![ABP Premium](https://cdn.abplive.com/imagebank/Premium-ad-Icon.png)
Marakkar Trailer Out: ஒரு நேர்மையான போராளி குற்றவாளியா? மாஸ் காட்டும் மரைக்காயர் ட்ரைலர்!
மரைக்காயர் படத்தின் மலையாள ட்ரைலர் ஏற்கனவே வெளியாகி அனைத்து தரப்பு மக்களையும் கவர்ந்தநிலையில், தற்போது இந்த படத்தின் தமிழ் ட்ரைலர் வெளியாகியுள்ளது.
![Marakkar Trailer Out: ஒரு நேர்மையான போராளி குற்றவாளியா? மாஸ் காட்டும் மரைக்காயர் ட்ரைலர்! Marakkar Trailer out, mohanlal keerthy suresh marakkar starring marakkar arabikadalinte simham trailer released - Watch Marakkar Trailer Out: ஒரு நேர்மையான போராளி குற்றவாளியா? மாஸ் காட்டும் மரைக்காயர் ட்ரைலர்!](https://feeds.abplive.com/onecms/images/uploaded-images/2021/11/30/b49107efb08208a7270c91edcf31ccad_original.jpg?impolicy=abp_cdn&imwidth=1200&height=675)
மலையாளத் திரையுலகில் மிகப் பெரிய பொருட் செலவில் உருவாகியிருக்கும் திரைப்படம் மரைக்காயர். பிரபல இயக்குநர் பிரியதர்ஷன் இயக்கத்தில் உருவாகியிருக்கும் இந்தப்படத்தில் முக்கிய கதாபாத்திரங்களாக மஞ்சு வாரியர், கீர்த்தி சுரேஷ், சுனில் ஷெட்டி, பிரபு, அர்ஜுன், ப்ரணவ் மோகன்லால், கல்யாணி பிரியதர்ஷன் உள்ளிட்ட பல நட்சத்திரங்கள் நடித்துள்ளனர்.
ஆங்கிலேயர்களை எதிர்த்து முதலில் கடற்படையை உருவாக்கிய குன்ஹாலி மரைக்காயரின் உண்மைக்கதையை தழுவி இப்படம் உருவாகியுள்ளது. முன்னதாக இந்தப் படத்தை ஓடிடியில் வெளியிட திட்டமிட்டிருந்த படக்குழு பின்னர் படத்தை திரையரங்குகளில் வெளியிட முடிவெடுத்தது. இந்தப் படத்திற்கு சிறந்த ஆடை வடிவமைப்பு, சிறந்த படம், சிறந்த கிராஃபிக்ஸ் உள்ளிட்ட பிரிவுகளில் தேசிய விருது அறிவிக்கப்பட்டது.
அண்மையில் கூட நடிகர்கள் அஜித் மற்றும் விஜய்சேதுபதி ஆகியோர் ‘மரைக்காயர்’ படப்பிடிப்பு தளத்தில் பங்குபெற்றனர். இது தொடர்பான வீடியோக்கள் இணையதளங்களில் வைரலானது.
இந்த நிலையில் தற்போது கீர்த்தி சுரேஷ் தனது இன்ஸ்டாகிராம் பக்கத்தில் வெளியிட்ட புகைப்படங்கள் சமூக வலைதளங்களில் வைரலாகி வருகிறது.
![Marakkar: Keerthy Suresh shares inspiration of her looks as Aarcha from Mohanlal film](https://feeds.abplive.com/onecms/images/uploaded-images/2021/11/30/73710a644c098a00500f5d7903b24767_original.jpg?impolicy=abp_cdn&imwidth=720)
இந்தநிலையில், மரைக்காயர் படத்தின் மலையாள ட்ரைலர் ஏற்கனவே வெளியாகி அனைத்து தரப்பு மக்களையும் கவர்ந்தநிலையில், தற்போது இந்த படத்தின் தமிழ் ட்ரைலர் வெளியாகியுள்ளது. ட்ரைலரின் தொடக்கத்தில் ஆங்கிலேயர்களின் கைப்பிடியில் சிக்கித்தவிக்கும் எளிய மக்களை காப்பாற்ற, ஒரு தலைவன் அவனே மரைக்காயர்.
இப்படி ஒரு நேர்மையான போராளி எப்படி ஒரு குற்றவாளி ஆனாங்கனு தெரியல...? என்று உதிக்கும் வார்த்தையில் இருந்து குஞ்சாலி என்ற அழைப்பில் உதிக்கிறார் மரைக்காயர் கதாபாத்திரத்தில் மோகன்லால். தெறிக்கும் இசையுடன் மோகன்லால், கீர்த்திசுரேஷ், அசோக் செல்வன் என்று ஒவ்வொரு கதாபாத்திரத்தையும் வெளிப்படுத்தும் விதம் அந்த கால காட்சியை கண்முன் நிறுத்துகிறது.
மிக பெரிய எதிர்பார்ப்பின் நடுவில் மரைக்காயர் என்னும் அரபிக்கடலின் சிங்கம் நிச்சயம் அனைத்து திரையரங்குகளையும் ஆட்கொள்ளும். மரைக்காயர் திரைப்படம் வருகின்ற டிசம்பர் 2 ம் தேதி வெளியாகும் என படக்குழு வெளியிட்டது குறிப்பிடத்தக்கது.
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
![ABP Premium](https://cdn.abplive.com/imagebank/metaverse-mid.png)
![வினய் லால்](https://cdn.abplive.com/imagebank/editor.png)