மேலும் அறிய

தலைமுடி வியாபாரத்தின் இருண்ட பக்கம்! வெற்றியின் ‘பிளாக் கோல்டு’ எப்படி?

வெற்றி நடிப்பில் தலைமுடி வணிகத்தின் பின்னணியில் உருவாகியுள்ள ‘பிளாக் கோல்டு’ திரைப்படம் எப்படி இருக்கிறது? திரை விமர்சனம்.

தங்கம், வைரம், போதைப்பொருள் கடத்தல் எனப் பல்வேறு பின்னணிகளில் கிரைம் திரில்லர் திரைப்படங்கள் வெளியாகியுள்ளன. அந்த வரிசையில், கோயில்களில் காணிக்கையாகச் செலுத்தப்படும் தலைமுடியின் சர்வதேச வணிகத்தையும், அதன் பின்னால் இயங்கும் மாஃபியா கும்பல்களையும் மையமாக வைத்து வெளியாகியுள்ள திரைப்படம் ‘பிளாக் கோல்டு’.

வெற்றி, லிவிங்ஸ்டன், பிரியாலயா உள்ளிட்டோர் நடித்துள்ள இப்படத்தை தீரன் அருண்குமார் இயக்கியுள்ளார். எம்.எம். ஸ்டூடியோஸ் சார்பில் மூர்த்தி தயாரித்துள்ளார். கவாஸ்கர் அவினாஸ் இசையமைத்துள்ளார். சுமார் இரண்டு மணி நேரம் ஓடக்கூடிய இப்படம் ஆக்‌ஷன், கிரைம் திரில்லர் ஜானரில் உருவாகியுள்ளது.

கதை

தலைமுடி ஏற்றுமதி வணிகத்தில் பல கோடி ரூபாய் மதிப்பிலான வர்த்தகம் நடைபெறுகிறது. இந்தத் தொழிலில் ஆதிக்கம் செலுத்தும் குழுக்களுக்கு இடையே போட்டியும் மோதலும் நிலவுகின்றன. இந்தச் சூழலில், தலைமுடி வியாபாரம் செய்யும் தங்கதுரையிடம் (ஏ. வெங்கடேஷ்) ஓட்டுநராகப் பணியாற்றுகிறார் மாரிமுத்து (லிவிங்ஸ்டன்). அவரது மகன் செல்வா (வெற்றி) மெக்கானிக் கடை நடத்தி வருகிறார்.

பல கோடி ரூபாய் மதிப்புள்ள தலைமுடி சரக்கை ஏற்றிச் செல்லும் லாரி திடீரென காணாமல் போகிறது. அதனை ஓட்டிச் சென்ற மாரிமுத்துவும் மாயமாகிறார். தந்தையைத் தேடி செல்வா களமிறங்குகிறார். இந்தச் சம்பவத்தின் பின்னணி என்ன, தலைமுடி சரக்கைக் கடத்தியது யார், தந்தையை மீட்கச் செல்வா என்ன செய்கிறார் என்பதே மீதிக்கதை.

நடிப்பு

செல்வா கதாபாத்திரத்தில் நடித்துள்ள வெற்றி, அளவான நடிப்பை வெளிப்படுத்தியிருக்கிறார். சண்டைக் காட்சிகளிலும், தந்தையுடன் இடம்பெறும் உணர்வுப்பூர்வமான காட்சிகளிலும் கவனம் பெறுகிறார். இருப்பினும், கதாநாயகனுக்கான வேகம் மற்றும் அழுத்தம் சில இடங்களில் குறைவாகவே இருக்கிறது.  பிரியாலயாவுடனான காதல் காட்சிகளும் கதையின் முக்கியமான பகுதியாக மாறவில்லை.

மாரிமுத்துவாக வரும் லிவிங்ஸ்டன் தனது அனுபவ நடிப்பால் கவனம் ஈர்க்கிறார். மகன் மீதான பாசம், முதலாளியிடம் காட்டும் விசுவாசம், கடத்தல் சம்பவத்தின்போது வெளிப்படுத்தும் நடிப்பு ஆகியவை படத்துக்குப் பலம் சேர்க்கின்றன. வில்லனாக வரும் அருள் டி. சங்கரின் கோபமும், சுருள்வாள் சண்டைக்காட்சியும் குறிப்பிடத்தக்கவை. கராத்தே வெங்கடேசன் மற்றும் அவரது குழுவினரின் வில்லத்தனமும் சில இடங்களில் படத்தின் விறுவிறுப்பைக் கூட்டுகிறது. ஏ. வெங்கடேஷ் வழக்கமான வில்லன் கதாபாத்திரத்தில் நடித்துள்ளார். அபிராமி வெங்கடாசலத்தின் கதாபாத்திரத்துக்கு இன்னும் வலுவான இடம் கொடுத்திருக்கலாம்.

