Legend Trailer Out: அடாவடி.. அதிரடி... விஞ்ஞானியாக களமிறங்கிய "தி லெஜண்ட்"... வெளியானது ட்ரைலர்!

தி லெஜண்ட் சரவணன் நடிப்பில் "தி லெஜண்ட்" படத்தின் ட்ரைலர் வெளியாகி சமூக வலைத்தளங்களில் வைரலாகி வருகிறது.

லெஜண்ட் ட்ரெய்லர்

தமிழ்நாட்டின் மிகவும் பிரபலமான ஜவுளிக்கடைகளில் ஒன்றாக திகழ்வது சரவணா ஸ்டோர்ஸ். லெஜண்ட் சரவணா ஸ்டோர்சின் உரிமையாளரான லெஜண்ட் சரவணன் கடந்த சில ஆண்டுகளாக தனது கடைக்கான விளம்பரங்களுக்கு தானே நடித்தார். இதன்மூலம் அவர் மக்கள் மத்தியில் மிகவும் பிரபலம் ஆனார்.

பின்னர், நடிப்பின் மேல் ஆசை கொண்ட அவர் உல்லாசம் படத்தை இயக்கிய ஜேடி – ஜெர்ரி என்ற இரட்டை இயக்குனர்களின் இயக்கத்தில் தி லெஜண்ட் என்ற படத்தில் நடித்து விரைவில் இந்த திரைப்படம் வெளிவர இருக்கிறது. 

இந்தநிலையில், இந்த "தி லெஜண்ட்"படத்தின் ட்ரைலர் வெளியாகி சமூக வலைத்தளங்களில் வைரலாகி வருகிறது. ஆரம்பம் முதல் ட்ரைலரில் அதிரடி காட்சியாக அதகளம் செய்ய, படத்தின் கதாநாயகன் தி லெஜண்ட் சரவணன் விஞ்ஞானியாக நடித்துள்ளார். 

 இந்த படத்திற்கு பிரபல இசையமைப்பாளர் ஹாரிஸ் ஜெயராஜ் இசையமைத்துள்ளார். பிரபல ஒளிப்பதிவாளர் வேல்ராஜ் ஒளிப்பதிவு செய்துள்ளார். மேலும், இந்த படத்தின் மறைந்த நகைச்சுவை நடிகர் விவேக் மற்றும் நடிகர் பிரபு இன்னும் பலர் நடித்துள்ளனர். தற்போது மிகப்பெரிய எதிர்பார்ப்புக்கு மத்தியில் ட்ரைலர் வெளியாகி நல்ல வரவேற்பை பெற்று வருகிறது. 

ஏற்கனவே, இந்த படத்தில் இருந்து வெளியான “மொசலோ மொசலு” பாடலும், வாடிவாசல் பாடலும் வெளியாகி நல்ல வரவேற்பை பெற்றுள்ளது. தற்போது வெளியான ட்ரைலரையும் இதுவரை 2 லட்சத்திற்கும் அதிகமானோர் பார்வையிட்டும், 24 ஆயிரத்திற்கும் அதிகமானோர் லைக்ஸ் செய்தும் வருகின்றனர். 

மேலும் செய்திகளை காண, ABP நாடு செய்திகளை Google News -ல் பின் தொடர இங்கே கிளிக் செய்யவும்

ABP நாடு செய்திகளை சமூக வலைத்தள பக்கங்களிலும் பின் தொடரலாம்

பேஸ்புக் பக்கத்தில் தொடர

ட்விட்டர் பக்கத்தில் தொடர

யூடியூடிபில் வீடியோக்களை காண