்பிடிப்பு சமீபத்தில்தான் முடிந்துள்ளது. அவர் ஃபர்ஹான் அக்தரின் இயக்கத்தில், கத்ரீனா கைஃப் மற்றும் ஆலியா பட் ஆகியோருடன் ஜீ லெ ஜராவிலும் என்ற திரைப்படத்திலும் நடிக்க இருக்கிறார். அடுத்தடுத்து சினிமாவில் பிஸியாக இருக்கும் பிரியங்காவிற்கு வாழ்த்துகள்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
and tablets
