‛பொறுத்திருந்து 3D.,யில் பாருங்க...’ ஆதிபுருஷ் டீசர் விமர்சனத்திற்கு பிரபாஸ் பதில்!
Adipurush Teaser : கிண்டல்களுக்கும் சர்ச்சைகளுக்கும் இடையில் மாட்டிக்கொண்டு தவிக்கும் ஆதிபுருஷ் பட டீசர்... சூப்பராக சமாளித்த நடிகர் பிரபாஸ்
பிரபாஸ் நடித்துள்ள ஆதிபுருஷ் டீசரை அனைவரும் பார்த்து சிரித்தனர். இதற்கு காரணம் பொம்மை படம் போல் அமைக்கப்பட்ட க்ராபிக்ஸ்தான். ஒருபக்கம் கிண்டலுக்கும் கேலிக்கும் ஆளான ஆதிபுருஷ், மற்றொரு பக்கம் கடுமையாக கண்டிக்கப்பட்டது. ராமர், லட்சுமணன் மற்றும் ராவணனை தவறாக சித்தரித்ததாகவும், ஹிந்து மத நம்பிகைகளையும் புராணங்களையும் சீர்குலைத்தாகவும் சர்ச்சை கிளம்பியது.
இதற்கு இடையில் நொந்து போன பிரபாஸின் ரசிகர்கள், ஹைதராபாத் 3டி டீசர் வெளியீட்டு விழாவில் பிரபாஸ் கூறிய விஷயத்தால் ஆறுதல் அடைந்துள்ளனர். ஸ்டைலாக மக்களை சந்திக்க வந்த பிரபாஸ், ஆதிபுருஷ் பட டீசரின் மீது புகுத்தப்பட்ட விமர்சனங்களுக்கு பதில் அளித்த பின், படம் தியேட்டரில் பாக்க நன்றாக இருக்கும் என்று நம்பிக்கையாக பேசி ஆறுதல் கூறினார். ரசிகர்களிடம் பொருத்து இருந்து பாருங்கள் என்றும் அவர் கேட்டுக்கொண்டார்.
முப்பரிமாண டீசரை பார்த்த பிரபாஸ் கூறியதாவது:
“இதை 3டியில் நான் பார்க்கும் போது, குழந்தையாக உணர்ந்தேன். அதில் வரும் மிருகங்கள் உங்கள் கண் முன் தோன்றுவது போல் இருக்கும். இது போன்ற 3டி காட்சி இதுவரை இந்தியாவில் அமைக்கபடவில்லை. இப்படம், திரையரங்கில் வெளியிட உருவாக்கப்பட்டது அதுவும், 3டியில் பார்க்க உருவாக்கப்பட்டது.
ஆதிபுருஷ் படத்தை 3டியில் பார்த்து மகிழுங்கள். வரும் வாரங்களில், ஆதிபுருஷ் குழு ஒரு முக்கிய தகவலை வெளியிடும். இந்த 3டி டீசரை மக்கள் காண, 60 தியேட்டர்களில் ஏற்பாடு செய்யப்பட்டுள்ளது” என்று பிரபாஸ் விளக்கம் கொடுத்தார்.
View this post on Instagram
பாகுபலி பிரபாஸுக்கு இந்த நிலமையா என்று கேள்விபடும் போது சற்று வருத்தமாக தான் உள்ளது. இருந்தாலும் பிரபாஸ் அவரையும் ஆதிபுருஷ் பட இயக்குநர் ஓம் ரவுத்தின் மானத்தை காக்க நன்றாக சமாளித்துள்ளார் என்றுதான் சொல்லவேண்டும். இருப்பினும் பொருத்து இருந்து பார்ப்போம்..! படத்தின் டீசர் அக்டோபர் 2 அன்று வெளியானது என்பது குறிப்பிடதக்கது.
மேலும் படிக்க : Bigg Boss 6 Tamil House: பிக்பாஸ் சீசன் 6 வீடு... இந்த முறை புதிய வசதிகள் அறிமுகம்... இதோ பிக்பாஸ் வீடு டூர்!
தலைப்பு செய்திகள்
ட்ரெண்டிங் செய்திகள்
