மீண்டும் வைரலாகும் அனிருத் காவியா மாறன் திருமணம் பற்றிய தகவல்..இந்த முறை கன்ஃபர்மாம்!
இசையமைப்பாளர் அனிருத் மற்றும் சன்ரைஸர்ஸ் ஹைதராபாத் அணியின் உரிமையாள காவ்யா மாறன் விரைவில் திருமணம் செய்துகொள்ள இருப்பதாக இணையத்தில் தகவல்கள் வெளியாகி வருகின்றன
அனிருத் காவ்யா மாறன் இருவரும் காதலித்து வருவதாக சில வருடங்களாக தகவல்கள் வெளியாகி வருகின்றன. தனது திருமணம் குறித்த வதந்திகளை அனிருத் தொடர்ச்சியாக மறுத்துவந்துள்ளார். தற்போது கூடிய விரைவில் அனிருத் மற்றும் காவ்யா மாறன் திருமணம் செய்துகொள்ள இருப்பதாக் சமூக வலைதளத்தில் தகவல்கள் வைரலாகி வருகின்றன. இந்த முறை திருமணம் குறித்த தகவல் கிட்டதட்ட உறுதி என சினிமா வட்டாரங்களில் பேசப்படுகிறது.
இந்திய சினிமாவின் முன்னணி இசையமைப்பாளராக வலம் வருபவர் அனிருத் ரவிச்சந்திரன். இளையராஜா , ஏ.ஆர் ரஹ்மான் போன்ற இசை ஜாம்பவான்களைத் தொடர்ந்து கோடிக்கணக்கான ரசிகர்கள் கொண்டாடும் இசையமைப்பாளர் என்று அனிருத்தை சொல்லலாம். தற்போதைய நிலைப்படி இந்திய சினிமாவில் அதிகம் சம்பளம் வாங்கும் இசையமைப்பாளரும் இவர்தான். அனிருத் சராசரியாக ஒரு படத்திற்கு 10 முதல் 12 கோடிவரை சம்பளமாக பெற்று வருகிறார். ரஜினியின் ஜெயிலர் 2 , தலைவர் 173 , ரஜினி கமல் இணைந்து நடிக்கும் படம் , தெலுங்கில் அல்லு அர்ஜூன் நடிக்கும் படம் , இந்தியில் ஷாருக் கான் நடிக்கும் கிங் என இந்திய சினிமாவின் உச்ச நட்சத்திரங்களின் படங்களுக்கு இசையமைத்து வருகிறார்.
காவ்யா மாறனுடன் திருமணம்
அனிருத்தின் பாடல்களைப் போலவே அவருடைய தனிப்பட்ட வாழ்க்கையும் பரவலாக வைரலாகின்றன. பின்னணி பாடகி ஆண்டிரியாவுடன் அனிருத் சில காலம் காதல் உறவில் இருந்து வந்தார். இருவரும் முத்தமிட்டுக்கொள்ளும் புகைப்படங்கள் இணையத்தில் கசிந்து வைரலாகின. வயது வித்தியாசம் காரணமாக இந்த காதல் உறவு நீடிக்கவில்லை. மற்றொரு பின்னணி பாடகியான ஜோனிதா காந்தியும் அனிருத்தும் காதலித்து வருவதாக அவ்வப்போது சில தகவல்கள் வெளியாகி வருகின்றன.
அனிருத் மற்றும் சன் பிக்க்சர்ஸ் உரிமையாளர் கலாநிதி மாறனின் மகள் காவ்யா மாறன் காதலித்து வருவதாகவும் இருவருக்குமான திருமண பேச்சுவார்த்தை நடைபெற்று வருவதாகவும் கடந்த ஆண்டு தகவல் வெளியாகி காட்டுத்தீப்போல் பரவியது. சன் பிக்ச்சர்ஸ் தயாரித்த பீஸ்ட் , ஜெயிலர் , கூலி , டிசி , ஜெயிலர் 2 ஆகிய பெரும்பாலான படங்களுக்கு அவர் இசையமைத்துள்ளார். காவ்யா மாறன் நிர்வகிக்கும் சன்ரைஸர்ஸ் ஹைதராபாத் அணியின் டீம் பாடலுக்கு அனிருத் இசையமைத்துள்ளார். இப்படி இருவரும் காதலிப்பதாக வெளியான வதந்திகளை நம்பும் விதமாக பல்வேறு காரணிகள் அமைந்தன. ஆனால் அனிருத் தனது திருமண குறித்து வெளியான தகவல்களை வதந்திகள் என திட்டவட்டமாக எக்ஸ் பக்கத்தில் மறுத்தார்.
தற்போது மறுபடியும் அனிருத் காவ்யா மாறன் திருமணம் குறித்த தகவல்கள் இணையத்தில் பரவி வருகின்றன. கடந்த முறை இல்லாமல் இந்த முறை கூடிய விரைவில் இருவரும் திருமணன் செய்துகொள்ள இருக்கிறார்கள் என சினிமா வட்டாரங்களில் கூறப்படுகிறது.
தலைப்பு செய்திகள்
ட்ரெண்டிங் செய்திகள்
