Coolie : 38 வருடங்களுக்குப் பிறகு ரஜினியுடன் இணைந்த சத்யராஜ்... கூலி பட லுக் இதோ

Coolie Characters Reveal : லோகேஷ் கனகராஜ் இயக்கத்தில் ரஜினிகாந்த் நடிக்கும் கூலி படத்தின் கேரக்டர்களின் பெயர்களை படக்குழு வெளியிட்டு வருகிறது

கூலி , சத்யராஜ்

Source : Twitter

கூலி

லோகேஷ் கனகராஜ் இயக்கத்தில் ரஜினிகாந்த்  நடிக்கும் படம் கூலி. சன் பிக்சர்ஸ் இப்படத்தை தயாரிக்கிறது. அனிருத் இசையமைக்கிறார். கிரீஷ் கங்காதரன் இப்படத்திற்கு ஒளிப்பதிவு செய்கிறார். கூலி படத்தில் நடிக்கும் கதாபாத்திரங்களின் பெயர்களை வெளியிடுவதாக நேற்று அறிவிக்கப்பட்ட நிலையில் தற்போது படத்தின் ஒரு கேரக்டரை படக்குழு வெளியிட்டுள்ளது

செளபின் சாஹிர்

அதன்படி, மலையாள நடிகர் செளபின் சாஹிர் இப்படத்தில் நடிக்கவுள்ளார். இவரது கதாபாத்திரத்தின் பெயர் தயால். மலையாளத்தில் வெளியான கும்பலங்கி நைட்ஸ் , ரோமான்ச்சம் , மஞ்சுமெல் பாய்ஸ் உள்ளிட்ட படங்களில் நடித்து தமிழ் ரசிகர்களின் கவனத்தை ஈர்த்த செளபின் கூலி படத்தின் வழியாக தமிழுக்கு அறிமுகமாகிறார். இப்படத்தில் இவர் வில்லனாக நடித்திருப்பார் என்று எதிர்பார்க்கப்படுகிறது

நாகர்ஜூனா

Introducing @iamnagarjuna as Simon, from the world of #Coolie 🔥😎

Wishing the versatile performer King #Nagarjuna a Happy Birthday!💥@rajinikanth @Dir_Lokesh @anirudhofficial @anbariv pic.twitter.com/AvI6qmUMnT

— Sun Pictures (@sunpictures) August 29, 2024

அடுத்தப்படியாக தெலுங்கு நடிகர் நாகர்ஜூனா கூலி படத்தில் இணைந்துள்ளார். இவரது கேரக்டரின் பெயர் சிமோன்.

ஸ்ருதி ஹாசன்

Kicked to have @shrutihaasan joining the cast of #Coolie as #Preethi 💥💥

Welcome on board 🔥🔥@rajinikanth sir @anirudhofficial @anbariv @girishganges @philoedit @Dir_Chandhru @sunpictures @PraveenRaja_Off pic.twitter.com/nYgZIFCJcK

— Lokesh Kanagaraj (@Dir_Lokesh) August 30, 2024

செளபின் சாஹிர் மற்றும் நாகர்ஜூனாவைத் தொடர்ந்து நடிகை ஸ்ருதி ஹாசன் கூலி படக்குழுவில் இணைந்துள்ளார். முன்னதாக ஸ்ருதிஹாசன் இயக்கிய இனிமேல் பாடலில் லோகேஷ் கனகராஜ் நடித்திருந்தார். தற்போது லோகேஷ் கனகராஜ் இயக்கத்தில் ஸ்ருதிஹாசன் நடிக்க இருப்பது எதிர்பார்ப்புகளை அதிகரித்துள்ளது.

சத்யராஜ்

அடுத்தபடியாக இப்படத்தில் சத்யராஜின் கதாபாத்திரம் வெளியிடப்பட்டுள்ளது. தம்பிக்கு எந்த ஊரு, மூன்று முகம், நான் சிகப்பு மனிதன், மிஸ்டர் பாரத், பாயும் புலி உள்ளிட்ட படங்களில் ரஜினிக்கு வில்லனாக நடித்துள்ளார் சத்யராஜ். தற்போது கிட்டத்தட்ட 38 வருடங்களுக்குப் பிறகு ரஜினியும் சத்யராஜூம் இணைந்து நடிக்க இருக்கிறார்கள்.