Watch video : நானியின் 31வது படத்தின் டைட்டில் இதுதான்... மாஸான க்ளிம்ஸ் வீடியோவுடன் அதிகாரபூர்வமான அறிவிப்பை வெளியிட்ட படக்குழு  

Nani 31st movie : நானி நடிக்கும் 31வது படத்தின் அதிகாரபூர்வமான டைட்டிலை வெளியிட்டது படக்குழு. 

சூர்யாவின் சனிக்கிழமை

தெலுங்கு சினிமாவின் மாஸ் நடிகராக விளங்கும் நடிகர் நானி தவிர்க்க முடியாத நடிகர்களில் ஒருவராக வளம் வருகிறார். தனது தனித்துவத்தை நிரூபிக்கும் வகையில் படங்களை தேர்வு செய்து அதில் அசத்தலான நடிப்பை வெளிப்படுத்தி ஏராளமான தெலுங்கு சினிமா ரசிகர்களை கவர்ந்த நடிகர் நானி தமிழ் சினிமா ரசிகர்கள் மத்தியிலும் மிகவும் பிரபலமானவர். 

 

நானியின் 31வது பட டைட்டில் :

நான் ஈ, வெப்பம் படங்களின் மூலம் தமிழ் ரசிகர்களின் கவனம் பெற்றார்.  நானி - கீர்த்தி சுரேஷ் நடிப்பில் சமீபத்தில் வெளியான தசரா திரைப்படம் கிட்டத்தட்ட 100 கோடி வரை வசூல் செய்து டோலிவுட் திரையுலகில் சாதனை படைத்தது. அதன் வெற்றியை தொடர்ந்து மாஸான அடுத்த படத்தில் கமிட்டாகி உள்ளார். நானி நடிப்பில் வெளியான ‘அந்தே சுந்தரானிகி’ படத்தை இயக்கிய இயக்குநர் விவேக் ஆத்ரேயா உடன் மீண்டும் கூட்டணி சேர்கிறார்.

 

டிவி வி என்டர்டெயின்மென்ட்ஸ் நிறுவனத்தின் கீழ் டிவிவி தனய்யா மற்றும் கல்யாண் தாசரி தயாரிக்கும் இப்படம் தெலுங்கில் ‘சரிபோதா சனிவாரம்’ (Saripodhaa Sanivaaram) என்ற பெயரில் உருவாகி வருகிறது. இப்படம் தமிழில் ‘சூர்யாவின் சனிக்கிழமை’ என்ற பெயரில் வெளியாகும் என்ற அறிவிப்பினை பட குழு வெளியிட்டுள்ளது. 

வில்லனாகும் எஸ்.ஜே. சூர்யா :

நானி நடிப்பில் உருவாகும் இப்படத்தில் அவருக்கு ஜோடியாக நடிகை பிரியங்கா மோகனும், வில்லனாக நடிகர் எஸ்.ஜே. சூர்யாவும் நடிக்க உள்ளனர். நானி நடிக்கும் 31வது படத்தின் அதிகாரபூர்வமான அறிவிப்பு நேற்று வெளியானதை தொடர்ந்து இன்று படத்தின் டைட்டிலை வெளியிட்டுள்ளது படக்குழு. மேலும் படத்தின் படு மாஸான க்ளிம்ஸ் வீடியோ ஒன்றையும் வெளியிட்டுள்ளனர். பர்ஸ்ட் லுக் போஸ்டரும் வெளியாகி ரசிகர்களின் கவனம் பெற்றுள்ளது. இப்படத்துக்கு ஜேக்ஸ் பிஜாய் இசையமைக்கிறார். 

 

அதிரடி ஆக்ஷன் படம் :

2022ம் ஆண்டு நானி நடிப்பில் விவேக் ஆத்ரேயா இயக்கத்தில் வெளியான ‘அந்தே சுந்தரானிகி’ ஒரு கலக்கலான காமெடி கலந்த ரொமான்டிக் படமாக சூப்பர் ஹிட் வெற்றி பெற்றது. அதனை தொடர்ந்து இந்த கூட்டணி தற்போது ‘சூர்யாவின் சனிக்கிழமை’ என்ற பெயரில் அதிரடி ஆக்ஷன் படத்தில்  இணைந்துள்ளதால் படம் குறித்த எதிர்பார்ப்பு மக்களிடையே இப்போதில் இருந்தே அதிகரித்து வருகிறது. இப்படம் தமிழ், தெலுங்கு உள்ளிட்ட நான்கு  மொழிகளில் வெளியாக உள்ளது. 

நடிகர் நானி நடிப்பில் வரும் டிசம்பர் 7ம் திரையரங்குகளில் வெளியாக உள்ளது ‘ஹாய் நான்னா’ திரைப்படம். அடுத்தடுத்து படங்களை கொடுத்து தனது ரசிகர்ககளை உற்சாக படுத்தி வருகிறார் டோலிவுட் மாஸ் ஹீரோ நானி.