Leo Third Single: விஜய் - த்ரிஷாவின் அன்பான குடும்பம்.. நாளை வெளியாகும் ‘லியோ’ மூன்றாவது பாடல்!

முன்னர் வெளியான இரண்டு பாடல்களும் ஹீரோயிசம் பொங்க விஜய்யை மையப்படுத்தி இருந்த நிலையில், இந்தப் பாடல் குடும்பப் பாடலாக இருக்கும் என எதிர்பார்க்கப்படுகிறது.

லியோ மூன்றாவது பாடல்

லியோ திரைப்படத்தின் மூன்றாவது பாடலான அன்பெனும் பாடல் நாளை வெளியாகும் எனத் தெரிவிக்கப்பட்டுள்ளது.

மூன்றாவது சிங்கிள்

வரும் அக்.19ஆம் தேதி லியோ திரைப்படம் வெளியாகும் நிலையில், கோலிவுட் தற்போதே திருவிழாக் கோலம் பூண்டத் தொடங்கியுள்ளது.  நடிகர் விஜய் - லோகேஷ் இரண்டாம் முறை இணைந்துள்ள லியோ திரைப்படத்தின் மீதான எதிர்பார்ப்பு உச்சக்கட்டத்தை அடைந்துள்ள நிலையில், படம் பற்றிய தொடர் அப்டேட்கள், நேர்க்காணல்கள் என முழு வீச்சில் ப்ரொமோஷன் பணிகள் நடைபெற்று வருகின்றன.

அதன்படி தற்போது லியோ படம் பற்றிய சூப்பட் அப்டேட் வெளியாகியுள்ளது. நா ரெடி, Bad Ass என இரண்டு பாடல்கள் லியோ படத்தில் இருந்து ஏற்கெனவே வெளியான நிலையில், தற்போது மூன்றாவது பாடலான 'அன்பெனும்' பாடல் நாளை வெளியாகும் என அதிகாரப்பூர்வமாக அறிவிக்கப்பட்டுள்ளது.

இதற்கு முன்னர் வெளியான இரண்டு பாடல்களும் ஹீரோயிசம் பொங்க விஜய்யை மையப்படுத்தி இருந்த நிலையில், இந்தப் பாடல் குடும்பப் பாடலாக இருக்கும் என எதிர்பார்க்கப்படுகிறது.

 

The world of sheer, pure and unending love! ❤️#Anbenum the magical #LeoThirdSingle from TOMORROW! 🥰#Thalapathy @actorvijay sir @Dir_Lokesh @trishtrashers @anirudhofficial @7screenstudio @Jagadishbliss #Leo #LeoFromOctober19 pic.twitter.com/7wD455Ikv2

— Sony Music South (@SonyMusicSouth) October 10, 2023

இந்நிலையில் இதுகுறித்து படக்குழு அதிகாரப்பூர்வமாக அறிவித்துள்ளது.  லியோ திரைப்படத்தில் மொத்தம் 5 பாடல்கள் இருப்பதாக தன் சமீபத்திய நேர்க்காணலில் லோகேஷ் கனகராஜ் தெரிவித்திருந்தார். மேலும் ஐ ஆம் ஸ்கேர்ட் எனும் பாடல் லியோ ஆல்பத்திலேயே தன் ஃபேவரைட் என்றும் லோகேஷ் தெரிவித்திருந்தார்.

அதேபோல், லியோ படத்தில் தன் முந்தைய படங்களில் இருந்து மாறுபட்டு ரொமாண்டிக் பாடல் ஒன்று இடம்பெற்றுள்ளதாகவும் லோகேஷ் தெரிவித்திருந்தார்.

இந்தி பாடல் இன்ஸ்பிரேஷன்

தன் சமீபத்திய நேர்க்காணல்களில் படம் பற்றிய அப்டேட்களை லோகேஷ் அள்ளி வீசி வருகிறார். அதில் நா ரெடி பாடலை இந்தியில் அமிதாப் - ரஜினி நடித்த ஹம் படத்தில் இடம்பெற்ற ‘ஜூம்மா சும்மா’ பாடலை பார்த்து இன்ஸ்பயராகி எடுத்துள்ளதாகத் தெரிவித்துள்ளார். வழக்கமாக 90களின் பிரபல பாடல்களை தன் படங்களில் மீண்டும் இடம்பெறச் செய்து வைப் செய்வதை லோகேஷ் வாடிக்கையாகக் கொண்டுள்ளார்.

அந்த வகையில், மாஸ்டர் படத்தில் ‘கருத்த மச்சான்’, கைதி படத்தில் ‘ஆசை அதிகம் வச்சு’, விக்ரம் படத்தில் ‘சக்கு சக்கு வத்திக்குச்சு’ ஆகிய பாடல்கள் இடம்பெற்றிருந்தன. இந்நிலையில் தற்போது கோலிவுட்டில் இருந்து பாலிவுட்டுக்கு பயணித்துள்ளார் லோகேஷ்!

லியோ பட ரிலீஸ் நாளில் விடியற்காலை, மற்றும் நள்ளிரவு காட்சிகள் என எதுவும் அனுமதிக்கப்படாத நிலையில், அக்.19ஆம் தேதிக்கு முன்பாக 18ஆம் தேதி மாலை மற்றும் இரவு பிரீமியர் காட்சிகள் ரசிகர்களுக்காக இருக்கலாம் என கடந்த சில நாள்களாக தகவல்கள் பரவி வருகின்றன. லியோ திரைப்படத்துக்கு யு / ஏ சான்றிதழ் வழங்கப்பட்டுள்ள நிலையில், படம் மீதான எதிர்பார்ப்பு நாளுக்கு நாள் அதிகரித்து வருகிறது.