Maaveeran : வாயை கொடுத்து வாங்கிக்கொண்ட ப்ளூ சட்டை மாறன்.. மாவீரன் தயாரிப்பாளர் அருண் விஸ்வா கொடுத்த பதில்

மாவீரன் திரைப்படத்தை குறித்து மீம் ஒன்று பகிர்ந்த ப்ளூ சட்டை மாறன், படத்தின் தயாரிப்பாளரான அருண் விஸ்வாவிடம் சரியான பதிலடியைப் பெற்றார்

மாவீரன், ப்ளூ சட்டை மாறன். image source: twitter

மடோன் அஸ்வின் இயக்கத்தில் சிவகார்த்திகேயன் நடிப்பில் உருவாகியிருக்கும் திரைப்படம் மாவீரன்.  அதிதி ஷங்கர், சரிதா, யோகி பாபு, மிஸ்கின் ஆகியவர்கள் இந்தப் படத்தில் நடித்திருக்கிறார்கள். கடும் சிக்கல்களுக்கு நடுவில் அண்மையில் இந்தப் படத்தின் டிரைலர் வெளியாகி ரசிகர்களிடம் நல்ல வரவேற்பைப் பெற்றுள்ளது. வரும் ஜூலை 14-ஆம் தேதி வெளியாக இருக்கிறது. இந்நிலையில் திரைப்படம் விமர்சகரான ப்ளூ சட்டை மாறன் படம் குறித்து பகிர்ந்த ஒரு மீம் படக்குழுவினரை பயங்கரமாக சீண்டியுள்ளது. இதற்கு மாவீரன் படத்தின் தயாரிப்பாளர் அருண் விஸ்வா கொடுத்த பதில் தற்போது இணையதளத்தில் வைரலாகி வருகிறது.

பளூ சட்டை மாறன் பகிர்ந்த மீம்

வரும் ஜூலை 14-ஆம் தேதி மாவீரன் திரைப்படம் வெளியாக இருக்கும் நிலையில் இரண்டு நாள் முன்னதாக ஜூலை 12-ஆம் தேதி டாம் குரூஸ் நடித்துள்ள மிஷன் இம்பாசிபள் திரைப்படம் வெளியாக இருக்கிறது.

இந்தப் படத்திற்கான முதல் நாள் ஐ மேக்ஸ் காட்சிகளுக்கான முன்பதிவு நிறைந்து வருகிறது. இந்தத் தகவலை தனது ட்விட்டர் பக்கத்தில் பகிர்ந்த ப்ளூ சட்டை மாறன் தேசிங்கு ராஜா படத்தில் வரும் காமெடியான ”குறுக்க இந்த கெளசிக் வந்தா” என்கிற டெம்ப்ளேட்டை பகிர்ந்துள்ளார்.

மாவீரன் இம்மாதம் 14 அன்று வெளியாகும் நிலையில்... 12 ஆம் தேதி டாம் க்ரூஸ் நடித்த Mission Impossible வெளியாகிறது.

முதல் நாளுக்கான IMAX முன்பதிவு நிரம்பி வருகிறது.

'குறுக்க இந்த கௌஷிக் வந்தா?' மொமன்ட். pic.twitter.com/U5eHpV8mhm

— Blue Sattai Maran (@tamiltalkies) July 4, 2023

தயாரிப்பாளர் அருண் விஸ்வாவின் பதில்

யாரும் பார்க்கபோவதில்லை என்கிற தைரியத்தில் ப்ளூ சட்டை போட்ட இந்த பதிவு மாவீரன் படத்தின் தயாரிப்பாளரான அருண் விஸ்வா அவர்களின் கண்களில் பட்டுள்ளது. இதற்கு பதிலளிக்கு முடிவு செய்த அருண் ப்ளூ சட்டைக்கு சரியான ஒரு பதிலடியைக் கொடுத்துள்ளார். ” வணக்கம் சார். நான் அருண் விஸ்வா . மாவீரன் படத்தின் தயாரிப்பாளர். எனக்கு என் படம்தான் மிஷன் இம்பாசிபள், அவதார், ஆர்.ஆர்.ஆர் எல்லாமே. உங்க வயசுக்கு நீங்க இந்த பிக் ஷேர் செய்திருக்க வேண்டாம் “ என்று  பதிலளித்துள்ளார் அருண் விஸ்வா.

Vanakkam sir,
I am Arun Viswa,Maaveeran padathoda producer sir!
Enakku en padamdhan sir Mission impossible,Avatar,RRR Ellamae! Unga vayasukku IPdi oru pic share panni neenga idha pannirukka venam sir!#Maaveeran https://t.co/Jc9uOvzdlJ

— arun Viswa (@iamarunviswa) July 4, 2023

தேவையா கோபி இது நமக்கு என்பதுதான் ப்ளூ சட்டை மாறனுக்கு, சிவா ரசிகர்கள் கொடுக்கும் அட்வைஸ்.