LEO Update: ’ரெடியா?’ .. ஒற்றை வார்த்தையால் ரசிகர்களை சூடேற்றிய லோகேஷ்.. லியோ அப்டேட் கன்ஃபார்ம்..!

நடிகர் விஜய் நடிக்கும் லியோ படத்தின் அப்டேட் வெளியாக உள்ளதை இயக்குநர் லோகேஷ் கனகராஜ் சூசகமாக வெளிப்படுத்தியுள்ளார். 

லோகேஷ் கனகராஜ் - நடிகர் விஜய்

நடிகர் விஜய் நடிக்கும் லியோ படத்தின் அப்டேட் வெளியாக உள்ளதை இயக்குநர் லோகேஷ் கனகராஜ் சூசகமாக வெளிப்படுத்தியுள்ளார். 

மாஸ்டர் படத்திற்குப் பிறகு இயக்குநர் லோகேஷ் கனகராஜூடன் நடிகர் விஜய் 2வது முறையாக ‘லியோ’ படத்தில் இணைந்துள்ளார். இந்த படத்தில் த்ரிஷா, சஞ்ஜய் தத், சாண்டி மாஸ்டர், இயக்குநர்கள் கெளதம் மேனம், மிஷ்கின், பிரியா ஆனந்த், அர்ஜுன், மன்சூர் அலிகான்,மேத்தியு தாமஸ்,ஜோஜூ ஜார்ஜ் என ஏகப்பட்ட நட்சத்திரங்கள் நடித்துள்ளனர். செவன் ஸ்க்ரீன் பேனரில் லலித்குமார் இந்தப்  படத்திற்கு அனிருத் இசையமைக்கிறார். ஒளிப்பதிவாளராக மனோஜ் பரமஹம்சா, சண்டைப் பயிற்சியாளராக அன்பறிவ், எடிட்டிங் ஃபிலோமின் ராஜ் உள்ளிட்டோரும் பணியாற்றுகின்றனர். 

லியோ படத்தின் முதற்கட்ட படப்பிடிப்பு காஷ்மீரிலும், இரண்டாம் கட்ட படப்பிடிப்பு சென்னையிலும் நடைபெற்றது. படமானது டைட்டில் வெளியானபோதே வரும் அக்டோபர் 19 ஆம் தேதி வெளியாகும் என தெரிவிக்கப்பட்டிருந்தது. இன்னும் 4 மாதங்களே உள்ள நிலையில், அடுத்தடுத்து அப்டேட்டுகள் வெளியாகும் என எதிர்பார்க்கப்படுகிறது. இதனிடையே வரும் ஜூன் 22 ஆம் தேதி விஜய் பிறந்தநாள் வருகிறது.

அன்றைய தினம் ரசிகர்களுக்கு ட்ரீட் ஆக லியோ படத்தின் அப்டேட் ஒன்று வெளியாகவுள்ளதாக தகவல் வெளியாகியிருந்தது. இதனை தனது சமூக வலைத்தளப்பக்கத்தின் மூலம் இயக்குநர் லோகேஷ் கனகராஜூம் உறுதிப்படுத்தியுள்ளார். அவர் தனது ட்வீட்டில் ‘ரெடியா?’ என கேட்டுள்ளார். இதனால் லியோ படத்தின் அப்டேட் என்னவாக இருக்கும் என்ற கேள்வி எழுந்துள்ளது. அதேசமயம் அப்டேட் என்னவாக இருந்தாலும் எங்களுக்கு பிறந்தநாள் ட்ரீட் தான் என ரசிகர்கள் மகிழ்ச்சியடைந்துள்ளனர்.

முன்னதாக கடந்த சில நாட்களுக்கு முன்பு லியோ படத்தின் டீசர் விஜய் பிறந்தநாள் அன்று வெளியாகும் என கூறப்பட்டது. இந்த டீசரானது  நடிகர் கமல்ஹாசனின் பின்னணி குரலில் இருக்கும் எனவும் சொல்லப்பட்டது. இதனால் ஒட்டுமொத்த சினிமாவும் பெரும் எதிர்ப்பாப்பை லியோ படக்குழு மீது வைத்தது.  அதேசமயம் இதே நாளில் வெங்கட்பிரபு இயக்கத்தில் விஜய் நடிக்கவுள்ள ‘தளபதி 68 ‘ படத்தின் அப்டேட் வெளியாகும் என சொல்லப்படுவதால் இந்த முறை டபுள் ட்ரீட் உறுதியாகியுள்ளது.