கெஞ்சி கேட்கிறேன் நீதி வாங்கி குடுங்க..முதல்வர் ஸ்டாலினிடம் முறையிட்ட ஜாய் கிரிஸில்டா

மாதம்பட்டி ரங்கராஜ் மீது புகாரளித்து 10 நாட்கள் கடந்துள்ள நிலையில் இதுவரை இந்த புகாரின் அடிப்படையில் எந்த வித நடவடிக்கையும் எடுக்கப்படவில்லை என ஜாய் கிரிஸில்டா வேதனை தெரிவித்துள்ளார்

மாதம்பட்டி ரங்கராஜ் , ஜாய் கிரிஸில்டா

Source : Twitter

சமையல் கலைஞர் மாதம்பட்டி ரங்கராஜ் தன்னை திருமணம் செய்து ஏமாற்றியதாக ஜாய் கிரிஸில்டா கடந்த வாரம் புகாரளித்தார். இந்நிலையில் புகாரளித்து 10 நாட்கள் கடந்துள்ள நிலையில் இதுவரை இந்த புகாரின் அடிப்படையில் எந்த வித நடவடிக்கையும் எடுக்கப்படவில்லை என ஜாய் கிரிஸில்டா வேதனை தெரிவித்துள்ளார். தனக்கும் தன் குழந்தைக்கும் நீதி வாங்கி தரும் படி முதலமைச்சர் முக ஸ்டாலினை குறிப்பிட்டு அவர் எக்ஸ் தளத்தில் பதிவிட்டுள்ளார்

முதல்வரிடம் கெஞ்சிய ஜாய் கிரிஸில்டா

"சென்னை நகர ஆணையரிடம் நான் புகார் அளித்து 10 நாட்கள் ஆகிறது. பிரபல சமையல்காரரும் நடிகருமான திரு. மாதம்பட்டி ரங்கராஜ் என்னை ஏமாற்றி திருமணம் செய்து கர்ப்பம் தரித்தார். இப்போது நான் ஏழு மாத கர்ப்பிணியாக இருக்கிறேன். இந்த நிலையில்  நான் பார்வையற்ற என்  தாயுடன் கமிஷனர் அலுவலகத்திற்கு நேரில் சென்றேன். எனது புகாரின் நிலை என்னவென்று எனக்குத் தெரியவில்லை. இதற்கிடையில், திரு. மாதம்பட்டி ரங்கராஜுக்கு விஐபி சிகிச்சை அளிக்கப்படுகிறது, மேலும் அவர் எனக்கு எதிராக அநாகரீகமான, ஆபாசமான அவதூறு பரப்பும் விதமாக  பெற்ற சமூக ஊடக பிரச்சாரத்தை கட்டவிழ்த்து விடுகிறார். #அப்பா, உங்கள் அரசாங்கத்தை என்னைப் போன்ற துரதிர்ஷ்டவசமான பெண்கள் நம்புகிறார்கள். தலையிட்டு நீதி வழங்குமாறு நான் உங்களிடம் கைகூப்பி மன்றாடுகிறேன். எந்தவொரு விஐபியும் ஒரு பிரபலமும் பெண்களுக்கு எதிராக இதுபோன்ற குற்றத்தைச் செய்து, எந்த நடவடிக்கையும் எடுக்காமல் சுற்றித் திரிய முடியுமா? என் பிறக்காத குழந்தைக்கும் எனக்கும் நீதி வேண்டும்." என அவர் இந்த கடிதத்தில் தெரிவித்துள்ளார்.

Justice for my unborn child.#Appa @CMOTamilnadu @chennaipolice_ @tnpoliceoffl @ArunIPSCOP
It’s been 10 days since I submitted a complaint to the Chennai city commissioner, narrating how celebrity chef and actor Mr. Madhampatti Rangaraj cheated and deceived me into MARRIAGE…

— Joy Crizildaa (@joy_stylist) September 8, 2025