Vicky-Nayan Portrait: 'அவளும் நானும்' நயன் சிவனுக்கு கிடைத்த அன்பு பரிசு.. சர்ப்ரைஸ் கொடுத்த நயன்தாரா..

நயன்தாரா தனது ட்விட்டர் பக்கத்தில் விக்னேஷ் சிவனுடன் இருக்கும் புகைப்படம் ஒன்றை வெளியிட்டுள்ளார். அந்த புகைப்படம் தற்போது சமூக வலைதளங்களில் படு வைரலாகி வருகிறது. 

நயன்தாரா- விக்னேஷ் சிவன்

தமிழ் சினிமாவில் 15 ஆண்டுகளுக்கு மேலாக முன்னணி நடிகையாக இருப்பவர் நடிகை நயன்தாரா. ரஜினி, அஜித், விஜய், சூர்யா உள்ளிட்ட முன்னணி நடிகர்களுக்கு ஜோடியாக நடித்துள்ள இவர், பெண்களுக்கு முக்கியத்துவம் கொடுக்கும் கதாபாத்திரத்தில் நடித்து லேடி சூப்பர் ஸ்டார் என்ற பட்டத்தையும் பெற்றார். தமிழ் மட்டுமல்லாமல், தெலுங்கு, மலையாள படங்களிலும் நடித்து தென்னிந்திய ரசிகர்களை தன்பக்கம் இழுத்து கட்டிப்போட்டுள்ளார். 

இவரும் இயக்குநர் விக்னேஷ் சிவனும் காதலித்து வருகின்றனர். இவர்களுக்கு நிச்சயதார்த்தம் நடந்துவிட்டதாக ஒரு நிகழ்ச்சி ஒன்றில் நயன்தாராவே தெரிவித்திருந்தார். ஆனால் திருமணம் தொடர்பான செய்திகள் வெளிவரவே இல்லை. 

நடிகை நயன்தாராவும், விக்னேஷ் சிவனும் கடந்த 7 வருடங்களுக்கு மேலாக காதலித்து வருகின்றனர். பரஸ்பர மரியாதையுடன் காதலித்து வரும் இவர்கள், சினிமாவிலும் ஒன்றிணைந்து படங்களை தயாரிப்பது, படங்களை வாங்கி விநியோகம் செய்தல் உள்ளிட்டவற்றில் ஈடுபட்டு வருகின்றனர்.

இவைத்தவிர வெளிநாடுகளுக்கு டூர் சென்று ஸ்டில்களை தட்டிவிடும் இந்த ஜோடி, அவ்வப்போது கோயில்களுக்கு செல்வதும் வழக்கமாக கொண்டு அங்கு எடுக்கப்படும் புகைப்படங்களையும் தங்களது இன்ஸ்டாகிராம் மற்றும் ட்விட்டர் பக்கத்தில் வெளியிட்டு வந்தனர். இந்தநிலையில், நயன்தாரா தனது ட்விட்டர் பக்கத்தில் விக்னேஷ் சிவனுடன் இருக்கும் புகைப்படம் ஒன்றை வெளியிட்டுள்ளார். அந்த புகைப்படம் தற்போது சமூக வலைதளங்களில் படு வைரலாகி வருகிறது. 

நயன்தாரா ஷேர் செய்த அந்த புகைப்படத்தில் விக்னேஷ் சிவன் மற்றும் நயன்தாரா ஒன்றாக இருப்பது போலவும், அவரது கைகளில் இவர்கள் இருவரும் ஒன்றாக அமர்ந்து இருப்பது போன்ற ஓவியம் ஓன்று இடம் பெற்று இருந்தது. மேலும், அந்த ஓவியத்தில்' அவளும் நானும்' என்ற வாக்கியமும் இடம் பெற்று இருந்தது. 

💝 #VikkyNayan pic.twitter.com/bEOAYtWIrI

— Nayanthara✨ (@NayantharaU) March 18, 2022

தொடர்ந்து, அந்த புகைப்படத்தின் கீழ் #VikkyNayan என்ற ஹாஸ்டாக்கையும் பதிவு செய்துள்ளார் நயன்தாரா. முன்னதாக, காதலர் தினத்தின்போது விக்னேஷ் சிவர் தனது இன்ஸ்டா பக்கத்தில், 'காத்துவாக்குல ரெண்டு காதல்' படத்தில் நயன்தாராவிற்காக எழுதிய "நான் பிழை நீ மழலை" பாடலையும் இணைத்து இருந்தார். 

 

 

 

 

 

View this post on Instagram

 

 

 

 

 

 

 

 

 

 

 

A post shared by Vignesh Shivan (@wikkiofficial)

அதில், முதலில் விக்னேஷ் சிவனை பார்த்து குழந்தை போல் குதித்து ஓடிவந்த நயன்தாரா, கையில் இருந்த பூங்கொத்தை விக்னேஷிடம் கொடுத்து கட்டிப்பிடிக்கிறார். தற்போது, விக்னேஷ் சிவன் வெளியிட்ட வீடியோ இணையத்தில் வேகமாக வைரலாகி வந்தது. 

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூட்யூபில் வீடியோக்களை காண