LEO Anbenum Song Lyrics: அன்பெனும் ஆயுதம் தானே ஒரு வீரன் நெஞ்சமே.. ‘லியோ’ மூன்றாவது பாடலின் வரிகள் இதோ!
லோகேஷ் கனகராஜ் இயக்கி விஜய் நடித்திருக்கும் லியோ திரைப்படத்தின் மூன்றாவது பாடலான ‘அன்பெனும்’ பாடல் வரிகள் இதோ!
லியோ திரைப்படத்தின் மூன்றாவது பாடலான அன்பெனும் பாடல் வெளியாகி இருக்கிறது. அனிருத் இசையமைத்து விஷ்ணு எடவன் இந்தப் பாடலுக்கான வரிகளை எழுதி இருக்கிறார். அனிருத் மற்றும் லோதிகா இணைந்து இந்தப் பாடலை பாடியுள்ளார்கள்.
லியோ படத்தில் விஜய் நடித்திருக்கும் பார்த்தி கதபாத்திரத்தைச் சுற்றி இருக்கும் அவரது மனைவி மகள் மற்றும் நண்பர்கள் (கெளதம் மேனன் , பிரியா ஆனந்த்) ஆகியவர்களை மையமாக இந்தப் பாடல் கொண்டிருக்கிறது. அன்பு என்பதே இந்த உலகத்தில் மிகப்பெரிய ஆயுதம் என்பதை இந்த பாடலின் வரிகள் கூறுகின்றன. அதே நேரத்தில் கணவன் மனைவியாக இருக்கும் விஜய் - த்ரிஷா தங்களது வாழ்நாளின் இறுதிக்காலம் வரை ஒருவரை ஒருவர் துணையை விரும்புவதை இந்தப் பாடல் உணர்த்துகிறது. அன்பெனும் பாடல் வரிகள் இதோ...
(அனிருத்)
உயிர் பாதி உனக்கே..
உனில் பாதி எனக்கே..
அன்பெனும் ஆயுதம் தானே,
ஒரு வீரன் நெஞ்சமே..
நரை வந்தும் எனக்கே,
துணை நீயும் அருகே,
அன்பெனும் ஆயுதம் தானே,
ஒரு வீரன் நெஞ்சமே..
புயல் காற்றில் பனி சேர்ந்தால்
உயிர் தீயே உனைக் காக்க,
அன்பெனும் ஆயுதம் தானே
என்றென்றும் வீரனே...
(லோதிகா)
எனக்கான முகமே,
தினம் பார்க்க வரமே,
அன்பெனும் ஆயுதம் தானே,
உந்தன் நெஞ்சமே..
சுருக்கங்கள் நெருங்கும்,
நீ வேண்டும் உடனே
அன்பெனும் ஆயுதம் தானே..
உந்தன் நெஞ்சமே..
விரலோடு விரல் கோர்த்து,
மாரோடு அணைப்பாயே..
அன்பெனும் ஆயுதம் நீயே
என்றென்றும் வீரனே...
தமிழ் தெலுங்கு , மலையாளம், இந்தி, கன்னடம் உள்ளிட்ட மொழிகளில் இந்தப் பாடல் வெளியாகி உள்ளது.
Notification: New addition to your playlist ❤️#LeoThirdSingle is out now!#Anbenum #TeraHiJaaduHai #PremaOhAyudham #PreethiyaAayudha #AnmbezhumAayudham single is here
— Seven Screen Studio (@7screenstudio) October 11, 2023
▶️ https://t.co/vkeq43jvve#Thalapathy @actorvijay sir @Dir_Lokesh @trishtrashers @anirudhofficial… pic.twitter.com/TWfjxGlrjb
லியோ
லோகேஷ் கனகராஜ் இயக்கத்தில் விஜய் , த்ரிஷா, அர்ஜூன், சஞ்சய் தத், கெளதம் மேனன், பிரியா ஆனந்த், மிஸ்கின் உள்ளிட்டவர்கள் நடித்து உருவாகி இருக்கும் திரைப்படம் லியோ. 7 ஸ்கிரீன் நிறுவனம் இந்தப் படத்தை தயாரித்துள்ளது. வருகின்ற அக்டோபர் 19ஆம் தேதி லியோ திரைப்படம் திரையரங்குகளில் வெளியாக இருக்கிறது. மேலும் அக்டோபர் 19ஆம் தேதி அதிகாலை 4 மணிக்கு லியோ சிறப்புக் காட்சிகளுக்கு அரசு அனுமதி அளித்துள்ளது. மேலும் படம் வெளியாகிய முதல் வாரம் முழுவதும் அதிகாலை சிறப்புக் காட்சிகள் திரையிடப்பட இருக்கின்றன.
தலைப்பு செய்திகள்
ட்ரெண்டிங் செய்திகள்
