Pathu Thala First Single Glimpse Video: வெளியானது 'நம்ம சத்தம்' கிளிம்ப்ஸ் வீடியோ... ஏ.ஆர். ரஹ்மான் குரலில் 'பத்து தல' பர்ஸ்ட் சிங்கிள்..

நடிகர் சிலம்பரசன் நடித்துள்ள பத்து தல படத்தின் ஃபர்ஸ்ட் சிங்கிள் ”நம்ம சத்தம்” பாடலின் கிளிம்ப்ஸ் வீடியோ தற்போது வெளியாகியுள்ளது. 

பத்து தல ஃபர்ஸ்ட் சிங்கிள் - நம்ம சத்தம் கிளிம்ப்ஸ் வீடியோ

தமிழ் சினிமாவின் முன்னணி நடிகராக உள்ள சிலம்பரசன் தற்போது பத்து தல படத்தில் நடித்து வருகிறார். சில்லுனு ஒரு காதல், நெடுஞ்சாலை ஆகிய படங்களை இயக்கிய கிருஷ்ணா இப்படத்தை இயக்குகிறார். இந்த படம் கன்னட படமான மஃப்டியின் ரீமேக் ஆகும். ஸ்டுடியோ கிரீன் நிறுவனத்தின் சார்பில் ஞானவேல் ராஜா இப்படத்தை தயாரிக்கிறார். மேலும் இந்த படத்தில் கௌதம் கார்த்திக், பிரியா பவானி ஷங்கர் ஆகியோர் நடிக்க ஏ.ஆர்.ரஹ்மான் இசையமைக்கிறார்.

சிம்பு பர்த்டே ஸ்பெஷல் :

கடந்த டிசம்பர் மாதம் 'பத்து தல' திரைப்படம் வெளியாகும் என கூறப்பட்ட நிலையில் படப்பிடிப்பு முடியாத காரணத்தால் ரிலீஸ் தேதி ஒத்திவைக்கப்பட்ட தற்போது மார்ச் 30ம் தேதி வெளியாகும் என அறிவித்துள்ளது ஸ்டுடியோ கிரீன் நிறுவனம். அந்த வகையில் நடிகர் சிம்புவின் பிறந்தநாள் நாளை பிப்ரவரி 3ம் தேதி கொண்டாடப்படுவதை முன்னிட்டு பத்து தல படத்தின் ஃபர்ஸ்ட் சிங்கிள் பாடலான "நம்ம சத்தம்" பாடலை நாளை வெளியிட திட்டமிட்டுள்ளனர் படக்குழுவினர். பாடலாசிரியர் விவேக் எழுதியுள்ள இந்த பாடலை இசைப்புயல் ஏ.ஆர்.ரஹ்மான் பாடியுள்ளார்.

Get ready for a Peppy-Trendy-Fresh musical from Isaipuyal @arrahman

Here's the glimpse of #NammaSatham, First Single from @SilambarasanTR_ @Gautham_Karthik starrer #PathuThala releasing tomorrow 12.06AM @SonyMusicSouthhttps://t.co/gaKorJiM0D pic.twitter.com/5zCVapnBi7

— Studio Green (@StudioGreen2) February 2, 2023

ஃபர்ஸ்ட் சிங்கிள் கிளிம்ப்ஸ் :

பத்து தல படத்தின் முதல் பாடலான ”நம்ம சத்தம்” என தொடங்கும் பாடல் பிப்ரவரி 3 ஆம் தேதி நண்பகல் 12.06 மணிக்கு வெளியாகும் என நேற்று தெரிவித்து இருந்தார் ஏ.ஆர்.ரஹ்மான். அதனை தொடர்ந்து "நம்ம சத்தம்" பாடலின் கிளிம்ப்ஸ் வீடியோவை தற்போது வெளியிட்டுள்ளனர் படக்குழுவினர். முழுப்பாடல் சிம்புவின் பிறந்தநாளான நாளை வெளியாகும். இந்த கிளிம்ப்ஸ் வீடியோ சிம்பு ரசிகர்களுக்கு ஒரு விருந்தாக அமைந்துள்ளது. 

 

சிம்புவின் மாஸ் ரீ-என்ட்ரி :

நீண்ட இடைவெளிக்குப் பின் நடிகர் சிலம்பரசன் தொடர்ந்து படங்களில் நடித்து வருகிறார். கடந்த 2021 ஆம் ஆண்டு நவம்பரில் சிம்பு நடிப்பில் வெளியான மாநாடு படம் வெளியானது. இதையடுத்து, கடந்தாண்டு ஹன்சிகா முதன்மை வேடத்தில் நடித்த மஹா படத்தில் சிறப்பு தோற்றத்திலும், இதனை தொடர்ந்து கௌதம் மேனன் இயக்கத்தில் வெந்து தணிந்தது காடு படத்தில் ஹீரோவாகவும் சிம்பு நடித்திருந்தார். இதில் வெந்து தணிந்தது காடு படம் சிம்புவுக்கு சிறப்பான வெற்றியை கொடுத்தது என்பது குறிப்பிடத்தக்கது. அந்த வெற்றியை தொடர்ந்து பத்து தல திரைப்படம் ஹாட்ரிக் வெற்றி கொடுக்கும் என்பது ரசிகர்களின் எதிர்பார்ப்பு.