Thangalaan 3rd Single : மீண்டும் பாடகரான விக்ரம்! 'தங்கலான்' படத்தின் அறுவடை பாடலால் ரசிகர்கள் குஷி

Thangalaan 3rd Single : 'தங்கலான்' படத்தின் மூன்றாவது சிங்கிள் பாடலான 'அறுவடை' பாடல் விக்ரம் குரலில் வெளியாகியுள்ளது.

தங்கலான் 3வது சிங்கிள்

Source : social media

 

 பா. ரஞ்சித் இயக்கத்தில் நடிகர் விக்ரம் நடித்துள்ள திரைப்படம் 'தங்கலான்'. ஸ்டுயோ கிரீன் நிறுவனத்தின் தயாரிப்பில் உருவாகியுள்ள இப்படத்தில் பசுபதி, பார்வதி திருவோத்து, மாளவிகா மோகனன் உள்ளிட்டோர் முக்கிய கதாபாத்திரத்தில் நடித்துள்ளனர். வரும் ஆகஸ்ட் 15ம் தேதி வெளியாக இருக்கும் இப்படத்தின் ப்ரோமோஷன் பணிகளில் படக்குழுவினர் மிகவும் மும்மரமாக ஈடுபட்டுள்ளனர்.

 

 

சுதந்திர போராட்டகாலகட்டத்தில் கோலார் தங்க வயல் பகுதிகளில் நடைபெற்ற உண்மை சம்பவங்களை அடிப்படையாக கொண்டு உருவாகியுள்ள இப்படத்திற்கு மிகவும் வித்தியாசமாக இசையமைத்துள்ளார் இசையமைப்பாளர் ஜி.வி. பிரகாஷ். இப்படத்தின் ஃபர்ஸ்ட் சிங்கிள் பாடலான 'மினுக்கி மினுக்கி' பாடல் மற்றும் செகண்ட் சிங்கிள் பாடலான 'தங்கலானே' பாடல்கள் ஏற்கனவே வெளியாகி மக்களின் கவனம் பெற்றன. 

அதன் தொடர்ச்சியாக 'தங்கலான்' படத்தின் மூன்றாவது பாடலான 'அறுவடை...' பாடலை படக்குழு வெளியிட்டுள்ளது.  அறுவடை சமயத்தில் விவசாயிகள் அலுப்பு தெரியாமல் இருக்க, பாட்டு பாடி கொண்டே அறுவடை செய்வார்கள். அப்படி அறுவடை செய்து கொண்டே காதலியை பார்த்து பாடும் வகையில் 'தங்கலான்' படத்தின் இப்பாடல் அமைந்துள்ளது. இப்பாடலை நடிகர் விக்ரம், சிந்தூரி விஷால், சுகந்தி, மதிச்சயம் பாலா உள்ளிட்டோர் இணைந்து பாடியுள்ளனர். நடிகர் விக்ரம் இப்பாடலை பாடியுள்ளது ரசிகர்களை மத்தியில் பாடலுக்கான வரவேற்பை மேலும் பெற்றுள்ளது. 

 

The Rhythm of our Roots 💚

Listen to #Aruvadai from #Thangalaan ▶️
Composed by @gvprakashhttps://t.co/zQmOFwRsRF #ThangalaanFromAug15 @Thangalaan @chiyaan @GnanavelrajaKe @StudioGreen2 @OfficialNeelam @parvatweets @MalavikaM_ @NehaGnanavel @Dhananjayang @KvnProductions… pic.twitter.com/V79k5v4CW5

— pa.ranjith (@beemji) August 12, 2024

ஓ போடு, எக்ஸ்க்யூஸ் மி, மியாவ் மியாவ் உள்ளிட்ட ஏராளமான சூப்பர்ஹிட் பாடல்களை பாடியுள்ள நடிகர் விக்ரம் குரலில் நீண்ட நாட்களுக்கு பிறகு தங்கலான் படத்தின் அறுவடை பாடல் வெளியாகி உள்ளதால் விக்ரம் ரசிகர்கள் உற்சாகம் அடைந்துள்ளனர்.