Kavin Monicka Reception: வெளியானது நடிகர் கவின் - மோனிகா ரிசப்ஷன் போட்டோஸ்: பிரபலங்கள் யாரெல்லாம் போயிருக்காங்க பாருங்க!

நடிகர் கவின்- மோனிகா தம்பதியின் கலர்புல் ரிசப்ஷன் போட்டோஸ் வெளியாகியுள்ளது. முக்கிய பிரபலங்கள் நேரில் சென்று வாழ்த்தி உள்ளனர்.

கவின் ரிசப்ஷன் புகைப்படம்

நடிகர் கவின் மோனிகா திருமணம் கடந்த 20-ஆம் தேதி நடைபெற்றது. இவர்கள் காதலித்து வந்த நிலையில் இரு வீட்டார் சம்மதத்துடன் திருமணம் செய்து கொண்டனர்.  சமீபத்தில் அவர்களின் திருமண வரவேற்பு நிகழ்ச்சியும் நடைபெற்றது. ஏற்கனவே கவினின் திருமண புகைப்படங்கள் வெளியாகி ரசிகர்களின் வாழ்த்துக்களையும் லைக்சையும் குவித்த நிலையில் தற்போது ரிசப்சஷன் போட்டோக்கள் வெளியாகி உள்ளன.

கவினின் ரிசப்ஷனுக்கு திரையுலகின் பிரபலங்கள் பலரும் நேரில் சென்று வாழ்த்து தெரிவித்துள்ளனர். இயக்குனர்கள் லோகேஷ் கனகராஜ், நெல்சன், நடிகர் ஹரிஷ் கல்யாண், நீயா நானா கோபிநாத் உள்ளிட்ட பலரும் நேரில் சென்று வாழ்த்து தெரிவித்தனர். இது தொடர்பான புகைப்படங்கள் வெளியாகி உள்ளன.

கடந்த சில வாரங்களுக்கு முன்பு கவினுக்கு விரைவில் மோனிகா எனும் பெண்ணுடன் திருமணம் நடைபெற உள்ளதாக இணையத்தில் செய்திகள் வைரலானது. அதே போன்று  ஆகஸ்ட் 20-ஆம் தேதி இவர்களின் திருமணம் நடைபெற்றது. சென்னையில் நெருங்கிய நண்பர்கள், உறவினர்கள் சூழ இவர்களது திருமணம் நடைபெற்ற நிலையில் இவர்களின் திருமண புகைப்படங்கள் இணையத்தில் வெளியாகி லைக்ஸ் அள்ளியது. 

தனியார் தொலைக்காட்சியில் கனா காணும் காலங்கள்,  சரவணன் மீனாட்சி ஆகிய சீரியல்களில் கவின் நடித்திருந்தார்.  முதலில் சின்னத்திரையில் முத்திரை பதித்த கவின் பின் பிக்பாஸ் நிகழ்ச்சியில் கலந்து கொண்டார். இதன் மூலம் இவர் ஏராளமான ரசிகர்களை பெற்றார். அபோது சக போட்டியாளரான லாஸ்லியாவும் கவினும் காதலிப்பதாக கிசுகிசுக்கப்பட்டன. இந்நிகழ்ச்சி முடிந்ததும் இருவரும் அவர் அவர் வேலையை பார்க்க தொடங்கி விட்டனர். 

இதனையடுத்து கவின் வெள்ளித்திரையில் நுழைந்தார். இவர் முதன் முதலில் பீட்சா திரைப்படத்தில் சிறப்புத் தோற்றத்தில் நடித்திருந்தார். பின் இன்று நேற்று நாளை சத்ரியன் ஆகிய திரைப்படங்களிலும் நடித்தார்.  ஆனால் கவின் ஹீரோவாக நடித்து வெளியான லிப்ட் திரைப்படம் தான் கவினை அனைவரும் திரும்பி பார்க்க வைத்த திரைப்படம். முதல் படமே த்ரில்லர் திரைப்படமாக ரசிக்க கூடிய வகையில் அமைந்தது. 

அதனைத் தொடர்ந்து வெளியான டாடா படம் கோலிவுட் வட்டாரத்தில் கவின் நல்ல நடிகர் என்ற அங்கீகாரத்தைப் பெற்று தந்தது. ஒரு பாசமிகு தந்தையாக பாஸ் மார்க் வாங்கினார் கவின்.  சொல்லப்போனால் கவினின் கரியரில் டாடா ஒரு முக்கிய திரைப்படம்மாக மாறி உள்ளது.  இந்த படம் ரசிகர்கள் மத்தியில் சிறப்பான வரவேற்பை பெற்றது குறிப்பிடத்தக்கது. 

மேலும் படிக்க