'Pasanga' Kishore : நான்கு வயது மூத்த சீரியல் நடிகையை கரம்பிடிக்கும் 'பசங்க' கிஷோர்; ஆச்சரியத்தில் ரசிகர்கள்! 

பசங்க படத்தில் அன்பு என்ற கதாபாத்திரத்தில் குழந்தை நட்சத்திரமாக நடித்த கிஷோர் தனது காதலியான சீரியல் நடிகையை இன்ஸ்டாகிராம் மூலம் அறிமுகம் செய்துள்ளார். விரைவில் இவர்களுக்கு டும் டும் டும்.

பசங்க கிஷோர் சீரியல் நடிகை மீது காதல்

 

2009ம் ஆண்டு குழந்தை நட்சத்திரமாக தமிழ் சினிமாவில் அறிமுகமான கிஷோர் தன்னை விடவும் நான்கு வயது மூத்த காதலியை சோசியல் மீடியாவில் அறிமுகப்படுத்தி திருமணம் குறித்து அப்டேட்டும் கொடுத்துள்ளார். 

 

தேசிய விருது பெற்ற சிறுவன் :

2009ம் ஆண்டு சசிகுமாரின் தயாரிப்பில் இயக்குனர் பாண்டியராஜ் இயக்கத்தில் சூப்பர் ஹிட் திரைப்படமாக வெற்றி பெற்ற திரைப்படம் 'பசங்க'; பசங்களை மையமாக வைத்து எடுக்கப்பட்ட இப்படம் ரசிகர்கள் மத்தியில் நல்ல வரவேற்பை பெற்றது. அப்படத்தில் அன்புக்கரசு என்ற கதாபாத்திரத்தில் நடித்த சிறுவன் கிஷோருக்கு சிறந்த குழந்தை நட்சத்திரத்துக்கான தேசிய விருது கிடைத்தது. இப்படத்தை தொடர்ந்து விஜய் மில்டன் இயக்கத்தில் வெளியான கோலி சோடா படத்தில் நடித்த பிறகு, 6 அத்தியாயம், வஜ்ரம், ஹவுஸ் ஓனர், சகா போன்ற பல தமிழ் படங்களிலும் புள்ளி, துரோகி போன்ற தெலுங்கு திரைப்படங்களிலும் நடித்துள்ளார். 

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Preethi Kumar (@preethikumar_official)

 

காதலில் விழுந்த 'பசங்க' ஹீரோ அன்பு :

நடிப்பின் மீது இருந்த ஆர்வத்தால் கல்லூரி படிப்பை பாதியிலேயே கைவிட்டு நடிப்பில் முழு கவனத்தையும் செலுத்தி வந்த நடிகர் கிஷோர் சோசியல் மீடியாவில் எப்போதுமே ஆக்டிவ். சமீபத்தில் கிஷோர் இன்ஸ்டா போஸ்ட் மூலம் தனது காதலியை அறிமுகப்படுத்தியுள்ளார். கிஷோரின் காதலி வேறு யாரும் இல்லை; அனைவருக்கும் மிகவும் பரிட்சயமான சீரியல் நடிகை தான்; விஜய் டிவியின் ஆபீஸ் சீரியல் மூலம் அறிமுகமான ப்ரீத்தி குமார் தான் கிஷோரின் காதலி. அதனை தொடர்ந்து தெய்வம் தந்த வீடு, லட்சுமி கல்யாணம், வானத்தை போல, கேளடி கண்மணி, கோபுரங்கள் சாய்வதில்லை போன்ற சீரியல் மூலம் சின்னத்திரை ரசிகர்கள் மத்தியில் மிகவும் பிரபலமானார்.

 

 

 

 

 

 

View this post on Instagram

 

 

 

 

 

 

 

 

 

 

 

A post shared by Kishore Shanthi Dhinakaran (@ksd_offl)

 

இன்ஸ்டா மூலம் திருமண அப்டேட் :

ப்ரீத்திக்கு இன்ஸ்டாகிராம் மூலம் பிறந்தநாள் வாழ்த்துக்களை தெரிவித்துள்ள நடிகர் கிஷோர் "நமது திருமண நாளை எதிர்பார்த்து காத்திருக்கிறேன். அடுத்த ஆண்டு நாம் இருவரும் கணவன் மனைவியாக சேர்ந்து பிறந்தநாளை கொண்டாடுவோம். லவ் யூ அச்சோமா!!! என பதிவிட்டு இருந்தார். பசங்க படத்தில் மிகவும் புத்திசாலியான அன்பு பையனுக்கு கல்யாண வயசு வந்துடுச்சா என ஆச்சரியத்தில் இருக்கிறார்கள் ரசிகர்கள். 

மேலும் சீரியல் நடிகையான ப்ரீத்தி குமார், கிஷோரை விடவும் நான்கு வயது மூத்தவர் என்பது குறிப்பிடத்தக்கது; விரைவில் திருமணம் நடக்கவிருப்பதால் இந்த காதல் ஜோடிக்கு அட்வான்ஸ் திருமண வாழ்த்துக்களை தெரிவித்து வருகிறார்கள் அவர்களின் ரசிகர்கள்.