தற்கொலையில் இருந்து காப்பாற்றிய நபரின் பெயரை வைத்துக்கொண்டேன்...கே.ஜி.எஃப் இசையமைப்பாளர் பகிர்ந்த தகவல்

வாழ்க்கையின் மீது நம்பிக்கை இல்லாமல் தனது 18 வயதில் இருமுறை தற்கொலை செய்துகொள்ள முயற்சித்ததாக கே.ஜி.எஃப் பட இசையமைப்பாளர் ரவி பஸ்ருர் தெரிவித்துள்ளார்

ரவி பஸ்ருர்

Source : X

கே.ஜி.எஃப் படத்தில் தனது இசை மூலமாக ஏராளமான ரசிகர்களை கவர்ந்தவர் கன்னட இசையமைப்பாளர் ரவி பஸ்ருர்.கே.ஜி.எஃப்  2 , மார்கோ , சலார் , தற்போது யாஷ் நடித்துள்ள டாக்ஸிக் போன்ற பான் இந்திய படங்களுக்கு தொடர்ச்சியாக இசையமைத்து வருகிறார். இவர் தற்போது தெலுங்கில் வெளியாக இருக்கும் கல்ட் திரைப்படத்திற்கு அவர் இசையமைத்துள்ளார். இந்த படத்தின் பத்திரிகையாள சந்திப்பில் தன்னைபற்றி பகிர்ந்துகொண்டார். 

தற்கொலையில் இருந்து காப்பாற்றிய நபர் 

வாழ்க்கையின் மீது நம்பிக்கை இழந்து  தனது 18 வயதில் இரண்டு முறை தற்கொலைக்கு முயற்சி செய்ததாகவும் ஆனால் ரவி என்கிற ஒரு மனிதர் தனது வாழ்க்கையை மாற்றியதாகவும் அவர் தெரிவித்தார். " இந்த பூமி எனக்கானது இல்லை என நான் இரண்டு முறை இறந்து போக நினைத்திருக்கிறேன். இரண்டாம் முறை தற்கொலை செய்துகொள்ள முயன்றபோது ஒரு மனிதர் எனக்கு உதவி செய்தார். நான் வேலை செய்வேன் ஆனால் என்னிடம் கீபோர்டு வாங்க காசு இல்லை என்று அவரிடம் சொன்னேன். அந்த நபர்  என் கையில் 35 ஆயிரம் பனமும் ஒரு கீபோர்டும் கொடுத்தார். ரவி என்கிற அவரது பெயரை என் முதல் பெயராக வைத்துக்கொண்டேன். நான் இறப்பது வரை இந்த பெயர் என்னுடன் இருக்கும் " என்று ரவி பஸ்ருர் கூறினார். 

At the age of 18, I tried to suicide 2 times with no hope. Then a man named Ravi gave me a keyboard and 35K. I took his name as my first name making it #RaviBasrur

- Ravi Basrur emotional story at #Cult Teaser launch

pic.twitter.com/9vKyAoTSZJ

— 𝐁𝐡𝐞𝐞𝐬𝐡𝐦𝐚 𝐓𝐚𝐥𝐤𝐬 (@BheeshmaTalks) February 21, 2026

(தற்கொலை என்பது எந்தவொரு பிரச்னைக்கும் தீர்வு கிடையாது. மன அழுத்தம் ஏற்பட்டாலோ அல்லது தற்கொலை செய்துக் கொள்ளும் எண்ணம் உண்டானாலோ ஆலோசனைக்கு தொடர்பு கொள்ள வேண்டிய எண்கள்: சினேகா தற்கொலை தடுப்பு உதவி மையம் - 044 -24640050 , மாநில தற்கொலை தடுப்பு உதவி மையம் - 104, சமூக நீதி மற்றும் அதிகாரமளித்தல் அமைச்சகத்தின் ஹெல்ப்லைன் – 1800 599 0019)