Watch Video : இனி என்கிட்ட நீங்க அதைப்பத்தி கேட்டா? இதுதான் உங்கள் நிலைமை..! வீடியோ போட்டு மிரட்டிய அஞ்சு குரியன்!
நடிகை அஞ்சு குரியன் தமிழ், மலையாளம் மற்றும் தெலுங்கு படங்களில் நடித்துள்ளார். தமிழில் நிறைய படங்களில் நடிக்கவில்லை என்றாலும் அஞ்சு குரியனுக்கு தமிழில் ஏராளமான ரசிகர்கள் உண்டு.
நடிகை அஞ்சு குரியன் தமிழ், மலையாளம் மற்றும் தெலுங்கு படங்களில் நடித்துள்ளார். தமிழில் நிறைய படங்களில் நடிக்கவில்லை என்றாலும் அஞ்சு குரியனுக்கு தமிழில் ஏராளமான ரசிகர்கள் உண்டு. அவரது சமூக ஊடகங்களான இன்ஸ்டாகிராம் பக்கத்திலும் ஏராளமான ரசிகர்கள் பின்தொடர்கிறார். இவரது இன்ஸ்டாகிராம் பக்கத்தில் அவ்வபோது இவர் அட்டகாசமான போட்டோஷூட்கள் மற்றும் ரீல் வீடியோக்களால் வெளியிடுவார். அதுவும் இணையத்தை ஒரு கலக்கு கலக்கும்.
சமீபத்தில் இயக்குநர் லோகேஷ் கனகராஜ் இயக்கத்தில் நடிகர் கமல்ஹாசன் நடிப்பில் வெளியான விக்ரம் திரைப்படம் நல்ல வரவேற்பை பெற்றது. அதிலும் குறிப்பாக ஏஜென்ட் டீனா கதாபாத்திரம் அதிகமாக பேசப்பட்டது. அந்த ஏஜென்ட் டீனா கதாபாத்திரம் பெயர் பெற்றதே சண்டைக்காட்சிகளால் தான். அதை தற்போது நடிகை அஞ்சு குரியன் ரீல்ஸ் செய்து வீடியோ ஒன்றை தனது இன்ஸ்டாகிராம் பக்கத்தில் வெளியிட்டுள்ளார்.
அந்த வீடியோவில் அடுத்தமுறை என் பெற்றோர்கள் முன்பு யாராவது உனக்கு திருமணம் எப்போது என்று கேட்டால் இதுதான் நிலைமை என்று ஏஜென்ட் டீனா சண்டைக்காட்சியை இணைத்துள்ளார். தற்போது இந்த வீடியோ இணையத்தில் படு வைரலாகி வருகிறது.
View this post on Instagram
யார் இந்த அஞ்சு குரியன்..?
அல்போன்ஸ் புத்திரன் இயக்கிய ‘நேரம்’ படத்தில் சிறிய வேடத்தில் நடித்து மலையாள திரையுலகில் அறிமுகமானவர் அஞ்சு குரியன். அவர் பல இசை ஆல்பங்கள் மற்றும் குறும்படங்களிலும் நடித்துள்ளார். ஒருசில படங்களிலேயே, அஞ்சு குரியன் கவனத்தை ஈர்த்து, தனது பாத்திரங்களின் மூலம் பார்வையாளர்களின் இதயங்களில் ஒரு தனி இடத்தை உருவாக்கினார். சத்யன் அந்திகாட் இயக்கிய ‘ஞன் பிரகாசன்’ படத்தில் இவரது கதாபாத்திரம் ரசிகர்கள் மத்தியில் பெரும் வரவேற்பைப் பெற்றது. ‘ஞன் பிரகாசன்’ படத்தில் அவர் நடிகர் ஃபஹத் பாசிலுடன் நடித்தார். அதேபோல், நிவின் பாலி மற்றும் நஸ்ரியா நடிப்பில் வெளியான 'ஓம் சாந்தி ஓஷானா' படத்திலும், திலீப் நடித்த 'ஜாக் & டேனியல்' திரைப்படத்தில் ஒரு முக்கிய கதாபாத்திரத்தில் நடித்தார்.
தொடர்ந்து, தமிழ் மற்றும் மலையாள படங்களில் அஞ்சு குரியன் நடித்து வந்தாலும், இவர் இன்ஸ்டாகிராம் பக்கத்தில் வெளியிடும் போட்டோஷூட்கள் மற்றும் ரீல் வீடியோக்களை பார்க்கவே ஒரு கூட்டம் அலை மோதும்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
