பொன்னியின் செல்வனில் தூய தமிழ்.. த்ரிஷா, கார்த்தி, ஜெயம் ரவி கலகலப்பு
பொன்னியின் செல்வனில் தூய தமிழ் பேசியது குறித்து அப்படத்தில் நடித்துள்ள த்ரிஷா, கார்த்தி, ஜெயம் ரவி உள்ளிட்டோர் அளித்த கலகலப்பான பேட்டி ஒன்று இன்ஸ்டாகிராமில் வெளியாகியுள்ளது.
பொன்னியின் செல்வனில் தூய தமிழ் பேசியது குறித்து அப்படத்தில் நடித்துள்ள த்ரிஷா, கார்த்தி, ஜெயம் ரவி உள்ளிட்டோர் அளித்த கலகலப்பான பேட்டி ஒன்று இன்ஸ்டாகிராமில் வெளியாகியுள்ளது. தொகுப்பாளர் ரம்யா இந்தப் பேட்டியை எடுத்துள்ளார். அதில் ரம்யா த்ரிஷாவின் தூய தமிழ் அட்டாகசமாக இருந்ததாகக் கூறி பாராட்டுகிறார். ஜெயம் ரவியும், கார்த்தியும் தூய தமிழில் பேச முயற்சித்து அதில் ஜெயம் ரவி நிறையவே சொதப்ப பேட்டி முழுவதும் கலகலப்பு நிறைந்ததாகிறது.
இதோ அந்த இன்ஸ்டா வீடியோ உங்கள் பார்வைக்காக:
View this post on Instagram
கல்கியின் ’பொன்னியின் செல்வன்’ நாவலைத் தழுவி அதே பெயரில் பொன்னியின் செல்வன் என்ற பெயரில் படம் இரண்டு பாகங்களாக எடுக்கப்பட்டுள்ளது.
விக்ரம், கார்த்தி, ஜெயம் ரவி, த்ரிஷா, ஐஸ்வர்யா ராய், சரத்குமார், ஜெயராம், சரத்குமார், ஐஸ்வர்யா லட்சுமி, விக்ரம் பிரபு உள்ளிட்ட மிகப்பெரிய நட்சத்திரப் பட்டாளமே படத்தில் நடித்துள்ளது. ஏ.ஆர்.ரஹ்மான் இப்படத்துக்கு இசையமைத்துள்ளார். ரவி வர்மன் ஒளிப்பதிவு செய்துள்ளார்.
பொன்னியின் செல்வன் உருவான விதம் குறித்துப் பேசிய மணிரத்னம் “கல்கி அவர்களுக்கு என்னுடைய முதல் நன்றி. செக்க சிவந்த வானம் படம் முடிந்த பிறகு, லைகா சுபாகஸ்கரன் அடுத்ததா என்ன படம் செய்ய போகிறீர்கள் என்று கேட்டார். உடனே நான் பொன்னியின் செல்வன் எடுக்க வேண்டும் என்று ஆசை என்று சொன்னேன். 2 நிமிடம் யோசித்த அவர் சரி செய்வோம் என்றார். 2 நிமிடம்தான் ஆனது 70 வருட கனவை நிறைவேறுவதற்கு. உடனே அவர் என்ன இது பாகுபலி மாதிரி இருக்குமா.. என்றார்.. உடனே நான் நிச்சயம் அப்படி இருக்காது... பாகம் 1 மற்றும் 2 வேண்டுமென்றால் அதே போல இருக்கும். சரி.. சஞ்சய் லீலா பன்சாலியின் பத்மாவதி படம் மாதிரி இருக்குமா.. என்றார். அப்படியும் இருக்காது.. என்றேன். பின்னர் எப்படி இருக்கும் என்றார்.. இது கல்கி எழுதின மாதிரி இருக்கும்னு என்றேன். முடிந்த வரை அதைத்தான் முயற்சி செய்திருக்கிறோம்.” என்று சுவாரஸ்யமாகப் பேசியிருந்தது நினைவுகூரத்தக்கது.
பொன்னியின் செல்வன் செப்டம்பார் 30ஆம் தேதி ரிலீஸ் ஆகிறது.
தலைப்பு செய்திகள்
ட்ரெண்டிங் செய்திகள்