படத்தின் பலம், பலவீனம்

படத்தின் முக்கியமான பலம் அதன் கதைக்களம். தலைமுடி ஏற்றுமதி வணிகம், அதன் சந்தை மதிப்பு, அதைச் சுற்றியுள்ள போட்டி மற்றும் குற்றச்செயல்கள் ஆகியவற்றைத் திரையில் கொண்டு வந்திருப்பது புதுமையான முயற்சி. லிவிங்ஸ்டனின் நடிப்பு, அருள் டி. சங்கரின் வில்லத்தனம், கவாஸ்கர் அவினாஸின் பின்னணி இசை மற்றும் ஆக்‌ஷன் காட்சிகளுக்கான ஒளிப்பதிவு ஆகியவை படத்துக்குச் சாதகமாக அமைகின்றன.

ஆனால், இந்தப் புதுமையான பின்னணியை இன்னும் ஆழமாக ஆராய்ந்திருக்கலாம். தலைமுடி வணிகத்தைப் பற்றிய தகவல்கள் முழுமையாக விரிவடையாமல், கதை வழக்கமான கேங்ஸ்டர் மோதல் மற்றும் பழிவாங்கும் பாதைக்குத் திரும்புகிறது. பல கதாபாத்திரங்களும், கிளைக்கதைகளும் இடம்பெற்றாலும் அவை அனைத்தும் ஒரே நேர்த்தியில் இணைவதில்லை. தொடக்கத்தில் மெதுவாக நகரும் திரைக்கதை, பின்னர் வேகம் எடுத்தாலும் கிரைம் திரில்லருக்குத் தேவையான பரபரப்பைத் தொடர்ந்து தக்கவைக்கவில்லை. சில காட்சிகளில் பயன்படுத்தப்பட்டுள்ள ஏ.ஐ. தொழில்நுட்பமும் படத்தின் இயல்பான தன்மையைக் குறைக்கிறது.

இதுவரை அதிகம் பேசப்படாத தலைமுடி வணிகத்தை மையமாகக் கொண்டிருப்பது ‘பிளாக் கோல்டு’ படத்தின் தனித்துவம். ஆனால், அந்தப் புதுமையான கதைக்களத்துக்கு ஏற்ற வலுவான திரைக்கதையும் விறுவிறுப்பும் அமைந்திருந்தால் இன்னும் சிறப்பான கிரைம் திரில்லராக உருவெடுத்திருக்கும். வித்தியாசமான கதைக்கருவை அறிமுகப்படுத்தும் முயற்சியாகத் தெரிந்தாலும், திரைக்கதையின் வேகக் குறைவு படத்தின் அனுபவத்தைச் சற்றே பாதிக்கிறது.

He covers Tamil cinema, film and OTT reviews, entertainment news, and key developments across the film industry for ABP Nadu. He explores film criticism, storytelling, performances, and the evolving landscape of cinema and streaming platforms. He has produced and conducted interviews with film-industry personalities, including director Thiyagarajan Kumararaja and playback singer Chinmayi. Beyond journalism, he pursues his passion for writing, filmmaking, and creative storytelling. He also co-authored the Tamil non-fiction book Noruṅgum Puvi Arangal (Breaking Planetary Boundaries).

Read More
Advertisement

லைவ் டிவி

ABP நாடு
ABP न्यूज़
ABP আনন্দ
ABP माझा
ABP અસ્મિતા
ABP Sਸਾਂਝਾ
POWERED BY
sponsor
Advertisement

