(Source: ECI/ABP News/ABP Majha)
உலகத்தை ஆளப்போறான்... என்ன மனுஷன்டா.. என்னய்யா பண்ணியிருக்கீங்க... மாதவன் புகழ்ந்து தள்ளிய சூப்பர்ஸ்டார்
விக்ரம் வேதா திரைப்பட ஷூட்டிங் தற்போது மும்பையில் நடைபெற்று வரும் நிலையில் ஷூட்டிங் தளத்துக்கு சர்ப்ரைஸ் விசிட் செய்துள்ளார் நடிகர் மாதவன்.
தமிழில் மாதவன் விஜய் சேதுபதி நடித்து புஷ்கர் காயத்ரி இயக்கத்தில் 2017ல் வெளியான விக்ரம் வேதா திரைப்படம். இந்தியில் தற்போது ரீமேக் ஆகி வருகிறது. இந்தியில் சைஃப் அலிகானும் ஹ்ரித்திக் ரோஷனும் இணைந்து நடிக்கின்றனர். திரைப்பட ஷூட்டிங் தற்போது மும்பையில் நடைபெற்று வரும் நிலையில் ஷூட்டிங் தளத்துக்கு சர்ப்ரைஸ் விசிட் செய்துள்ளார் நடிகர் மாதவன். அதுகுறித்த புகைப்படத்தை தனது சமூக வலைத்தளத்தில் பகிர்ந்துள்ளார்.
Totally Blown with what you guys have done in terms of the mounting of this film.. @iHrithik looks like he is going to rule the World ❤️❤️🤗🤗🙏🙏.. what an attitude and look man . Phew .. This one one has “historic” & “ legendary” written all over it bro. ❤️❤️ https://t.co/axRZiV248f
— Ranganathan Madhavan (@ActorMadhavan) October 21, 2021
'நீங்கள் உருவாக்கியிருப்பதைப் பார்த்து நான் வாயடைத்துப் போனேன். ஹ்ரித்திக் ரோஷன் மிகச் சிறப்பாக நடித்து வருகிறார். அவரது ஆட்டிட்டியூட்டும் லுக்கும் மிகச் சிறப்பாக உள்ளது.இந்தப் படம் வரலாற்றுச்சிறப்புமிக்கதாக இருக்கப் போகிறது' எனக் குறிப்பிட்டுள்ளார். கடைசியாக ஹ்ரித்திக் ரோஷனும் ஃசைப் அலிகானும் ‘நா தும் ஜானே நா ஹம்’ படத்தில் ஒன்றாக இணைந்து நடித்தனர்.
மாதவன் இந்தி ரீமேக்கில் நடிக்கிறாரா என்பது குறித்து எவ்விதத் தகவலும் வெளியிடப்படவில்லை. இந்தியில் இந்தப் படத்தை நீரஜ் பாண்டே தயாரிக்கிறார். தமிழில் இயக்கிய புஷ்கர் காயத்ரி இந்தியிலும் இந்தப் படத்தை இயக்குகின்றனர்.
தமிழில் விக்ரம் வேதா சூப்பர் ஹிட் அடித்த நிலையில் இந்தியில் அந்தத் திரைப்படத்துக்கு பெரிய அளவிலான வரவேற்பு இருக்கும் என எதிர்பார்க்கப்படுகிறது. முன்னதாக, விக்ரம் வேதா சூட்டிங் தளத்திலிருந்து சில புகைப்படங்களை ஹ்ரித்திக் ரோஷன் தனது இன்ஸ்டாகிராம் தளத்தில் பகிர்ந்திருந்தது குறிப்பிடத்தக்கது.சுமார் இரண்டு வருடங்களுக்குப் பிறகு தான் சூட்டிங் தளத்துக்குச் செல்வதாக அவர் அதில் பகிர்ந்திருந்தார்.
View this post on Instagram
தலைப்பு செய்திகள்
ட்ரெண்டிங் செய்திகள்
