Ponniyin Selvan 2: வெளியானது பொன்னியின் செல்வன் -2 படத்தின் “சிவோஹம்” பாடல் ... மகிழ்ச்சியில் ரசிகர்கள்..!
பொன்னியின் செல்வன் படத்தின் 2 ஆம் பாகத்தில் இருந்து மூன்றாம் பாடலாக சிவோஹம் பாடலின் வரிகள் அடங்கிய வீடியோவை படக்குழு வெளியிட்டுள்ளது.
பொன்னியின் செல்வன் படத்தின் 2 ஆம் பாகத்தில் இருந்து மூன்றாம் பாடலாக சிவோஹம் பாடலின் வரிகள் அடங்கிய வீடியோவை படக்குழு வெளியிட்டுள்ளது.
ரசிகர்களை கவர்ந்த பொன்னியின் செல்வன்
கல்கியின் ‘பொன்னியின் செல்வன்’ நாவலைத் தழுவி மணிரத்னம் பொன்னியின் செல்வன் படத்தை இயக்கியுள்ளார். இரண்டு பாகங்களாக உருவாகியுள்ள இப்படத்தின் முதல் பாகம் கடந்தாண்டு செப்டம்பர் 30 ஆம் தேதி தமிழ், தெலுங்கு, மலையாளம், கன்னடம், இந்தி ஆகிய 5 மொழிகளில் உலகமெங்கும் வெளியானது. விக்ரம், கார்த்தி, ஜெயம் ரவி, சரத்குமார், ஜெயராம், பார்த்திபன், த்ரிஷா, ஐஸ்வர்யா ராய், ஐஸ்வர்யா லட்சுமி, விக்ரம் பிரபு, பிரபு, லால், ஜெயசித்ரா,நாசர், ரகுமான், கிஷோர் என ஏகப்பட்ட நட்சத்திரங்கள் இப்படத்தில் நடித்திருந்தனர்.
Chant away into this world of mystery and enchantment!#Shivoham lyrical video out now!
— Lyca Productions (@LycaProductions) April 12, 2023
▶️https://t.co/lnb0dfcsTv#PS2 in cinemas worldwide from 28th April in Tamil, Hindi, Telugu, Malayalam, and Kannada!#CholasAreBack #PonniyinSelvan2 #ManiRatnam @arrahman @madrastalkies_… pic.twitter.com/JYvN2ditaG
ஏ.ஆர்.ரஹ்மான் பொன்னியின் செல்வன் படத்திற்கு இசையமைத்துள்ளார். ரவி வர்மன் ஒளிப்பதிவு செய்துள்ளார். இதனிடையே பொன்னியின் செல்வன் படத்தின் 2 ஆம் பாகம் வரும் ஏப்ரல் 28 ஆம் தேதி வெளியாகவுள்ளது. இதனை முன்னிட்டு படக்குழு தீவிர ப்ரோமோஷன் பணிகளில் ஈடுபட்டு வருகிறது. அந்த வகையில் இந்த படத்தில் இருந்து மூன்றாம் பாடலாக சிவோஹம் பாடலின் வரிகள் அடங்கிய வீடியோ வெளியாகியுள்ளது.
இதுதொடர்பான போஸ்டரை பார்க்கும்போது மதுராந்தகன் முடி சூட்ட வரும் காட்சியில் இப்பாடல் இடம் பெறும் என எதிர்பார்க்கப்படுகிறது. முன்னதாக பொன்னியின் செல்வன் 2 படத்தின் இசை மற்றும் ட்ரெய்லர் வெளியீட்டு விழா கடந்த மார்ச் 29 ஆம் தேதி சென்னை நேரு உள்விளையாட்டரங்கில் நடந்தது, இதில் சிறப்பு விருந்தினராக நடிகர் கமல்ஹாசன் கலந்து கொண்டு ட்ரெய்லரை வெளியிட்டார். இந்நிகழ்ச்சியில் அமைச்சர் துரைமுருகன், நடிகர் சிலம்பரசன், இயக்குநர் இமயம் பாரதிராஜா ஆகியோரும் கலந்து கொண்டனர். இந்த இசை வெளியீட்டு விழா தொலைக்காட்சியில் விரைவில் ஒளிபரப்பாகவுள்ளது. மேலும் பொன்னியின் செல்வன் 2 ஆம் பாகம் ரிலீசுக்கு முன்னால் முதல் பாகத்தை ரீ-ரிலீஸ் செய்யவும் படக்குழு முடிவு செய்துள்ளதாக கூறப்படுகிறது.
அதேசமயம் படமானது தென்னிந்திய சினிமாவில் முதல்முறையாக 4dx தொழில்நுட்பத்தில் வெளியாகவுள்ளதாக தெரிவிக்கப்பட்டுள்ளது. இதன்மூலம் நாம் திரையில் காணும் காட்சிகளின் உணர்வுகளை நாம் இருக்கையில் அமர்ந்தபடி உணர முடியும்.ஏற்கனவே பொன்னியில் செல்வன் படத்தின் முதல் பாகம் ஐமேக்ஸ் தொழில்நுட்பத்தில் வெளியாகியிருந்தது குறிப்பிடத்தக்கது.