Watch Video: என்னது... விக்ரம் இல்லையா? துருவுக்கு பிடித்த ஹீரோ இவர்தானாம்....
விக்ரம், விஜய் ஆகியோர் நல்ல நண்பர்கள் என்பது கோலிவுட் ரசிகர்களுக்கு தெரிந்திருக்கும். தனக்கென தனி ரசிகர் பட்டாளத்தை கொண்டவர் விக்ரம்.
விக்ரம் மற்றும் அவரது மகன் த்ருவ் விக்ரம் ஆகியோரது நடிப்பில் உருவாகி வெளியாகி இருக்கும் படம் ‘மஹான்’. கார்த்திக் சுப்பராஜ் இயக்கிய இப்படம் திரையரங்குகளில் வெளியாகாமல் ஓடிடி தளத்தில் வெளியானது. படத்தை பார்த்த ரசிகர்களிடம் இருந்து கலவையான விமர்சனம் வந்திருக்கும் நிலையில், துருவ் விக்ரமின் திறமையான நடிப்பிற்கு அனைவரும் பாராட்டுகளை தெரிவித்து வருகின்றனர்.
இந்நிலையில், துருவிற்கு பிடித்த கோலிவுட் நடிகர் யார் என்பது தொடர்பான பழைய வீடியோ ஒன்று சமூக வலைதளத்தில் வைரலாகி வருகிறது. 2019-ம் ஆண்டு கல்லூரி விழா ஒன்றில் கலந்து கொண்ட துருவ் விக்ரம், கல்லூரி மாணவ மாணவிகளின் கேள்விக்கு பதிலளித்துள்ளார். அப்போது கேட்கப்பட்ட ஒரு கேள்வியில், “நீங்க தல ரசிகரா, தளபதி ரசிகரா?” என கேட்க, துருவ் அதற்கு பதிலளித்திருக்கிறார். “உண்மையை சொல்லனும்னா, நான் தளபதி ரசிகன்” என அவர் சொல்ல, அரங்கமே அதிர்ந்தது.
வீடியோவை காண:
#Anna University College Function
— Ganesh*** || Beast (@itsMersalGanesh) September 16, 2019
Students : Neega Thalapathy fan ah Illa Ajith fan ah
Dhruv Vikram : Na Honest Sollanum na #Thalapathy fan 😍🔥@TFC_0ff @ramk8060 @VijayFansTrends #Bigil pic.twitter.com/Of3riJmMvO
விக்ரம், விஜய் ஆகியோர் நல்ல நண்பர்கள் என்பது கோலிவுட் ரசிகர்களுக்கு தெரிந்திருக்கும். தனக்கென தனி ரசிகர் பட்டாளத்தை கொண்டவர் விக்ரம். அவரை தொடர்ந்து சினிமாவில் அறிமுகமாகி இருக்கும் துருவ், இரண்டு படங்களே நடித்திருந்தாலும் தனது தனித்துவமான நடிப்பால் கவனத்தை ஈர்த்திருக்கிறார். ‘தளபதி ரசிகன்’ என்பதை வெளிப்படுத்தி இருக்கும் துருவ், தமிழ் சினிமாவில் சிறப்பான கதாப்பாத்திரங்களை ஏற்று நடிக்க வேண்டும் என கோலிவுட் ரசிகர்கள் வாழ்த்துகளை தெரிவித்து வருகின்றனர்.
விக்ரம் - துருவ் காம்போவில் உருவான மஹான் திரைப்படத்தை செவன் ஸ்கிரீன் ஸ்டூடியோஸ் சார்பில் லலித் தயாரித்துள்ளார். சந்தோஷ் நாராயணன் இசையமைத்துள்ளார். மேலும் இந்த படத்திற்கு ஷ்ரேயஸ் கிருஷ்ணா ஒளிப்பதிவு செய்துள்ளார். விவேக் ஹர்ஷன் படத்தொகுப்பு செய்துள்ளார். படத்தை அமேசான் ப்ரைம் ஓடிடி தளத்தில் காணலாம்.
மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்
ABP நாடு செய்திகளை சமூக வலைத்தள பக்கங்களிலும் பின் தொடரலாம்
தலைப்பு செய்திகள்
ட்ரெண்டிங் செய்திகள்