தலைப்பு செய்திகள்

இனிகோ பிரபாகரின் ‘மின்னும் ஓர் இரவு’ படத்தின் இசை மற்றும் டிரெய்லர் வெளியீடு!
இனிகோ பிரபாகரின் ‘மின்னும் ஓர் இரவு’ படத்தின் இசை மற்றும் டிரெய்லர் வெளியீடு!
‘சிட்டுக்குறிஞ்சி’ இசை வெளியீட்டு விழா: நவம்பர் 27-ல் திரைக்கு வரும் புதிய படம்
‘சிட்டுக்குறிஞ்சி’ இசை வெளியீட்டு விழா: நவம்பர் 27-ல் திரைக்கு வரும் புதிய படம்
செல்ஃபீ எடுக்க வந்த ரசிகரை தரையில் தள்ளிய பவுன்சர்கள்...கல்லு மாதிரி உட்கார்ந்திருந்த தனுஷ்
செல்ஃபீ எடுக்க வந்த ரசிகரை தரையில் தள்ளிய பவுன்சர்கள்...கல்லு மாதிரி உட்கார்ந்திருந்த தனுஷ்
Karthigai Deepam: சாமுண்டீஸ்வரிக்கு புது ஸ்கெட்ச்! டாக்டருடன் கூட்டு சேர்ந்த ஸ்ரேயா! கார்த்திகை தீபத்தில் புது ட்விஸ்ட்
Karthigai Deepam: சாமுண்டீஸ்வரிக்கு புது ஸ்கெட்ச்! டாக்டருடன் கூட்டு சேர்ந்த ஸ்ரேயா! கார்த்திகை தீபத்தில் புது ட்விஸ்ட்
Advertisement
Advertisement

வீடியோ

Minister Inspection : ”எல்லாமே அப்படியே தான் இருக்கு ஒரு நாளும் வேலை நடக்கல”அதிகாரியை விளாசிய அமைச்சர்
MK Stalin on Vijay :
Rowdy Sullan Madhan : ஜாமீனில் வெளிவந்த ரவுடி ஓட ஓட விரட்டி வெட்டிக் கொலை சிவகங்கையில் கொடூரம்!
Mridangam Performance : 8 வயது சிஷ்யனை மேடையேற்றிய மிருதங்க வித்வான் ராமச்சந்திரன்!பக்தர்கள் கரவொலி
5 family members dead : தூக்கத்திலேயே 5 பேர் பலி! கொலையா? நூடுல்ஸ் காரணமா? விசாரணையில் திடுக் தகவல்

ஃபோட்டோ கேலரி

பர்சனல் கார்னர்

முக்கிய கட்டுரைகள்
டாப் ரீல்ஸ்
ஐபிஎல் கிரிக்கெட்டிலிருந்து எம்.எஸ்.தோனி ஒய்வு
ஐபிஎல் கிரிக்கெட்டிலிருந்து எம்.எஸ்.தோனி ஒய்வு
TVK vs DMK:
TVK vs DMK: "ரீபோஸ்ட் நிதி.. சீனியர் அபுயூசர்.. பெண்களை மதிக்கத் தெரியாத கட்சி திமுக.." சரமாரியாக விமர்சித்த தவெக
Gold Rate: 11 மாத காத்திருப்பு..! ரூ.1 லட்சத்திற்கும் கீழ் சரிந்த தங்கம் விலை - ஒரு சவரன், கிராம் எவ்வளவு தெரியுமா?
11 மாத காத்திருப்பு..! ரூ.1 லட்சத்திற்கும் கீழ் சரிந்த தங்கம் விலை - ஒரு சவரன், கிராம் எவ்வளவு தெரியுமா?
"முதலமைச்சருக்கு அரோகராவா? ஒழுங்கு மரியாதையா மன்னிப்பு கேளுங்க" - சீமான் விடுத்த கடும் எச்சரிக்கை
திருமணத்திற்கு மறுத்த பெண்.. சதி செய்த நாற்பது வயது ரோமியோ! போக்சோவில் சிக்கிய அப்பாவி இளைஞன்!
திருமணத்திற்கு மறுத்த பெண்.. சதி செய்த நாற்பது வயது ரோமியோ! போக்சோவில் சிக்கிய அப்பாவி இளைஞன்!
சூரசம்ஹாரத்தில் முருகனையும், விஜய்யையும் சேர்த்துப் பாடியது ஏன்? புஷ்பவனம் குப்புசாமி விளக்கம்
சூரசம்ஹாரத்தில் முருகனையும், விஜய்யையும் சேர்த்துப் பாடியது ஏன்? புஷ்பவனம் குப்புசாமி விளக்கம்
Karthigai:
Karthigai: "சுவாமியே... சரணம் ஐயப்பா.." பிறந்தது கார்த்திகை மாதம்! காலை முதல் மாலை அணியும் பக்தர்கள்!
“தனுஷ், திரிஷாவுக்கு ஒரு ஓட்டு கூடப் போடாதீங்க” - தனியரசு பேச்சால் பரபரப்பு
“தனுஷ், திரிஷாவுக்கு ஒரு ஓட்டு கூடப் போடாதீங்க” - தனியரசு பேச்சால் பரபரப்பு
Embed widget